1249. ``உங்களில் ஒருவரின் அடிமைப் பெண் விபச்சாரம் செய்து, அது நிரூபணமாகிவிட்டால் அவர் அவளுக்கு (ஐம்பது) கசையடி தரட்டும். அவளை ஏசிப் பேசி மனவேதனைப்படுத்த வேண்டாம். பின்னரும் அவள் விபச்சாரம் செய்து அது நிரூபணமாகிவிட்டால் அவளுக்கு அவன் (ஐம்பது) கசையடி தரட்டும். அவளை ஏசிப் பேசி மன வேதனைப்படுத்த வேண்டாம். பின்னர், அவள் மூன்றாவது முறையும் விபச்சாரம் செய்து; அது நிரூபணமாகிவிட்டால், முடியால் செய்யப்பட்ட ஒரு கயிற்றுக்கேனும் அவளை விற்பனை செய்துவிடட்டும்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

1251. ``விபச்சாரம் செய்து கர்ப்பிணியான ஜுஹைனா கோத்திரத்தைச் சேர்ந்த ஒருபெண், அதே நிலையில் இறைத்தூதர்(ஸல்) அவர்களிடம் வந்து, ``இறைத்தூதர் அவர்களே! நான் தண்டனைக்குரிய குற்றம் புரிந்துள்ளேன். என் மீது அதனை (தண்டனையை) நிறைவேற்றுங்கள்'' எனக் கூறினார்.
இதனைக் கேட்ட இறைத்தூதர்(ஸல்) அவரின் பொறுப்பாளரை அழைத்து, அவரின் பொறுப்பாளரை அழைத்து, இவளுடன் நன்றாக நடந்து கொள்ளும் இவள் குழந்தை பெற்றெடுத்தும் என்னிடம் அழைத்துவாரும்'' எனக் கூறினார்கள். அவர் இறைத்தூதர்(ஸல்) அவர்களின் கட்டளையை நிறைவேற்றினார். பின்னர் இறைத்தூதர்(ஸல்) அவளின் துணியை அவள் மீது கட்டிவிட்டு அவள் மீது கல்லெறிந்து கொல்லுமாறு கட்டளையிட்டார்கள். பின்னர் அவளுக்கு நபி(ஸல்) ஜனாஸா தொழைகையும் நடத்தினார்கள். இதனைக் கண்ட உமர்(ரலி), ``இறைத்தூதர் அவர்களே! விபச்சாரம் செய்த ஒரு பெண்ணுக்கா தாங்கள் தொழுகை நடத்துகிறீர்கள்?'' எனக் கேட்டார்.
``அவள் செய்திருக்கும் பாவமன்னிப்பை இந்த மதீனா நகரில் உள்ள எழுபது மனிதர்களுக்குப் பிரித்துப் பங்கிட்டாலும் அது அவர்கள் அனைவரின் பாவங்களும் மன்னிக்கப்பட போதுமானதாய் இருக்கும். அந்த அளவிற்கு அவள் பாவமன்னிப்புக் கோரியிருக்கிறாள். தன் உயிரை இறைவன் வசம் ஒப்படைத்துவிட்ட ஒரு பெண்ணை விடச் சிறந்த செயல் புரிந்தவரை நீர் கண்டதுண்டா?'' என்று இறைத்தூதர்(ஸல்) கூறினார்கள் என இம்ரான் இப்னு ஹுசைன்(ரலி) அறிவித்தார்.
நூல்: முஸ்லிம்

1253. விபச்சாரம் புரிந்த யூதர்களையும் யூதப் பெண்ணையும் இறைத்தூதர்(ஸல்) கல்லெறிந்து கொன்ற (மரண தண்டனைக்கான தீர்ப்பை அளித்த) சம்பவம் இப்னு உமர்(ரலி) வாயிலாக புகாரீ, முஸ்லிமில் பதிவாகியுள்ளது.

1255. ``லூத்(அலை) அவர்களின் கூட்டத்தார் செய்த (ஓரினச் சேர்க்கை) செயலைச் செய்பவனை நீங்கள் கண்டால், செய்தவனையும் அதற்கு உடன்பட்டவனையும் கொன்றுவிடுங்கள்! (மரண தண்டனை கொடுங்கள்!) கால்நடையோடு உறவு கொள்பவனை, நீங்கள் கண்டால், அவனையும் அந்தக் கால்நடையையும் கொன்றுவிடுங்கள்'' என்று இறைத்தூதர்(ஸல்) கூறினார்கள் என இப்னு அப்பாஸ்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இதன் அறிவிப்பாளர்கள் பலமானவர்கள் இருப்பினும் இதில் கருத்து வேறுபாடு உள்ளது.

1257. பெண்களைப் போல (தன்னை) மாற்றிக் கொள்ளும் ஆண்களையும், ஆண்களைப் போல (தன்னை) மாற்றிக் கொள்ளும் பெண்களையும் இறைத்தூதர்(ஸல்) சபித்தார்கள். மேலும், ``அவர்களை உங்கள் வீடுகளிலிருந்து வெளியேற்றி (விரட்டி) விடுங்கள்'' எனக் கட்டளையிட்டார்கள் என இப்னு அப்பாஸ்(ரலி) அறிவித்தார்.
நூல்: புகாரீ

1259. ``உங்களால் முடிந்த அளவு முஸ்லிம்களை விட்டு தண்டனைகளைத் தடுத்துக் கொள்ளுங்கள்'' என்று இறைத்தூதர்(ஸல்) கூறினார்கள் என ஆயிஷா(ரலி) வாயிலாக திர்மிதீ மற்றும் ஹாகிமில் உள்ளது. இதுவும் `ளயீஃப்' எனும் தரத்திலேயே உள்ளது.

1261. ``அல்லாஹ் தடை செய்துள்ள தீயே செயல்களையும் தீய பேச்சுக்களையும் தவிர்த்துக் கொள்ளுங்கள். யார் ஒரு குற்றத்தைப் புரிகிறானோ, அல்லாஹ் அதனை மறைத்தவாறே அவன் அதனை மறைத்துக் கொண்டு இறைவனிடம் பாவமன்னிப்புக் கோராட்டும். நம்மிடம் தன் குற்றத்தை வெளிப்படுத்துபவன் மீது நாம் இச்சட்டத்தை நிலை நிறுத்துவோம்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்: ஹாகிம்
இது முஅத்தாவில் ஸைத் இப்னு அஸ்லம் வாயிலாக `முர்ஸல்' எனும் தரத்தில் பதிவிடப்பட்டுள்ளது.

1263. ஷரீக் இப்னு ஸஹ்மாவின் மீது ஹிலால் இப்னு உமையா இணைத்து (விபச்சாரக்) குற்றம் சாட்டினார்.
``சாட்சி கொண்டுவா! இல்லையெனில், உன் முதுகில் கசையடிதான் (விழும்)'' என்று இறைத்தூதர்(ஸல்) கூறினார்கள் என அனஸ் இப்னு மாலிக்(ரலி) அறிவித்தார்.
நூல்: அபூ யஃலா
இதன் அறிவிப்பாளர்கள் பலமானவர்கள்.

1265. ``அபூ பக்ர், உமர், உஸ்மான் மற்றும் அவருக்குப் பின்னர் வந்தவர்கள் அனைவரும் அவதூறுக் குற்றம் புரிந்த அடிமைகளுக்கு நாற்பது கசையடிகள் தருவதைத்தான் நான் கண்டுள்ளேன்'' என அப்துல்லாஹ் இப்னு ஆமிர் இப்னு ரபீஆ(ரலி) அறிவித்தார். இதனை இமாம் மாலிக்(ரஹ்) தம்முடைய ஜாமிவு எனும் நூலில் பதிவிட்டுள்ளார்.

1267. ``கால் தீனார் அல்லது அதற்கும் அதிகமானதற்காகவே தவிர, திருடனின் கை வெட்டப்படக் கூடாது'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.
``கால் தீனார் அல்லது அதற்கு அதிகமானதற்காக திருடனின் கை வெட்டப்படும்'' என்று (இறைத்தூதர்(ஸல்) கூறினார்கள் என) புகாரீயில் உள்ளது.
``கால் தீனாரில் கையை வெட்டுங்கள். அதற்குக் குறைவாக உள்ளதில் கையை வெட்டாதீர்கள்'' என அஹ்மதில் உள்ளது.