1124. மேற்கண்ட ஹதீஸ் போன்றே மிஸ்வர் இப்னு மக்ரமா(ரலி) வாயிலாக இப்னு மாஜாவில் உள்ளது. இது `ஹஸன்' எனும் தரத்தில் உள்ளது. ஆனால் இதுவும் மஃலூல் எனும் குறைபாடு உள்ளதே ஆகும்.

1126. ``மூன்று நபர்களின் குற்றங்கள் (அவர்களின் வினைச்சுவடியில்) எழுதப்படாது. 1. தூங்கிக் கொண்டிருப்பவர் கண்விழிப்பதற்கு முன்பு வரை 2, சிறியவர் பெரியவராகும் வரை 3, புத்தி சுவாதீனமிழந்தவன் புத்தி சுவாதீனமடையும் முன்பு அல்லது தெளிவடையும் முன்பு செய்யும் குற்றங்கள்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, இப்னு மாஜா மற்றும் இப்னு ஹிப்பான்
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.
குறிப்பு: புத்திசுவாதீனம் இழந்தவர் என்பது போதையில் இருப்பவரைக் குறிக்காது.

1128. பைஹகீயின் மற்றோர் அறிவிப்பில், (தலாக் செய்துவிட்ட) தன் மனைவியை, சாட்சி ஏதுமில்லாமல் திரும்பப் பெற்றுக் கொண்ட ஒருவர் குறித்து வினவப்பட்டதற்கு,
``அது சரியான வழிமுறையல்ல. இனிமேல் சாட்சியை ஏற்படுத்திக் கொள்ள வேண்டும்'' என்று இம்ரான் இப்னு ஹுசைன் கூறினார்கள் என உள்ளது.
தப்ரானீயின் மற்றோர் அறிவிப்பில், ``அவர் அல்லாஹ்விடம் பாவமன்னிப்புக் கோரட்டும்'' என்ற வாசகம் அதிகப்படியாக உள்ளது.

1130. இறைத்தூதர்(ஸல்) தம் மனைவியரில் சிலரை ஈலா செய்து, அவர்களுடன் இல்லறம் நடத்துவதை விலக்கிக் கொண்டார்கள். பின்னர், தாம் விலக்கியதை மீண்டும் ஆகுமானதாய் ஆக்கினார்கள். இன்னும், (இதற்காக) சத்தியம் செய்ததற்கான (பரிகாரம் செய்வதுபோல்) பரிகாரம் செய்தார்கள்'' என ஆயிஷா(ரலி) அறிவித்தார்.
நூல்: திர்மிதீ
இதன் அறிவிப்பாளர்கள் பலமானவர்கள்

1132. `நான் நபித்தோழர்களில், பத்துக்கும் மேற்பட்டோரை ஈலாவை நான்கு மாதம் முடிந்த உடன் நிறுத்தி விடுபவர்களாகக் கண்டுள்ளேன்'' என சுலைமான் இப்னு யஸார்(ரலி) அறிவித்தார்.
நூல்கள்: அஷ் ஷாஃபியீ

1134. ஒருவர் தன் மனைவியை `ளிஹார்' செய்தார். பின்னர், அவளுடன் உறவு கொண்டார், பின்னர், இறைத்தூதர்(ஸல்) அவர்களிடம் வந்து, ``நான் பரிகாரம் செய்வதற்கு முன்பே அவளுடன் உறவு கொண்டுவிட்டேன்'' எனக் கூறினார்.
``அல்லாஹ் உனக்கு அளித்துள்ள சட்டத்தை நீ நிறைவேற்றாதவரை (பரிகாரம் செய்யாத வரை) நீ அவளை நெருங்கக் கூடாது'' என்று இறைத்தூதர்(ஸல்) கூறினார்கள் என இப்னு அப்பாஸ்(ரலி) அறிவித்தார்.
நூல்கள்: அபூ தாவூத், நஸயீ, திர்மிதீ மற்றும் இப்னு மாஜா.
இமாம் திர்மிதீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார். இதில் `முர்ஸல்' எனும் தரமே சரியானது என இமாம் நஸயீ(ரஹ்) குறிப்பிட்டுள்ளார்.
இப்னு அப்பாஸ்(ரலி) வாயிலாக பஸ்ஸாரின் மற்றோர் அறிவிப்பில் `பரிகாரம்' செய்துகொள்! இனிமேல் இவ்வாறு செய்யாதே!'' என உள்ளது.
குறிப்பு: பரிகாரம் குறித்து அறிவதற்கு திருக்குர்ஆனின் 58:2,3 வசனங்களைக் காண்க!

1136. இறைத்தூதர்(ஸல்) அவர்களிடம் இன்னார் ஒருவர் வந்து, ``இறைத்தூதர் அவர்களே!'' எங்களில் ஒருவர் தன் மனைவியை மானக்கேடான செயலில் ஈடுபட்டிருக்கக் கண்டால், அவர் என்ன செய்வது?'' என வினவினார்.
இறைத்தூதர்(ஸல்) பேசினாலும், மிகப்பெரியதொரு விஷயத்திற்காகத்தான் பேசுவார்கள்; மௌனமாய் இருந்தாலும் அப்படிப்பட்டதொரு விஷயத்திற்காகத்தான் மௌனமாய் இருப்பார்கள். இறைத்தூதர்(ஸல்) அவருக்கு எந்தப் பதிலும் கூறவில்லை. அவர் மறுபடியும் வந்து, ``நான் தங்களிடம் கேட்ட விஷயத்திலே, நானே பாதிக்கப்பட்டுள்ளேன்'' எனக் கூறினார்.
ஏற்கனவே அல்லாஹ் இது தொடர்பான சூரத்துன்னூர் வசனங்களை அவருக்கு ஓதிக் காண்பித்து உபதேசம் செய்தார்கள். இன்னும், உலகத் தண்டனை மறுமைத் தண்டனையைவிட லேசானது என்றும் தெரிவித்தார்கள்.
``இல்லை தங்களைச் சத்திய மார்க்கத்துடன் அனுப்பியவன் மீது ஆணையாக! நான் அவர்களுக்கு எதிராகப் பொய்யுரைக்கவில்லை'' என அவர் கூறினார்.
பின்னர், அவரின் மனைவியை அழைத்து அவளுக்கும் அவ்வாறே உபதேசம் செய்தார்கள். அவள் ``இல்லை, தங்களை சத்திய மார்க்கத்துடன் அனுப்பியவன் மீது ஆணையாக! அவர் பொய்யர்'' எனக் கூறினாள்.
பின்னர் இறைத்தூதர்(ஸல்) முதலில் அந்த மனிதரை அழைத்து சத்தியம் செய்யச் சொன்னார்கள். அவர் நான்கு முறை அல்லாஹ்வின் மீது சத்தியம் செய்தார். பின்னர் இறைத்தூதர்(ஸல்) இரண்டாவதாக அந்தப் பெண்ணை அழைத்து சத்தியம் செய்யச் சொன்னார்கள். பின்னர், இருவரையும் பிரித்து விட்டார்கள் என இப்னு உமர்(ரலி) அறிவித்தார்.
நூல்: முஸ்லிம்.
குறிப்பு: தன் மனைவியைத் தவறான நடத்தையில் கண்ட கணவன் தன்னைத் தவிர சாட்சி யாரும் இல்லை எனில், நீதிபதி அல்லது ஆட்சியாளர் அல்லது ஜமாஅத் தலைவர் முன்னிலையில் நான்கு முறை அல்லாஹ்வின் மீது சத்தியம் செய்து ஐந்தாம் முறை அல்லாஹ்வின் சாப அழைப்பை ஏற்பதாகும்.
குறிப்பு: காண்க திருக்குர்ஆனின் 24:4-9 வசனங்களைக் காண்க!

1138. அந்தப் பெண்ணைப் பாருங்கள். அவள் கட்டழகான முழு வடிவம் கொண்ட வெண்மையான குழந்தையைப் பெற்றெடுத்தால், அது அவளின் கணவனின் பிள்ளையாகும். அவள் குட்டையான கருப்பான குழந்தையைப் பெற்று எடுத்தால், அந்தப் பிள்ளை, பழி சுமத்தப்பட்டவனின் பிள்ளையாகும்'' என்று இறைத்தூதர்(ஸல்) கூறினார்கள் என அனஸ்(ரலி) அறிவித்தார்.
நூல்கள்: புகாரீ, முஸ்லிம்

1140. `லிஆன்' செய்த இருவரைப் பற்றிக் குறிப்பிடுகையில், அவர்கள் தம் சத்தியத்தை முடித்துக் கொண்டதும், ``இறைத்தூதர் அவர்களே! நான் அவளை (ஒட்டுமொத்தமாக) மணவிலக்குச் செய்யாமல் இனியும் வைத்திருந்தால் நான் பொய்யுரைத்தவனாய் ஆகிவிடுவேன். அவளை என்னிடம் நிறுத்திக் கொண்டால், நான் மூன்று `தலாக்' செய்தாக வேண்டும். பின்னர், இறைத்தூதர்(ஸல்) அவருக்குக் கட்டளையிடும் முன்பு மூன்று தலாக் செய்துவிட்டார் என ஸஹ்ல் இப்னு ஸஅத்(ரலி) அறிவித்தார்.
நூல்கள்: புகாரீ, முஸ்லிம்
குறிப்பு: இதன் முழுமையான விளக்கத்தை அறிவதற்கு முஸ்லிம் 2985 ஹதீஸ் எண் காண்க! இங்கு மூன்று தலாக் எனக் குறிப்பிட்டுள்ளதால் ஒரே நேரத்தில் மூன்று தலாக் கூறலாம் என்ற அர்த்தமல்ல; மாறாக லிஆன் செய்துவிட்டாலே மூன்று தலாக்கில் பிரிவது போன்று கணவன் மனைவிக்கு இடையில் நிரந்தரமான பிரிவு ஏற்பட்டுவிடும். அவர்கள் மறுபடியும் ஒன்று சேர்வதற்கு வாய்ப்பே இல்லை.

1142. `லிஆன்' செய்த இருவரையும் பற்றிய வசனம் அருளப்பட்டபோது எந்தப் பெண் ஒரு குடும்பத்தாரைச் சேராத ஒரு பிள்ளையை (தன் கணவனுக்குப் பெறாமல் தன் கள்ளக் காதலனுக்குப் பெற்ற குழந்தையைக் கணவனின்) அந்தக் குடும்பத்தாரிடையே (அவர்களின் சந்ததி எனப் பொய்யுரைத்து) புகுத்துகிறாளோ, அவளுக்கும் அல்லாஹ்விற்கும் எந்தத் தொடர்பும் இல்லை. மேலும், அவளை அல்லாஹ் ஒரு போதும் சுவர்க்கத்தில் நுழைய விடமாட்டான். இன்னும், தன் பிள்ளையைப் பார்த்துக் கொண்டே (தன் பிள்ளை என அறிந்து கொண்டே அது தன் பிள்ளை இல்லை என) மறுக்கிறப்பவனை விட்டு அல்லாஹ் தன்னைத் திரையிட்டுக் கொள்வான். இன்னும், அவனை முந்தியவர்கள் பிந்தியவர்கள் அனைவரின் முன்பாகவும் இழிவுபடுத்திவிடுவான்'' என்று இறைத்தூதர்(ஸல்) கூற தாம் செவியுற்றதாக அபூ ஹுரைரா(ரலி) அறிவித்தார்.
நூல்கள்: அபூ தாவூத், நஸயீ மற்றும் இப்னுமாஜா