2:96. அவர்கள் மற்ற மனிதர்களைவிட - இணை வைப்பவர்களையும்விட (இவ்வுலக) வாழ்க்கையில் பேராசை உடையவர்களாக இருப்பதை (நபியே!) நீர் நிச்சயமாகக் காண்பீர்; அவர்களில் ஒருவர் தாம் ஆயிரம் ஆண்டுகள் வயதளிக்கப்பட வேண்டுமே என்று விரும்புவார்; (அவ்வாறு) அவர் வயதளிக்கப்படுவது (நரக) வேதனையை விட்டும் அவரைத் தூரமாக்கி வைக்கக்கூடியதாக இருக்காது; இன்னும், அல்லாஹ் அவர்கள் செய்வதையெல்லாம் கூர்ந்து பார்ப்பவனாக இருக்கின்றான்.

2:125. (இதையும் எண்ணிப்பாருங்கள்: "கஃபா என்னும்) அந்த ஆலயத்தை நாம் மக்கள் ஒன்று கூடும் இடமாகவும், இன்னும் பாதுகாப்பான இடமாகவும் ஆக்கினோம்: இப்ராஹீம் நின்ற இடத்தை தொழும் இடமாக ஆக்கிக் கொள்ளுங்கள்" (என்றும் நாம் சொன்னோம்); இன்னும், "என் ஆலயத்தை சுற்றிவருபவர்கள், தங்கி இருப்பவர்கள், ருகூஉ செய்பவர்கள், ஸஜ்தா செய்பவர்கள் ஆகியோருக்காக நீங்களிருவரும் தூய்மையாக வைத்திருக்கவேண்டும்" என்று இப்ராஹீமிடமிருந்தும், இஸ்மாயீலிடமிருந்தும் நாம் உறுதிமொழி வாங்கினோம்.

2:127. இப்ராஹீமும், இஸ்மாயீலும் இவ்வாலயத்தின் அடித்தளத்தை உயர்த்தியபோது, "எங்கள் இறைவனே! எங்களிடமிருந்து (இப்பணியை) ஏற்றுக்கொள்வாயாக! நிச்சயமாக நீயே (யாவற்றையும்) கேட்பவனாகவும் அறிபவனாகவும் இருக்கின்றாய்" (என்றும்).

2:158. நிச்சயமாக 'ஸஃபா' மற்றும் 'மர்வா' (என்னும் இருமலைகள்) அல்லாஹ்வின் அடையாளங்களில் உள்ளவை; எனவே, எவர்கள் (கஃபா என்னும்) அவ்வாலயத்தை ஹஜ் அல்லது உம்ரா செய்கிறார்களோ, அவர்கள் அவ்விரண்டையும் சுற்றிவருவது (ஸயீ செய்வது) குற்றமல்ல; இன்னும், எவனொருவன் உபரியாக நன்மையைச் செய்கிறானோ, (அவனுக்கு) நிச்சயமாக அல்லாஹ் நன்றி பாராட்டுகிறவனாகவும், (அவனுடைய செயல்களை) நன்கறிந்தவனாகவும் இருக்கின்றான்.

3:97. அதில் தெளிவான அத்தாட்சிகளும் இப்ராஹீம் நின்ற இட(மான மகாமு இப்ராஹீ)மும் இருக்கின்றன; மேலும், எவர் அதில் நுழைகிறாரோ அவர் அச்சம் தீர்ந்தவராகிவிடுகிறார்; இன்னும், எவர்கள் அங்கு யாத்திரை செல்லச் சக்திபெற்று இருக்கிறார்களோ, அத்தகைய மனிதர்கள்மீது, அல்லாஹ்வுக்காக அவ்வாலயத்தை ஹஜ் செய்வது கடமையாகும்; ஆனால், எவரேனும் (இதை) நிராகரித்தால் (அதனால் அல்லாஹ்வுக்குக் குறையேற்படப் போவதில்லை; ஏனெனில்) - நிச்சயமாக அல்லாஹ் அகிலத்தாரை விட்டும் தேவையற்றவனாக இருக்கின்றான்.

5:2. நம்பிக்கையாளர்களே! (நீங்கள் இஹ்ராம் கட்டியிருக்கும் சமயத்தில் உங்களுக்கு ஏற்படுத்தப்பட்ட) அல்லாஹ்வின் (மார்க்க) அடையாளங்களையும், புனிதமான (எந்த) மாதத்தையும், பலிப்பிராணியையும், (அதற்காக கழுத்தில்) அடையாளம் கட்டப்பட்டவற்றையும் தங்களுடைய இறைவனின் அருளையும், திருப்பொருத்தத்தையும் நாடி (கஃபா எனும்) புனிதமிக்க (அவனுடைய) ஆலயத்தை நாடிச்செல்வோரையும் (-தாக்குவதையோ, அவமதிப்பதையோ) நீங்கள் ஆகுமாக்கிக்கொள்ளாதீர்கள்; நீங்கள் இஹ்ராமைக் களைந்துவிட்டால் (அனுமதிக்கப்பட்டவற்றை) நீங்கள் வேட்டையாடலாம்; மேலும், (கஃபா எனும்) மஸ்ஜிதுல் ஹராமைவிட்டும் உங்களைத்தடுத்த கூட்டத்தினர் மீதுள்ள பகைமையானது, நீங்கள் வரம்புமீறுமாறு உங்களைத் தூண்டிவிடவேண்டாம்; இன்னும், நன்மையிலும், இறையச்சத்திலும் நீங்கள் ஒருவருக்கொருவர் உதவிசெய்துகொள்ளுங்கள்; பாவத்திலும், பகைமையிலும் நீங்கள் ஒருவருக்கொருவர் உதவிசெய்து கொள்ளவேண்டாம்; அல்லாஹ்வை நீங்கள் பயந்துகொள்ளுங்கள் - நிச்சயமாக அல்லாஹ் கடுமையாக தண்டிப்பவன்.

5:97. புனித ஆலயமாகிய கஃபாவையும், சங்கையான மாதத்தையும், பலிப்பிராணிகளையும், அடையாளமிடப்பட்ட (பலிப்)பிராணிகளையும் மனிதர்களுக்கு (மார்க்க நெறிகளுக்கு) நிலைப்பாடானவையாக அல்லாஹ் ஆக்கிவைத்துள்ளான்; அ(ல்லாஹ் இவ்வாறு செய்த)து, நிச்சயமாக அல்லாஹ் வானங்களிலும், பூமியிலும் இருப்பவற்றையெல்லாம் நன்கறிவான் என்பதை நீங்கள் அறிந்து கொள்வதற்காகவேதான்; நிச்சயமாக அல்லாஹ் அனைத்துப் பொருட்களையும் நன்கறிபவன்.

8:35. அப்பள்ளியில் அவர்களுடைய தொழுகையெல்லாம் சீட்டியடிப்பதும், கை தட்டுவதுமே தவிர வேறில்லை; ஆகவே, "நீங்கள் நிராகரித்துக்கொண்டிருந்ததின் காரணமாக (இப்போது) வேதனையைச் சுவையுங்கள்" (என்று அவர்களுக்கு மறுமையில் கூறப்படும்).

11:73. (அதற்கு) அவர்கள், "அல்லாஹ்வின் கட்டளையைப் பற்றி நீர் ஆச்சரியப்படுகிறீரா? அல்லாஹ்வின் அருளும், அவனுடைய பாக்கியங்களும் இவ்வீட்டிலுள்ள உங்கள் மீது உண்டாவதாக! நிச்சயமாக அவன் புகழுடையவனாகவும், மகிமை வாய்ந்தவனாகவும் இருக்கின்றான்" என்று பதிலளித்தார்கள்.

17:93. "அல்லது, ஒரு தங்கமாளிகை உமக்கு இருந்தாலன்றி (உம்மீது நம்பிக்கை கொள்ளோம்); அல்லது, வானத்தின் மீது நீர் ஏறிச்செல்ல வேண்டும்: (அங்கிருந்து) எங்களுக்காக நாங்கள் படிக்கக்கூடிய ஒரு (வேத) நூலை நீர் எங்கள் மீது இறக்கிவைக்கும் வரையில் நீர் (வானத்தில்) ஏறியதையும் நாங்கள் நம்பமாட்டோம்" (என்று கூறுகின்றனர்); "என் இறைவன் மிகத்தூயவன்: நான் (இறைவனுடைய) தூதனாகிய ஒரு மனிதனே தவிர வேறெதுவுமாக இருக்கின்றேனா?" என்று (நபியே! நீர் பதில்) கூறுவீராக!

22:26. நாம் இப்ராஹீமுக்குப் புனித ஆலயத்தின் இடத்தை நிர்ணயித்து, "நீர் எனக்கு எவரையும் இணைவைக்காதீர்; என்னுடைய (இந்த) ஆலயத்தைச் சுற்றி வருவோருக்கும், அதில் நிற்போருக்கும், ருகூஉ, ஸுஜூது செய்(து தொழு)வோருக்கும் தூய்மையாக்கி வைப்பீராக!" என்று சொன்னதை (நபியே! நினைவு கூர்வீராக!).

22:29. பின்னர் அவர்கள் (தலைமுடி இறக்கி, நகம் வெட்டி, குளித்துத்) தம் அழுக்குகளை நீக்கி, தங்கள் நேர்ச்சைகளை நிறைவேற்றி (அந்தப் புனிதமான) பூர்வீக ஆலயத்தைத் தவாஃபும் செய்யவேண்டும்.

22:33. (பலிப் பிராணிகளாகிய) அவற்றில் ஒரு குறிப்பிட்ட தவணை வரையில் உங்களுக்குப் பயனடையுதல் உண்டு; அதன் பின்னர், (உரிய காலம் வந்ததும்) அவற்றின் (குர்பானிக்கான) இடம் அந்தப் பூர்வீகமான ஆலயத்தின்பால் இருக்கிறது.

28:12. முன்னதாகவே அவர் மீது - பால் கொடுக்கும் பெண்களை நாம் தடுத்துவிட்டோம். (அவருடைய சகோதரி வந்து) கூறினாள்: "உங்களுக்காகப் பொறுப்பேற்று அவரைப் (பாலூட்டி) வளர்க்கக்கூடிய ஒரு வீட்டினரை நான் உங்களுக்கு அறிவிக்கட்டுமா? மேலும், அவர்கள் அவர் நன்மையை நாடுபவராக இருப்பார்கள்."

29:41. அல்லாஹ் அல்லாதவற்றை(த் தங்களுக்குப்) பாதுகாவலர்களாக எடுத்துக்கொண்டவர்களுக்கு உதாரணம், சிலந்திப்பூச்சியின் உதாரணம் போன்றது; அது (தனக்காக) ஒரு வீட்டைக் கட்டியது; இன்னும், நிச்சயமாக வீடுகளிலெல்லாம் மிகவும் பலவீனமானது சிலந்திப்பூச்சியின் வீடேயாகும்; இதை அவர்கள் அறிந்து கொண்டிருப்பார்களாயின் (தாங்கள் இணையாக எடுத்துக் கொண்டவற்றின் பலவீனத்தை அறிவார்கள்).

33:33. (நபியின் மனைவியரே!) நீங்கள் உங்கள் வீடுகளிலேயே தங்கியிருங்கள்; முந்தைய அறியாமைக் காலத்தில் (பெண்கள் ஒப்பனையையும் ஒய்யாரத்தையும்) வெளிப்படுத்தித் திரிந்து கொண்டிருந்ததைப் போல் நீங்கள் வெளிப்படுத்தித் திரியாதீர்கள்; தொழுகையைக் கடைப்பிடியுங்கள்; ஜகாத்தையும் கொடுங்கள்; அல்லாஹ்வுக்கும், அவனுடைய தூதருக்கும் கீழ்ப்படியுங்கள்; (நபியின்) வீட்டையுடையவர்களே! உங்களை விட்டும் அசுத்தத்தை நீக்கி, உங்களை முற்றிலும் பரிசுத்தமாக்கிவிடவே அல்லாஹ் நாடுகிறான்.

51:36. எனவே, அதில் முஸ்லிம்களிலிருந்து ஒரு வீட்டைத் தவிர, ஒருவரையும் நாம் காணவில்லை.

52:4. பைத்துல் மஃமூர் (என்னும் ஆலயத்தின்) மீது சத்தியமாக!

106:3. இந்த ஆலயத்தின் (கஃபாவின்) இறைவனை அவர்கள் வணங்குவார்களாக!