2:102. மேலும், அவர்கள் ஸுலைமானின் ஆட்சிக்கு எதிராக ஷைத்தான்கள் ஓதியவற்றையே பின்பற்றினார்கள்; ஆனால், ஸுலைமான் நிராகரிக்கவில்லை; ஷைத்தான்கள்தாம் நிராகரித்தனர்; அவர்கள்தாம் மனிதர்களுக்குச் சூனியத்தைக் கற்றுக்கொடுத்தார்கள்; இன்னும், பாபிலோ(ன் என்னும் ஊரி)னில் ஹாரூத், மாரூத் என்ற இரண்டு வானவர்களுக்கு இறக்கப்பட்டதையும் (தவறான வழியில் பிரயோகிக்கக் கற்றுக்கொடுத்தார்கள்). ஆனால், அவர்கள் இருவரும் "நிச்சயமாக நாங்கள் சோதனையாக இருக்கிறோம்; (இதைக் கற்று) நீ நிராகரிப்பவனாகிவிடாதே!" என்று சொல்லி எச்சரிக்காத வரையில், எவருக்கும் இந்த சூனியத்தைக் கற்றுக்கொடுக்கவில்லை; அப்படியிருந்தும் கணவனுக்கும், அவன் மனைவிக்குமிடையே பிரிவை உண்டாக்கும் செயலை அவர்களிடமிருந்து கற்றுக்கொண்டார்கள்; எனினும், அல்லாஹ்வின் கட்டளையின்றி அவர்கள் எவருக்கும் எத்தகைய தீங்கும் இதன் மூலம் இழைக்கமுடியாது; தங்களுக்குத் தீங்கிழைப்பதையும், எவ்வித நன்மையும் தராததையுமே கற்றுக்கொண்டார்கள்; இதனை (சூனியத்தை) விலைகொடுத்து வாங்கிக் கொண்டவர்களுக்கு மறுமையில் யாதொரு பாக்கியமும் இல்லை என்பதை அவர்கள் அறிந்துள்ளார்கள்; அவர்கள் தங்கள் ஆத்மாக்களை விற்றுப் பெற்றுக்கொண்டது கெட்டதாகும்; இதை அவர்கள் அறிந்துகொள்ள வேண்டாமா?

2:247. அவர்களுடைய நபி அவர்களிடம், "நிச்சயமாக அல்லாஹ் தாலூத்தை உங்களுக்கு அரசனாக அனுப்பியிருக்கிறான்" என்று கூறினார்; (அதற்கு) அவர்கள், "எங்கள் மீது அவருக்கு எவ்வாறு ஆட்சியுரிமை ஏற்படும்? ஆட்சிக்கு அவரைவிட நாங்கள்தாம் தகுதியுடையவர்கள்; மேலும், அவருக்குத் திரண்ட செல்வமும் கொடுக்கப்படவில்லையே!" என்று கூறினார்கள்; அதற்கவர், "நிச்சயமாக அல்லாஹ் உங்களைவிட (மேலாக) அவரையே தேர்ந்தெடுத்திருக்கின்றான்; இன்னும் அறிவிலும், உடலி(ன் வலிமையி)லும் விசாலத்தை அதிகமாக்கியுள்ளான்; அல்லாஹ் தான் நாடியோருக்குத் தன் (அரச) அதிகாரத்தையும் வழங்குவான்; இன்னும், அல்லாஹ் விசாலமான (கொடையுடைய)வன், (யாவற்றையும்) நன்கறிபவன்" என்று கூறினார்.

2:251. இவ்வாறு அவர்கள் அல்லாஹ்வின் அனுமதி கொண்டு (ஜாலூத்தின் படையை) முறியடித்தார்கள்; தாவூது ஜாலூத்தைக் கொன்றார்; அல்லாஹ் அவருக்கு அரசுரிமையையும், ஞானத்தையும் கொடுத்தான்; தான் விரும்பியவற்றையெல்லாம் அவருக்குக் கற்பித்தான்; இன்னும், மனிதர்களை அவர்களில் சிலரைக்கொண்டு சிலரை அல்லாஹ் தடுக்காவிட்டால் பூமி சீர்கெட்டிருக்கும்; ஆயினும், நிச்சயமாக அல்லாஹ் அகிலத்தார்மீது அருளுடையோனாக இருக்கின்றான்.

3:26. (நபியே!) நீர் கூறுவீராக: "அல்லாஹ்வே! ஆட்சிகளுக்கெல்லாம் அதிபதியே! நீ நாடியவருக்கு ஆட்சியைக் கொடுக்கின்றாய்; இன்னும், நீ நாடியவரிடமிருந்து ஆட்சியைப் பறித்தும் விடுகிறாய்; நீ நாடியோரை கண்ணியப்படுத்துகிறாய்; நீ நாடியோரை இழிவுபடுத்துகிறாய்; நன்மைகள் யாவும் உன் கைவசமேயுள்ளன; அனைத்துப் பொருட்கள் மீதும் நிச்சயமாக நீ ஆற்றலுடையவனாக இருக்கின்றாய்."

4:53. இவர்களுக்கு ஆட்சியில் ஏதேனும் பங்கு இருக்கிறதா? அப்படியிருந்தால், (மற்ற) மனிதர்களுக்கு (அதிலிருந்து) ஓர் எள்ளளவும் கொடுக்கமாட்டார்கள்.

4:54. அல்லாஹ் தன் அருளினால் மனிதர்களுக்கு வழங்கியவற்றின் மீது இவர்கள் பொறாமை கொள்கின்றார்களா? இன்னும் நாம், நிச்சயமாக இப்ராஹீமின் சந்ததியினருக்கு வேதத்தையும், ஞானத்தையும் கொடுத்தோம்; அத்துடன் மாபெரும் அரசாங்கத்தையும் அவர்களுக்குக் கொடுத்தோம்.

12:101. என் இறைவனே! நிச்சயமாக நீ எனக்கு ஆட்சியிலிருந்து (ஒரு பங்கைத்) தந்து, கனவுகளின் விளக்கத்தையும் எனக்குக் கற்றுத் தந்தாய்; வானங்களையும் பூமியையும் படைத்தவனே! இம்மையிலும் மறுமையிலும் நீயே என் பாதுகாவலன்; முஸ்லிமாக (உனக்கு முற்றிலும் வழிப்பட்டவனாக இருக்கும் நிலையில்) என்னை நீ கைப்பற்றிக் கொள்வாயாக! இன்னும், நல்லவர்களுடன் என்னைச் சேர்த்திடுவாயாக! (என்று அவர் பிரார்த்தித்தார்).

20:120. ஆனால், ஷைத்தான் அவருக்கு ஊசலாட்டத்தை உண்டாக்கி, "ஆதமே! நித்திய வாழ்வளிக்கும் மரத்தையும், அழிவில்லாத அரசாங்கத்தையும் உமக்கு நான் அறிவித்துத் தரவா?" என்று கேட்டான்.

38:20. மேலும், நாம் அவருடைய அரசாங்கத்தையும் வலுப்படுத்தினோம்; இன்னும், அவருக்கு ஞானத்தையும், தெளிவான விளக்கத்தையும் அளித்தோம்.

38:35. "என் இறைவனே! என்னை மன்னிப்பாயாக! அன்றியும், பின்னர் எவருமே அடையமுடியாத ஓர் அரசாங்கத்தை எனக்கு நீ நன்கொடையளிப்பாயாக! நிச்சயமாக நீயே மிகப்பெரும் கொடையாளியாவாய்" எனக் கூறினார்.

40:29. "என்னுடைய சமூகத்தாரே! இன்று ஆட்சி உங்களிடம்தான் இருக்கிறது: (நீங்கள்தாம் எகிப்து) பூமியில் மிகைத்தவர்களாகவும் இருக்கின்றீர்கள்; ஆயினும், அல்லாஹ்வின் தண்டனை நமக்கு வந்துவிட்டால், நமக்கு உதவிசெய்பவர் யார்?" (என்றும் கூறினார்:) அதற்கு: "நான் (உண்மை எனக்) காண்பதையே உங்களுக்கு நான் காண்பிக்கிறேன்; நேரான பாதையல்லாது (வேறு) எதையும் நான் உங்களுக்குக் காண்பிக்கவில்லை" என ஃபிர்அவன் கூறினான்.

43:51. மேலும், ஃபிர்அவன் தன் சமூகத்தாரிடம் பறைசாற்றினான்: "என்னுடைய சமூகத்தாரே! இந்த எகிப்தின் அரசாங்கம், என்னுடையதல்லவா? என(து மாளிகை)க்குக் கீழே ஓடிக்கொண்டிருக்கும் நதி(யின் இக்கால்வாய்)களும்? (என் ஆட்சிக்கு உட்பட்டவை; இவற்றையெல்லாம்) நீங்கள் பார்க்கவில்லையா?"

76:20. அன்றியும், அங்கு நீர் பார்த்தீராயின், இன்பபோக்கியங்களையும், மாபெரும் அரசாங்கத்தையும் அங்குக் காண்பீர்.