1079. மேற்கண்ட ஹதீஸிஹ்குச் சான்றாக இப்னு மாஜாவில் அனஸ்(ரலி) வாயிலாக ஒரு ஹதீஸ் பதிவிடப்பட்டுள்ளது.

1081. கைபருக்கும், மதீனாவிற்கும் இடையில் இறைத்தூதர்(ஸல்) மூன்று இரவுகள் தங்கினார்கள். அப்போது, ஸஃபிய்யா(ரலி) அவர்களைத் திருமணம் செய்திருந்ததால் அவர்களுக்காக கூடாரம் அமைக்கப்பட்டது. அப்போது, நான் முஸ்லிம்களை வலீமாவிருந்திற்கு அழைத்தேன். அ(ந்த விருந்)தில், ரொட்டியோ, கறியோ இல்லை. நபி(ஸல்) அவர்களின் கட்டளைப்படி போர்வைகள் விரிக்கப்பட்டன. அவற்றின் மீது பேரீச்சம்பழம், பாலாடைக் கட்டி மற்றும் நெய் (விருந்துணவாக) வைக்கப்பட்டது என அனஸ்(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம் பெற்றுள்ளது.

1083. ``நான் (எதன் மீதும்) சாய்ந்து கொண்டு சாப்பிடுவதில்லை'' என்று இறைத்தூதர்(ஸல்) கூறினார்கள் என ஜுஹைஃபா(ரலி) அறிவித்தார்.
நூல்: புகாரீ

1085. நபி(ஸல்) அவர்களுக்கு ஒரு கோப்பையில், குழம்பில் ஊற வைக்கப்பட்ட ரொட்டி கொடுக்கப்பட்டது. அப்போது, அவர்கள் ``(தட்டின்) ஓரங்களிலிருந்து உண்ணுங்கள். நடுவிலிருந்து உண்ணாதீர்கள். ஏனெனில், அதன் நடுவில் அருள்வளம் (பரக்கத்) இறங்கிக் கொண்டிருக்கிறது'' என்று கூறினார்கள் என இப்னு அப்பாஸ்(ரலி) அறிவித்தார்.
நூல்கள்: அபூ தாவூத், நஸயீ, திர்மிதீ மற்றும் இப்னு மாஜா
இங்கு நஸயீயின் வாசகம் இடம் பெற்றுள்ளது. இது ஆதாரப்பூர்வமான தரத்தில் பதிவிடப்பட்டுள்ளது.

1087. ``இடக் கையால் உண்ணாதீர்கள். ஏனெனில், ஷைத்தான் இடக் கையால் உண்ணுகிறான்'' என்று இறைத்தூதர்(ஸல்) கூறினார்கள் என ஜாபிர்(ரலி) அறிவித்தார்.
நூல்: முஸ்லிம்

1089. இப்னு அப்பாஸ் வாயிலாக அபூ தாவூதில் மேற்கண்ட ஹதீஸ் போன்றே உள்ளது. அதில், ``அதனுள் (பாத்திரத்தினுள்) ஊத வேண்டாம்'' என உள்ளது. மேலும், இமாம் திர்மிதீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1091. ``ஒருவருக்கு இரண்டு மனைவியர் இருந்து, அவர்களிடருவரில் ஒரு மனைவியின் பக்கம் அவர் அதிகம் சாய்ந்துவிட்டால், மறுமை நாளில் அவர் தன் ஒரு பக்க தோள்புஜம் இறங்கியவராக வருவார்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இதன் அறிவிப்புத் தொடர் `ஸஹீஹ்' ஆகும்.

1093. இறைத்தூதர்(ஸல்) உம்மு ஸலமா(ரலி) அவர்களைத் திருமணம் செய்தபோது அவருடன் மூன்று இரவுகள் தங்கிவிட்டு, உன்னை உன் கணவர் (நான்) லேசாகக் கருதவில்லை. நீ விரும்பினால் நான் உன்னுடன் ஒரு வாரம் தங்குவேன். உன்னிடம் ஒரு வாரம் தங்கினால், என் மற்ற மனைவிகளிடமும் ஒரு வாரம் தங்க வேண்டியது வரும்'' என்று கூறினார்கள் என உம்மு ஸலமா(ரலி). அவர்களே அறிவித்தார்.
நூல்: முஸ்லிம்

1095. ``என் சகோதரியின் மகனே! இறைத்தூதர்(ஸல்) (தம் மனைவிமார்களான) எங்களிடம் தங்கும் நாள்களில் ஒருவரைவிட மற்றொருவருக்கு அதிகப் பங்கு அளிக்க மாட்டார்கள். பங்கீட்டில் ஏதாவது ஒரு நாள் மீதமாகிவிட்டால், அவர்கள் பெரும்பாலும் அந்த ஒரு நாளிலும் தங்களின் மனைவியர் எல்லாரின் வீட்டிற்கும் வந்து உடலுறவு கொள்ளாமல், அனைவரோடும் நெருக்கமாக உறவாடுவார்கள். இறுதியில் அந்த நாள் யாருக்குரியதோ அவரின் இல்லத்தை அடைந்து அவரிடம் இரவைக் கழிப்பார்கள்'' என ஆயிஷா(ரலி) கூறினார் என உர்வா(ரஹ்) அறிவித்தார்.
நூல்கள்: அஹ்மத், அபூ தாவூத்
இங்கு அபூ தாவூதில் வாசகம் இடம் பெற்றுள்ளது.
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1097. இறைத்தூதர்(ஸல்) தம் இறப்புக்கு முன்பாக நோய் வாய்ப்பட்டிருந்தபோது என் இல்லத்தில் தங்க விரும்பி, ``நாளை நான் எங்கு தங்குவது?'' என்று அடிக்கடி வினவினார்கள். இதனைப் புரிந்து கொண்ட அவர்களின் மற்ற மனைவியர் நபி(ஸல்) அவர்களுக்க அவர்கள் விரும்பிய இடத்தில் தங்கிக் கொள்ள அனுமதி அளித்தார்கள். எனவே, அவர்கள் என் இல்லத்தில் தங்கினார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்