139. என்னை இறைத்தூதர்(ஸல்) ஒரு தேவையின் நிமித்தம் அனுப்பி இருந்தார்கள். அப்போது எனக்குக் குளிப்புக் கடமையாயிற்று. எனவே, கால்நடைகள் மண்ணில் படுத்துப் புரளுவது போன்று நான் மண்ணில் படுத்துப் புரண்டேன். பின்னர் நபி(ஸல்) அவர்களிடம் நான் சென்று. நடந்ததைக் கூறினேன்.
``நீ உன் கைகளை இவ்வாறு செய்திருந்தாலே போதுமானது'' எனக் கூறி, பின்னர் தம் இரண்டு கைகளையும் பூமியில் ஒரேயொருமுறை அடித்தார்கள் பின்னர் மணிக்கட்டு வரையிலான வலக்கையின் மீது இடக் கையால் துடைத்தார்கள். தம் இரண்டு ககைளின் வெளிப்பக்கத்தையும் தம் முகத்தையும் மஸஹ் செய்தார்கள் என்று அம்மார் இப்னு யாசிர்(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

141. ``தயம்மும் என்பது இரண்டு அடிகளாகும். (அவற்றில்) ஒன்று முகத்திற்கும் மற்றொன்று முழங்கை வரையில் இரண்டு ககைளுக்கும்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்: தார குத்னீ
இது `மவ்கூஃப்' எனும் தரம் என இமாம்கள் கூறியுள்ளார்கள். (அதாவது இது இப்னு உமர்(ரலி) அவர்களின் கூற்றாகும்.)

143. மேற்கண்ட கருத்தில் உள்ள ஹதீஸ் அபூ தர்(ரலி) வாயிலாக திர்மிதீயில் பதிவிடப்பட்டுள்ளது.
இதனை இமாம் திர்மிதீ மற்றும் ஹாகிம்(ரஹ்) ஆதாரப்பூர்வமானது எனக் குறிப்பிட்டுள்ளார்கள்.

145. ``நீங்கள் பயணத்திலிருந்தாலோ அல்லது நோய்வாய்ப்பட்டிருந்தாலோ'' என்று தொடங்கும் குர்ஆனின் அந்த (4:43) வசனத்திற்கு இப்னு அப்பாஸ்(ரலி) விளக்கமளிக்கையில், ``ஒருவர் அல்லாஹ்வின் பாதையில் (போரில்) காயப்பட்டு பின் அவருக்குக் குளிப்புக் கடமையாகி தண்ணீர் ஊற்றுவதால் மரணம் ஏற்படும் என தயம்மும் செய்து கொள்ளலாம்'' என விளக்கம் அளித்தார்கள்.
இது தாரகுத்னீயில் `மவ்கூஃப்' எனும் தரத்திலும், பஸ்ஸாரில் ``மர்ஃபூஃ'' எனும் தரத்திலும் பதிவிடப்பட்டுள்ளது. இமாம் இப்னு குஸைமா மற்றும் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

147. தலை உடைக்கப்பட்டிருந்த ஒருவர் குளித்து இறந்து போனார். (இறைத்தூதர்(ஸல்) அவரைப் பற்றிக் கூறுகையில்), ``அவர் தன் காயத்திற்கு கட்டுக்கட்டி, அதன் மீது மஸஹ் செய்து, உடல் முழுவதும் மட்டும் குளித்திருந்தாலே போதுமானதாய் ஆகி இருக்கும்'' என்று கூறினார்கள் என ஜாபிர்(ரலி) அறிவித்தார்.
நூல்: அபூ தாவூத்
இதன் அறிவிப்பாளர்கள் குறித்த கருத்து வேறுபாட்டினால் இது `ளயீஃப்' எனும் தரத்தில் பதிவிடப்பட்டுள்ளது.

149. ஃபாத்திமா பின்து அபீ ஹுபைஷ் அவர்களுக்கு தொடர் உதிரப்போக்கு இருந்து வந்தது. இறைத்தூதர்(ஸல்) அவரிடம், ``மாதவிடாய் இரத்தம் கறுப்பாக இருப்பதைக் கொண்டு அறியப்படும். உனக்கு அது ஏற்பட்டால் தொழுகையை விட்டுவிடு. அதுவல்லாத மற்றேதும் (இரத்தம்) ஏற்படுமாயின் `உளூ'ச் செய்து தொழுது கொள்'' என்று கூறினார்கள் என ஆயிஷா(ரலி) அறிவித்தார்.
நூல்கள்: அபூ தாவூத், நஸயீ.
இப்னு ஹிப்பான்(ரஹ்) மற்றும் ஹாகிம்(ரஹ்) இதனை ஆததரப்பூர்வமானது எனக் குறிப்பிட்டுள்ளார்கள். இதனை நிராகரிக்கத் தக்கது என அபூ ஹாதிம்(ரஹ்) கருதுகிறார்.

151. எனக்கு அடிக்கடி கடும் தொடர் உதிரப்போக்கு ஏற்பட்டுக் கொண்டிருந்தது. நான் (இது குறித்து) சட்டம் கேட்க நபி(ஸல்) அவர்களிடம் சென்றேன். ``நிச்சயமாக அது ஷைத்தானின் வேலைகளில் ஒன்றாகும். ஆறு அல்லது ஏழு நாள்களை (வழமையாக) மாதவிடாய் நாள்களாகக் கணக்கிட்டுக் கொள்! பின்னர் குளித்துக் கொள்! நீ தூய்மையாகி விட்டால், இருபத்தி நான்கு அல்லது இருபத்தி மூன்று நாள்கள் தொழுது கொள்! நோன்பும் நோற்றுக் கொள்! நிச்சயமாக இது உனக்குப் போதுமானதாகிவிடும். (மற்ற) பெண்கள் எவ்வாறு மாதவிடாய்க் காலத்தைக் கழிக்கிறார்களோ, அதுபோன்று ஒவ்வொரு மாதமும் செய்து கொள்! லுஹரைப் பிற்படுத்தியும் அஸரை முற்படுத்தியும் தொழ உன்னால் முடியுமானால், நீ தூய்மையடையும் போது குளித்துவிட்டு, லுஹரையும் அஸரையும் (ஒன்றாக இணைத்துத்) தொழுது கொள். பின்னர் மக்ரிபைப் பிற்படுத்தி; இஷாவை முற்படுத்தி குளித்து விட்டு இரண்டையும் சேர்த்துத் தொழுது கொள்! பின்னர் ஃபஜ்ர் தொழுகையை குளித்து விட்டுத் தொழுது கொள்! இவை இரண்டிலும் இது எனக்கு மிகவும் பிடித்தமானது'' என்று இறைத்தூதர்(ஸல்) கூறினார்கள் என ஹம்னா பின்த்து ஜஹ்ஷ்(ரலி) அறிவித்தார்.
நூல்கள்: அபூ தாவூத், திர்மிதீ, இப்னு மாஜா மற்றும் அஹ்மத்
இதனை ஆதாரப்பூர்வமானது என இமாம் திர்மிதீ(ரஹ்) அவர்களும், `ஹஸன்' என இமாம் புகாரீ(ரஹ்) அவர்களும் கூறியுள்ளனர்.

153. உம்மு ஹபீபா பின்த்து ஜஹ்ஷ்(ரலி) அவர்களிடம் ``நீ ஒவ்வொரு தொழுகைக்கும் `உளூ'ச் செய்து கொள்!'' என்று இறைத்தூதர்(ஸல்) கூறினார்கள் என புகாரீயின் மற்றோர் அறிவிப்பில் உள்ளது. இதே கருத்து அபூ தாவூதிலும் வேறு ஓர் அறிவிப்பாளர் வாயிலாக வந்துள்ளது.

155. ``நிச்சயமாக யூதர்கள் மாதவிடாயான பெண்களுடன் (சேர்ந்து) உண்ண மாட்டார்கள். நீங்கள் உடலுவைத் தவிர்த்து (விரும்பிய) மற்ற அனைத்தையும் செய்து கொள்ளுங்கள்'' என்று இறைத்தூதர்(ஸல்) கூறினார்கள் என அனஸ்(ரலி) அறிவித்தார்.
நூல்: முஸ்லிம்

157. தன் மனைவி மாதவிடாயாக இருக்கும் நிலையில் அவளுடன் உடலுறவு கொள்வோர் குறித்துக் கூறுகையில், ``அவர் ஒரு தீனார் அல்லது அரை தீனார் தர்மம் செய்யட்டும்!'' என்று இறைத்தூதர்(ஸல்) கூறினார்கள் என இப்னு அப்பாஸ்(ரலி) அறிவித்தார்.
நூல்கள்: அஹ்மத், திர்மிதீ, அபூ தாவூத், நஸயீ, இப்னு மாஜா.
இமாம் ஹாகிம்(ரஹ்) மற்றும் இப்னு கத்தான்(ரஹ்) இதனை ஆதாரப்பூர்வமானது எனக் குறிப்பிட்டுள்ளனர். மற்றவர்கள் இதனை இப்னு அப்பாஸ் (ரலி) அவர்களின் கூற்று எனக் கூறியுள்ளனர்.