7:127. அதற்கு, ஃபிர்அவ்னின் சமூகப்பிரமுகர்கள் (அவனை நோக்கி): "மூஸாவும், அவருடைய சமூகத்தாரும் பூமியில் குழப்பம் உண்டாக்கவும், உம்மையும், உம் தெய்வங்களையும் (புறக்கணித்து) விட்டு விடுவதற்காகவும் நீர் அவர்களை விட்டு வைப்பீரா?" என்று கேட்டார்கள். அதற்கு அவன், "(அவ்வாறன்று!) நாம் அவர்களுடைய ஆண் மக்களை வெட்டிக் கொன்றுவிட்டு, அவர்களுடைய பெண்மக்களை (மட்டும்) உயிருடன் வாழவிடுவோம்; நிச்சயமாக நாம் அவர்கள்மீது ஆதிக்கம் செலுத்துபவர்களாக இருக்கிறோம்" என்று கூறினான்.

7:167. (நபியே!) உம்முடைய இறைவன் - அவர்களுக்குக் கொடிய வேதனை கொடுக்கக் கூடியவர்களையே அவர்கள் மீது (ஆதிக்கம் செலுத்துமாறு) மறுமை நாள் வரை, திண்ணமாக அவன் அனுப்புவான் என்று அறிவித்ததை (அவர்களுக்கு நினைவூட்டுவீராக!) - நிச்சயமாக உம் இறைவன் தண்டனையளிப்பதில் தீவிரமானவன்; மேலும், நிச்சயமாக அவன் மிகவும் மன்னிப்பவனாகவும், கிருபையாளனாகவும் இருக்கின்றான்.

8:24. நம்பிக்கை கொண்டோரே! அல்லாஹ்வுக்கும், (அவனுடைய) தூதருக்கும் - உங்களுக்கு வாழ்வளிக்கும் காரியத்தின்பால் உங்களை அவர் அழைத்தால் - நீங்கள் பதிலளியுங்கள்; இன்னும், நிச்சயமாக அல்லாஹ் மனிதனுக்கும் அவன் இதயத்திற்குமிடையேயும் சூழ்ந்து இருக்கிறான் என்பதையும், அவனிடத்திலேயே நீங்கள் ஒன்று சேர்க்கப்படுவீர்கள் என்பதையும் அறிந்துகொள்ளுங்கள்.