1148. ``இறந்துவிட்ட யாருக்காகவும், ஒரு பெண் மூன்று நாள்களுக்கு மேல் துக்கத்தைக் கடைபிடிக்க வேண்டாம். கணவன் இறந்துவிட்டால் மட்டும் மனைவி நான்கு மாதம் பத்து நாள் துக்கத்தைக் கடைபிடிக்க வேண்டும். அப்போது அவள் சாயமிடப்பட்ட ஆடைகள் அணியக் கூடாது. ஆனால், அஸ் ப் எனும் சாயமிடப்பட்ட பருத்தி ஆடைகள் அணியலாம். கண்ணுக்கு கர்மா இடக்கூடாது. நறுமணமும் பூசக் கூடாது. தூய்மையடைந்து விட்டால் ளிஃபார் எனும் இடத்தில் கிடைக்கும் குஸ் த் எனும் நறுமணக் கட்டையை சிறிதளவு பயன்படுத்தலாம்'' என்று இறைத்தூதர்(ஸல்) கூறினார்கள் என உம்மு அதிய்யா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது. அபூ தாவூத் மற்றும் நஸயீயில் ``சாயம் பூசிக் கொள்ளக் கூடாது'' என்றும் நஸயீயில் ``தலைவாரிக் கொள்ளக் கூடாது'' என்றும் உள்ளது.

1150. ``இறைத்தூதர் அவர்களே! என் மகளின் கணவர் இறந்துவிட்டார். அவளைக் கண்வலி பீடித்துள்ளது. (அதனால்) அவளுக்கு சுர்மா இடலாமா?'' என ஒரு பெண் வினாவினார்.
``கூடாது'' என்று இறைத்தூதர்(ஸல்) கூறினார்கள் என உம்மு ஸலமா(ரலி) அறிவித்தார்.
நூல்கள்: புகாரீ, முஸ்லிம்

1152. என் கணவர் தம் அடிமைகளைத் தேடிச் சென்றார். அவர்கள் அவரைக் கொலை செய்துவிட்டார்கள். நான் நபி(ஸல்) அவர்களிடம் சென்று, ``நான் என் குடும்பத்தாரிடம் செல்லட்டுமா? ஏனெனில், என் கணவர் எனக்காக அவருக்குச் சொந்தமான வீடு எதையும் கொடுக்கவில்லை. என் செலவிற்காகவும் எதையும் அவர் விட்டுச்செல்லவில்லை'' எனக் கேட்டேன்.
``ஆம்'' என்று இறைத்தூதர்(ஸல்) கூறினார்கள்.
நான் என் அறையில் இருந்தபோது மறுபடியும் என்னை அழைத்து, ``இத்தாவின் காலம் முடியும் வரை நீ உன் வீட்டிலேயே தங்கி இரு!'' என்று கூறினார்கள் நான் அந்த என் வீட்டில் நான்கு மாதம் பத்து நாள் இத்தாவைக் கழித்தேன். அதற்குப் பின்பு, இந்த என் நிகழ்வை வைத்தே உஸ் மான்(ரலி) தீர்ப்பளித்தார்கள் என ஃபுரைஆ பின்த் மாலிக்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ, இப்னு மாஜா மற்றும் துஹலி
இமாம் இப்னு ஹிப்பான், இமாம் ஹாகிம், இமாம் திர்மிதீ மற்றும் துஹ்லிய்யீ(ரஹ்) இதனை ஆதாரப்பூர்வமானது எனக் குறிப்பிட்டுள்ளனர்.

1154. நபி(ஸல்) அவர்களின் விழமுறையை எங்களுக்குக் குழப்பிவிடாதீர்கள். `உம்முல் வலத்' உடைய எஜமான் இறந்துவிட்டால் நான்கு மாதம் இறந்துவிட்டால் நான்கு மாதம் பத்து நாள் அவளின் `இத்தா' காலமாகும் என்று அம்ர் இப்னு ஆஸ்(ரலி) கூறினார்.
நூல்கள்: அஹ்மத், அபூ தாவூத் மற்றும் இப்னு மாஜா
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார். இதன் அறிவிப்புத் தொடர் விடுபட்டுள்ளதால் இதனை மஃலூல் எனும் குறையுடையது என இமாம் தாரகுத்னீ(ரஹ்) குறிப்பிட்டுள்ளார்.
``தலாக் செய்யப்பட்ட பெண்கள் (இத்தா காலமாக) மூன்று குர்வுகள் வரை எதிர்பார்த்துக் காத்திருக்கட்டும்'' (2:227) என்னும் இறைவசனத்தில் சொன்ன மூன்று குர்வுகள் என்பது மாதவிடாய்க்குப் பின்பு தூய்மை அடையும் (மூன்று) காலங்களைக் குறிக்கும்'' என ஆயிஷா(ரலி) அறிவித்தார்.
இமாம் மாலிக்(ரஹ்) ஒரு சம்பவத்தை விவரிக்கும்போது, இதனை ஸஹீஹான அறிவிப்பாளர் தொடருடன் பதிவிட்டுள்ளார்.

1156. ஆயிஷா(ரலி) வாயிலாக அபூ தாவூத், திர்மிதீ, இப்னு மாஜாவிலும் உள்ளது. இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார். ஆனால், இது `ளயீஃப்' என்பதில் அனைவரும் ஒருமித்தக் கருத்தில் உள்ளனர்.

1159. ``ஒரு பெண்ணின் கணவன் காணாமல் போனால், அவளிடம் அவனைக் குறித்துத் தெளிவான செய்தி வரும் வரை அவனுடைய மனைவியாகவே இருப்பாள்'' என்று இறைத்தூதர்(ஸல்) கூறினார்கள் என முகீரா இப்னு ஷுஅபா(ரலி) அறிவித்தார்.
இமாம் தாரகுத்னீ(ரஹ்) இதனை `ளயீஃப்' எனும் தரத்தில் பதிவிடப்பட்டுள்ளார்.

1161. ``திருமண உறவு தடைசெய்யப்பட்டவருடன் அல்லாமல் வேறு எந்த ஆணும், ஒரு பெண்ணுடன் ஒருபோதும் தனித்திருக்கக் கூடாது'' என்று இறைத்தூதர்(ஸல்) கூறினார்கள் என இப்னு அப்பாஸ்(ரலி) அறிவித்தார்.
நூல்: புகாரீ

1163. மேற்கண்ட ஹதீஸிற்குச் சான்றாக இப்னு அப்பாஸ் (ரலி) வாயிலாக தாரகுத்னீயில் ஒரு ஹதீஸ் உள்ளது.

1165. மேற்கண்ட ஹதீஸ் ஆயிஷா(ரலி) வாயிலாக நஸயீயில் ஒரு சம்பவத்துடன் பதிவிடப்பட்டுள்ளது.

1167. அபூ தாவூதில் உஸ்மான்(ரலி) வாயிலாகவும் பதிவிடப்பட்டுள்ளது.