6:146. (பிராணிகள் மற்றும் பறவைகளில் விரல்கள் பிளந்த) நகத்தையுடைய அனைத்தையும் யூதர்களுக்கு நாம் தடுத்திருந்தோம்; இன்னும், மாட்டிலிருந்தும், ஆட்டிலிருந்தும் அவ்விரண்டினுடைய கொழுப்புகளையும் அவர்களின் மீது தடுத்திருந்தோம்; (எனினும்) அவ்விரண்டின் முதுகுகளோ அல்லது குடல்களோ சுமந்திருக்கின்றதையும், அல்லது எலும்புடன் கலந்திருப்பதையும் தவிர - அவர்கள் அக்கிரமம் செய்த காரணத்தினால் அவர்களை நாம் தண்டித்தோம்; நிச்சயமாக நாம் உண்மையாளராவோம்.

21:78. இன்னும் தாவூதையும், ஸுலைமானையும் (நினைவு கூர்வீராக!): வேளாண்மை நிலத்தில் ஒரு சமூகத்தாரின் ஆடுகள் இரவில் இறங்கி மேய்ந்தபோது, அதைப் பற்றி அவ்விருவரும் தீர்ப்புக் கூறியபோது, அவர்களுடைய தீர்ப்பை நாம் கவனித்துக் கொண்டிருந்தோம்.

38:23. (அவர்களில் ஒருவர் கூறினார்:) "நிச்சயமாக இவர் என்னுடைய சகோதரர்; இவரிடம் தொண்ணூற்றொன்பது ஆடுகள் இருக்கின்றன; ஆனால், என்னிடம் ஒரே ஓர் ஆடுதான் இருக்கிறது; அவர், 'அதனையும் என்னிடம் ஒப்படைத்துவிடு' என்று சொல்லி வாதத்தில் என்னை மிகைத்துவிட்டார்."

38:24. (அதற்கு தாவூது) "உம்முடைய ஆட்டை அவர் தம்முடைய ஆடுகளுடன் சேர்த்துவிடும்படி கேட்டதன் மூலம் நிச்சயமாக அவர் உம்மீது அநியாயம் செய்துவிட்டார்: நிச்சயமாக கூட்டாளிகளில் பெரும்பாலோர் - அவர்களில் சிலர் சிலரை வரம்புமீறிவிடுகின்றனர்; நம்பிக்கை கொண்டு, நற்செயல்கள் செய்பவர்களைத் தவிர; இத்தகையோர் சிலரே" என்று கூறினார். (இதற்குள்) நிச்சயமாக நாமே அவரைச் சோதித்துவிட்டோம் என்று தாவூது எண்ணித் தம்முடைய இறைவனிடம் மன்னிப்புக்கோரி குனிந்து (ஸஜ்தாவில்) விழுந்தவராக (அவன்பால்) மீண்டார்.