1024. ``எதன் வாயிலாக மறைவிடங்களை (உங்களுக்கு) அனுமதிக்கப்பட்டதாக நீங்கள் ஆக்கிக் கொள்கிறீர்களோ அந்த மஹர் தொகைதான் நிபந்தனைகளிலேயே நிறைவேற்றுவதற்கு அதிகத் தகுதி வாய்ந்ததாகும்'' என்று இறைத்தூதர்(ஸல்) கூறினார்கள் என உக்பா இப்னு ஆமிர்(ரலி) அறிவித்தார்.
நூல்கள்: புகாரீ, முஸ்லிம்

1026. இறைத்தூதர்(ஸல்) `முத்ஆ' திருமணத்தை கைபர் போர் நடந்த ஆண்டில் தடைசெய்தார்கள் என அலீ(ரலி) அறிவித்தார்.
நூல்கள்: புகாரீ, முஸ்லிம்

1028. ``பெண்களை `முத்ஆ' திருமணம் புரிவதை நான் உங்களுக்கு ஆகுமானதாக்கி இருந்தேன். இப்போது மறுமை நாள் வரை `அல்லாஹ அதனைத் தடைசெய்து விட்டான். எனவே, யாரிடமேனும் அப்படி எதுவும் இருந்தால் அவர் அவளின் வழியில் அவளை விட்டுவிடட்டும். அவளுக்குக் கொடுத்ததிலிருந்து எதையும் (திரும்ப) வாங்க வேண்டாம்'' என்று இறைத்தூதர்(ஸல்) கூறினார்கள் என ரபீஃ இப்னு ஸப்ரா(ரலி) அறிவித்தார்கள்.
நூல்கள்: முஸ்லிம், அபூ தாவூத், நஸயீ, இப்னு மாஜா, அஹ்மத் மற்றும் இப்னு ஹிப்பான்.

1030. அலீ(ரலி) வாயிலாக அபூ தாவூத், திர்மிதீ மற்றும் இப்னு மாஜாவில் மேற்கண்ட ஹதீஸ் இடம் பெற்றுள்ளது.

1032. ஒருவர் தன் மனைவியை மும்முறை தலாக் செய்தார். அவரை மற்றொருவர் மணமுடித்து உடலுறவு, கொள்வதற்கு முன்னரே, தலாக் செய்தார். பின்னர், அப்பெண்ணை முதல் கணவர் (மறுபடியும்) திருமணம் செய்ய விரும்பினார். இது குறித்து நபி(ஸல்) அவர்களிடம் வினவப்பட்டது.
``இல்லை. முதலாமவர் அவளிடமிருந்து தேன் சுவைத்தது போன்றே இரண்டாமவர் (தேன்) சுவைக்காதவரை கூடாது'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

1034. மேற்கண்ட ஹதீஸிற்குச் சான்றாக பஸ்ஸாரில் முஆத் இப்னு ஜபல்(ரலி) வாயிலாக `முன்கதிஃ' எனும் தரத்தில் ஹதீஸ் உள்ளது.

1036. ``பனூ பயாளா குலத்தாரே! அபூ ஹிந்திற்கு திருமணம் செய்துவையுங்கள், அவருக்குத் திருமணம் செய்துவையுங்கள்'' என்று இறைத்தூதர்(ஸல்) கூறினார்கள். அவர் இரத்தம் குத்தி எடுப்பவராக இருந்தார் என அபூ ஹுரைரா(ரலி) அறிவித்தார்.
இது ஹாகிம் மற்றும் அபூ தாவூதில் நல்ல அறிவிப்பாளர் தொடருடன் பதிவிடப்பட்டுள்ளது.

1038. ``இறைத்தூதர் அவர்களே! நான் இஸ்லாமில் இணைந்துவிட்டேன். இரண்டு சகோதரிகள் என் கீழ் (ஒரே நேரத்தில் மனைவியராக) உள்ளனர்?'' என நான் கூறினேன்.
``அவர்களில் நீ விரும்பியவளை விவாகரத்துச் செய்து விடு'' என்று இறைத்தூதர்(ஸல்) கூறினார்கள் என ளஹ்ஹாக் இப்னு ஃபைரூஜ் அத்தய்லமி தம் தந்தையிடமிருந்து அறிவித்தார்.
நூல்கள்: அஹ்மத், அபூ தாவூத், திர்மிதீ மற்றும் இப்னு மாஜா.
இமாம் இப்னு ஹிப்பான், இமாம் பைஹகீ மற்றும் இமாம் தாரகுத்னீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.
இமாம் புகாரீ(ரஹ்) இதனை மஃலூல் எனும் குறைபாடு உடையது எனக் குறிப்பிட்டுள்ளார்.

1040. இறைத்தூதர்(ஸல்) தம் மகள் ஸைனபை ஆறு ஆண்டுகளுக்குப் பிறகு (தம் மருமகன்) அபுல் ஆஸ் இப்னு ரபீவு அவர்களிடம் (அவர்களின்) திருமணத்தைப் புதுப்பிக்காமலேயே திருப்பி அனுப்பினார்கள் என இப்னு அப்பாஸ்(ரலி) அறிவித்தார்.
நூல்கள்: அஹ்மத், அபூ தாவூத், திர்மிதீ மற்று இப்னு மாஜா
இமாம் அஹ்மத் மற்றும் இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

1042. ஒரு பெண் இஸ்லாமில் இணைந்தார். பின்னர், திருமணம் செய்துகொண்டார். (அதன் பின்னர்) அவளின் முந்தைய கணவர் நபி(ஸல்) அவர்களிடம் வந்து, ``இறைத்தூதர் அவர்களே! நான் இஸ்லாமில் இணைந்துவிட்டேன். நான் இஸ்லாமில் இணைந்ததை என் மனைவியும் அறிந்து கொண்டாள்'' எனக் கூறினார்.
இதனைச் செவியுற்ற இறைத்தூதர்(ஸல்) அவளின் இரண்டாவது கணவனிடமிருந்து அவளைப் பிரித்து அவளின் முதல் கணவனிடம் திருப்பி அனுப்பினார்கள் என இப்னு அப்பாஸ்(ரலி) அறிவித்தார்.
நூல்கள்: அஹ்மத், அபூ தாவூத் மற்றும் இப்னு மாஜா
இமாம் இப்னு ஹிப்பான் மற்றும் இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.