1045. மறைவிடத்தில் பாலுறவைத் தடுக்கும்படியான பல்போன்று வளர்ந்துள்ள ஒரு பெண்ணை மணந்து, அவளை மணபந்தத்தில் வைத்திருக்க பிடிக்காவிட்டால் அவளை விவாகரத்து செய்யும் உரிமை கணவனுக்கு உண்டு. அவளுடன் பாலுறவு கொண்டிருந்தால் அவன் அவளை அனுபவித்ததால் அவளுக்கு மஹர் கொடுத்தாக வேண்டும் என்று சயீத் இப்னு முஸய்யப்(ரஹ்) அலீ(ரலி) அவர்களிடமிருந்தே அறிவிக்கும் மற்றொரு ஹதீஸில் அதிகப்படியாக இடம் பெற்றுள்ளது.
சயீத்(ரஹ்) அலீ(ரலி) அவர்களிடமிருந்து இதே போன்று அறிவித்துள்ளார்.

1047. ``பெண்ணின் (தன் மனைவியின்) பின் துவாரத்தில் உறவு கொள்பவன் சபிக்கப்பட்டவனாவான்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அபூ தாவூத், நஸயீ,
இங்கு நஸயீயின் வாசகம் இடம் பெற்றுள்ளது. இதன் அறிவிப்பாளர்கள் பலமானவர்கள்.

1049. அல்லாஹ்வையும், இறுதி நாளையும், நம்பிக்கை கெண்டவர் தன் அண்டைவீட்டாரை நோவினை செய்ய வேண்டாம். இன்னும் நீங்கள் பெண்களுடன் நல்ல விதமாக நடந்து கொள்ளுங்கள்! ஏனெனில், அவர்கள் விலா எலும்பால் படைக்கப்பட்டுள்ளார்கள். எலும்புகளிலேயே விலா எலும்பின் மேல் பகுதிதான் வளைவானது. அதனை நீ நேராக்க நினைத்தால், உடைத்துவிடுவாய். அதனை நீ அப்படியே விட்டுவிட்டால் அது எப்போதும் வளைந்தே இருந்துவிடும். நீங்கள் பெண்களுடன் நன்றாக நடந்து கொள்ளுங்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்.
இங்கு புகாரீயின் வாசகம் இடம் பெற்றுள்ளது.
முஸ்லிமில், ``நீ பெண்ணிடமிருந்து பலன் பெற்றால், அவளின் கோணல் குணத்துடனே நீ பலன் பெறுவாய். அவளை உடைத்துவிடுவாய். அவளை உடைப்பது என்பது அவளை மணவிலக்குச் செய்வதாகும்'' என உள்ளது.

1051. ``ஒருவர் சென்று (தன் மனைவியுடன் பாலுறவு கொண்டு), அவளும் அவனிடம் வந்து (பாலுறவு கொண்டு) பின்னர், அவளின் இரகசியத்தை அவன் வெளிப்படுத்தினால், அவன்தான் மறுமைநாளில் அல்லாஹ்விடம் மக்களில் மோசமானவனாய் இருப்பான்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்: முஸ்லிம்

1053. மனிதன் தன் மனைவியிடம் அவளின் பின்புறமாக முன் துவாரத்தில் உறவுகொண்டால் குழந்தை மாறுகண்ணைக் கொண்டதாகப் பிறக்கும் எனக் கூறிக்கொண்டிருந்தார்கள். அப்போது,``பெண்கள் உங்களின் விளைநிலமாவர். அதில் நீங்கள் விரும்பியவாறு செல்லுங்கள்'' என்னும் (2:223) இறைவசனம் இறக்கப்பட்டது என ஜாபிர் இப்னு அப்தில்லாஹ்(ரலி) அறிவித்தார்.
நூல்கள்: புகாரீ, முஸ்லிம்.
இங்கு முஸ்லிமின் வாசகம் இடம் பெற்றுள்ளது.

1055. ``ஒருவன் தன் மனைவியை படுக்கைக்கு அழைத்து அவள் மறுத்துவிட (அவளின்) கணவன் கோபமான நிலையில் இரவைக் கழித்தால், விடியும் வரை வானவர்கள் அவளைச் சபிக்கிறார்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயில் வாசகம் இடம் பெற்றுள்ளது.
முஸ்லிமில், ``அவளின் கணவன் அவள் குறித்து மகிழ்ச்சியடையும் வரை வானத்தில் இருப்பவன் (அல்லாஹ்) அவள் மீது கோபமாய் இருக்கிறான்'' உள்ளது.

1057. இறைத்தூதர்(ஸல்) மக்கள் சிலரிடையே இருந்தபோது, நான் அவர்களிடம் சென்றபோது,
``கீலா செய்வதை தடுத்துவிட நான் எண்ணினேன். ஆனால், ரோமர்களையும், பாரசீகர்களையும் பார்க்கும்போது `கீலா' செய்வதால் அவர்களின் பிள்ளைகளுக்கு எவ்வித தீங்கும் ஏற்படவில்லை'' என இறைத்தூதர்(ஸல்) கூறினார்கள்.
பின்னர், அஸ்ல் செய்வது குறித்து இறைத்தூதர்(ஸல்) அவர்களிடம் மக்கள் வினவினர்.
``அது குழந்தையை மறைமுகமாக உயிருடன் புதைப்பதாகும்' என்று இறைத்தூதர்(ஸல்) கூறினார்கள் என ஜுதாமா பின்த் வஹப்(ரலி) அறிவித்தார்.
நூல்: முஸ்லிம்
குறிப்பு: குழந்தைக்குப் பாலூட்டும் காலகட்டத்தில் ஒருவர் தன் மனைவியுடன் பாலுறவு கொள்வது கீலா எனப்படும். பாலுறவில் உச்சகட்டத்தின்போது, அதாவது விந்து வெளிப்படும்போது தன் ஆண்குறியை வெளியில் எடுத்து விந்தை வெளியில் விடுதல் அஸ் ல் எனப்படும்.

1059. நபி(ஸல்) அவர்களின் காலத்தில் குர்ஆன் இறக்கப்பட்டுக் கொண்டிருந்த சூழ்நிலையில் நாங்கள் `அஸ்ல்' செய்திருக்கிறோம். இது தடைசெய்யப்பட வேண்டியதாய் இருந்திருப்பின் அதைச் செய்யக் கூடாது என்று குர்ஆன் எங்களுக்குத் தடை விதித்திருக்கும் என ஜாபிர்(ரலி) கூறினார்.
நூல்கள்: புகாரீ, முஸ்லிம்
முஸ்லிமின் மற்றோர் அறிவிப்பின்படி இச்செய்தி நபி(ஸல்) அவர்களுக்கு எட்டியும், அவர்கள் இதனைத் தடைசெய்யவில்லை என உள்ளது.
குறிப்பு: ஹதீஸ் எண் 1054 ஹதீஸ் மற்றும் அதைத் தொடர்ந்து வரக்கூடிய இரண்டு ஹதீஸ் களுக்கும் இடையில் முரண்பாடு இருப்பதாகக் கருதலாம். ஆனால், இங்கு மனிதனின் எண்ணத்தின் அடிப்படையில்தான் இது ஹராம் அல்லது ஹலால் ஆக அமையும். அதாவது குழந்தையே பெற்றுக் கொள்ளக்கூடாது என்ற எண்ணத்தில் அஸ் ல் செய்து கொண்டே இருந்தால் அது ஹராம் ஆகும். ஆனால், குழந்தை மற்றும் மனைவியின் உடல்நிலையைக் கவனத்தில் கொண்டு அஸ் ல் செய்தல் ஹராம் ஆகாது; அனுமதிக்கப்பட்டதாகும் என்பதைப் புரிந்து கொள்ள வேண்டும்.

1061. ஸஃபியா(ரலி) அவர்களை அடிமைத் தனத்திலிருந்து இறைத்தூதர்(ஸல்) விடுவித்தார்கள். அந்த விடுதலையையே அவருக்கு மஹராகவும் அறிவித்தார்கள் என அனஸ்(ரலி) அறிவித்தார்.
நூல்கள்: புகாரீ, முஸ்லிம்

1063. ஃபாத்திமா(ரலி) அவர்களை அலீ(ரலி) திருமணம் செய்தபோது, ``அவளுக்கு (மஹராக) ஏதேனும் கொடு!'' என இறைத்தூதர்(ஸல்) கூறினார்கள்.
``என்னிடம் எதுவுமில்லை'' என அலீ கூறினார்.
``ஹுதமிய்யாவால் தயாரிக்கப்பட்ட உன்னுடைய கேடயம் எங்கே?'' என்று இறைத்தூதர்(ஸல்) வினவினார்கள் என இப்னு அப்பாஸ்(ரலி) அறிவித்தார்.
நூல்கள்: அபூ தாவூத், நஸயீ
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.