118. ஆண்கள் கனவில் (தூக்கத்தில் விந்து வெளிப்பட்டதை) காண்பதைப் போன்றே, பெண்கள் தங்கள் கனவில் (தூக்கத்தில் வெளிப்பட்டதை) காண்பது குறித்து நபி(ஸல்) அவர்களிடம் வினவப்பட்டதற்கு, ``அவள் குளிக்க வேண்டும்'' என்று கூறினார்கள் என அனஸ்(ரலி) அறிவித்தார்.
நூல்கள்: புகாரீ, முஸ்லிம்

120. பெருந்துடக்கிற்காகவும், வெள்ளிக் கிழமையன்றும், இரத்தம் குத்தி எடுத்துக் கொண்டமைக்காகவும், மய்யித்தைக் குளிப்பாட்டியதற்காகவும் ஆகிய நான்கு காரணங்களுக்காக இறைத்தூதர்(ஸல்) குளித்து வந்தார்கள் என ஆயிஷா(ரலி) அறிவித்தார்.
நூல்: அபூ தாவூத்
இமாம் இப்னு குஸைமா(ரஹ்) இதனை ஆhரப்பூர்வமான ஹதீஸ் எனக் குறிப்பிடுகிறார்.

122. ``வெள்ளிக் கிழமையன்று குளிப்பது பருவமடைந்த அனைவர் மீதும் கடமையாகும்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்கள்: புகாரீ, முஸ்லிம், அஹ்மத், இப்னு மாஜா, நஸயீ, திர்மிதீ மற்றும் அபூ தாவூத்

124. ``இறைத்தூதர்(ஸல்) குளிப்பு கடமை அல்லாத காலங்களில் எங்களுக்கு குர்ஆன் கற்றுக் கொடுப்பார்கள்'' என அலி(ரலி) அறிவித்தார்.
நூல்கள்: அபூ தாவூத் நஸயீ, திர்மிதீ மற்றும் இப்னு மாஜா
இங்கு திர்மிதீயின் வாசகம் இடம் பெற்றுள்ளது. இமாம் திர்மிதீ(ரஹ்) இதனை `ஹஸன்' எனக் கூறியுள்ளார். இமாம் இப்னு ஹிப்பான் இதனை ஆதாரப்பூர்வமானது எனக் கருதுகிறார்.

126. ``ஏனெனில், மீண்டும் `உளூ'ச் செய்வதால் (மீண்டும் பாலுறவுக்கு) புத்துணர்ச்சி ஏற்படுகிறது'' எனும் வாசகம் ஹாகிமில் அதிகப்படியாக உள்ளது.

128. இறைத்தூதர்(ஸல்) கடமையான குளிப்பைக் குளிக்க ஆரம்பித்தால், தம் கைகளைக் கழுவுவார்கள். பின்னர் தம் வலக் கையால் இடக் கையின் மீது தண்ணீர் ஊற்றி தம் மர்ம உறுப்பைக் கழுவுவார்கள். பின்னர் `உளூ'ச் செய்வார்கள். பின்னர் தண்ணீரை எடுத்துத் தம் கை விரல்களை (தலை) முடியின் அடிப்பகுதியில் நுழைத்து (கோதி), தம் தலை மீது தண்ணீரை மும்முறை (இரண்டு கைகளையும் கூட்டி அள்ளி) ஊற்றுவார்கள். பிறகு உடல் முழுவதும் தண்ணீரை ஊற்றுவார்கள். பின்னர் தம் இரண்டு கால்களையும் கழுவுவார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

130. புகாரீ, முஸ்லிமின் மற்றோர் அறிவிப்பில் ``தரையில் (மர்ம உறுப்பை சுத்தம் செய்தப் பின்) கையைத் துடைத்தார்கள்'' என்றும், (`உளூ'ச் செய்தப் பின்) அதன் இறுதியில் அவர்களிடம் நான் கைக்குட்டையைக் கொண்டு சென்றேன். அதனை அவர்கள் மறுத்து விட்டு, (துடைக்காமல்) தம் கையால் தண்ணீரை வழித்தார்கள்'' என்றுள்ளது.

132. ``குளிப்புக் கடமையானவர்களும், மாதவிடாய் பெண்களும், இறைஇல்லத்திற்குள் (தங்குவதை) நான் அனுமதிக்க மாட்டேன்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்: அபூ தாவூத்
இமாம் இப்னு குஸைமா(ரஹ்) இதனை ஆதாரப்பூர்வமானது எனக் கூறியுள்ளார்.

134. ``நிச்சயமாக ஒவ்வொரு முடியின் அடிப்பாகமும், குளிப்புக்கடமையானதாக உள்ளது. எனவே, முடியை (நன்றாகக்) கழுவிக் கொள்ளுங்கள். இன்னும் மேனியை (உடலை) நன்றாகச் சுத்தம் செய்யுங்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அபூ தாவூத், திர்மிதீ.
இதனைப் பதிவிட்டுள்ள இந்த இரண்டு இமாம்களும் இதனை பலவீனமானது எனக் கூறியுள்ளார்கள்.

136. ``எனக்குக் கொடுக்கப்பட்டுள்ள ஐந்து (அருட் கொடைகள்) போன்று எனக்கு முன்னர் யாருக்கும் கொடுக்கப்படவில்லை. இன்னும் பூமி முழுவதும் எனக்கு தொழுமிடமாகவும், தூய்மையானதாகவும் ஆக்கப்பட்டுள்ளது. ஒருவருக்கு தொழுகை நேரம் எங்கு வந்துவிட்டாலும், அவர் அங்கு தொழுது கொள்ளலாம்'' என்று இறைத்தூதர்(ஸல்) கூறினார்கள் என ஜாபிர்(ரலி) அறிவித்தார். (ஹதீஸ் சுருக்கம்)
நூல்கள்: அஹ்மத், பைஹகீ