1442. ``சாட்சி அளிப்பவர்களில் சிறந்தவர் யாரென உங்களுக்கு அறிவிக்கட்டுமா? கேட்பதற்கு முன்பே சாட்சி அளிப்பவரே அவர்'' என்று இறைத்தூதர்(ஸல்) கூறினார்கள் என ஸைத் இப்னு காலித் அல்ஜுஹனீ(ரலி) அறிவித்தார்.
நூல்: முஸ்லிம்

1444. ``மோசக்காரன், மோசக்காரியின் சாட்சியம் செல்லாது. பொறாமைக்காரன் தன் (முஸ்லிம்) சகோதரனுக்கு எதிராகச் சொல்லும் சாட்சியமும் செல்லாது. ஒரு வீட்டாருக்கு ஆதரவாக அவர்களின் பணியாள் (அல்லது ஊழியர்) சொல்லும் சாட்சியமும் செல்லாது'' என்று இறைத்தூதர்(ஸல்) கூறினார்கள் என அப்துல்லாஹ் இப்னு உமர்(ரலி) அறிவித்தார்.
நூல்கள்: அஹ்மத், அபூ தாவூத்
குறிப்பு: முஸ்லிம் அல்லாதவருக்கு எதிராக ஒருவர் சாட்சி அளித்தாலும், கொள்கை தவிர வேறு காரணத்திற்காக இருவரிடையே பகைமை இருக்குமானால், அப்போது அந்த முஸ்லிம் அல்லாதவருக்கு எதிராக அந்த சாட்சியம் ஏற்கப்படாது.

1446. உமர்(ரலி) உரை நிகழ்த்தியபோது, ``நபி(ஸல்) அவர்களின் காலத்தில் சிலர் (தவறிழைத்தவர்கள்) வஹீ மூலம் கண்டித்துத் தண்டிக்கப்பட்டார்கள். இப்போது வஹீ அறிவிக்கப்படுவது நின்றுவிட்டதால், உங்கள் செயல்களில் எது வெளிப்படுகிறதோ, அதற்காகவே இப்போது நாம் உங்களைப் பிடிப்போம்'' எனக் கூறினார்கள்.
நூல்: புகாரீ

1448. இறைத்தூதர்(ஸல்) ஒரு மனிதரிடம், ``நீ சூரியனைப் பார்க்கிறாயா?'' எனக் கேட்டார்கள்.
``ஆம்'' என அவர் கூறினார்.
``அதைப்போன்று தெளிவானவற்றில் சாட்சி சொல்! இல்லையேல் விட்டுவிடு!'' என்று கூறினார்கள் என இப்னு அப்பாஸ்(ரலி) அறிவித்தார்.
இமாம் இப்னு அதீ(ரஹ்) இதனை பலவீனமான அறிவிப்பாளர் தொடரில் பதிவிடப்பட்டுள்ளார்.
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார். அவர் தவறுதலாக இவ்வாறு குறிப்பிட்டுள்ளார்.

1450. அபூ தாவூத் மற்றும் திர்மிதீயில் அபூ ஹுரைரா(ரலி) வாயிலாக மேற்கண்ட ஹதீஸ் இடம் பெற்றுள்ளது.
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1452. ``வழக்காடுபவன் (வாதி) ஆதாரம் கொண்டு வரவேண்டும். அதனை மறுப்பவன் (பிரதிவாதி) சத்தியம் செய்ய வேண்டும்'' என பைஹகீயில் உள்ளது.
இதன் அறிவிப்புத் தொடர் ஆதாரப்பூர்வமானது.

1454. ``பொய் சத்தியம் செய்து ஒரு முஸ்லிமின் உரிமையைப் பறித்தவருக்கு அல்லாஹ் நரகத்தை விதித்துவிட்டான். மேலும், சுவர்க்கத்தை விலக்கிவிட்டான்'' என்று இறைத்தூதர்(ஸல்) கூறினார்கள்.
(இதனைச் செவியுற்ற ஒருவர்), ``இறைத்தூதர் அவர்களே! சாதாரணப் ஒரு பொருளுக்காகவுமா?'' என வினவினார்.
``அராக் மரத்தின் ஒரு கிளையாய் இருப்பினும்தான்'' என்று இறைத்தூதர்(ஸல்) பதிலுரைத்தார்கள் என அபூ உமாமா அல்ஹாரிஸிய்யீ(ரலி) அறிவித்தார்.
நூல்: முஸ்லிம்

1456. ஒரு கால்நடை விஷயத்தில் இரண்டு மனிதர்களுக்கிடையே சச்சரவு ஏற்பட்டது. அவர்கள் இருவரிடமுமே (அது யாருடையது என்ற) ஆதாரம் எதுவும் இல்லை. (எனவே, அந்த வழக்கில்) அவர்கள் இருவருக்கும் இடையில் பாதிப் பாதியாக அதைப் பிரித்து இறைத்தூதர்(ஸல்) தீர்ப்பளித்தார்கள் என அபூ மூஸா(ரலி) அறிவித்தார்.
நூல்கள்: அஹ்மத், அபூ தாவூத் மற்றும் நஸயீ
இங்கு நஸயீயின் வாசகம் இடம் பெற்றுள்ளது. இதன் அறிவிப்பு சரியானது, சிறந்தது என்றும் குறிப்பிட்டுள்ளார்.

1458. ``மூன்று வகையான மனிதர்களுடன் மறுமையில் அல்லாஹ் பேசமாட்டான். அவர்களைப் பார்க்கவும் மாட்டான். அவர்களைத் தூய்மைப்படுத்தவும் மாட்டான். அவர்களுக்குத் துன்பம் தரும் வேதனையும் உண்டு. 1. வனாந்திரத்தில் எஞ்சி இருக்கும் தண்ணீரை வழிப்போக்கர்கள் பயன்படுத்த விடாமல் தடுப்பவன் 2. அஸ் ருக்குப் பின் ஒருவருடன் வியாபாரம் செய்து அந்தப் பொருளை இன்ன விலைக்கு வாங்கினேன் எனப் பொய் சத்தியம் செய்து அதனை உண்மை என்று நம்ப வைத்தவன். ஆனால் அது உண்மை அல்ல. 3. உலக இலாபத்திற்காகவே ஆட்சித் தலைவரிடம் பைஅத் செய்தவன். அவன் ஏதேனும் கொடுத்தால், அவனுக்கு நன்றி செலுத்துவான்; எதையும் கொடுக்கவிட்டால் அவனுக்கு மாறுசெய்வான்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

1460. உரிமையைக் கோருபவரின் பக்கமே இறைத்தூதர்(ஸல்) சத்தியத்தைத் திருப்பிவிட்டார்கள் என இப்னு உமர்(ரலி) அறிவித்தார்.
நூல்: தாரகுத்னீ
மேற்கண்ட இரண்டு ஹதீஸும் பலவீனமான அறிவிப்புத் தொடரில் பதிவு செய்யப்பட்டுள்ளன.
குறிப்பு: பிரதிவாதி சத்தியம் செய்ய மறுத்தால், அந்த சத்தியத்தை தன் உரிமையைக் கோரும் வாதியே செய்ய வேண்டும் என்று நபி(ஸல்) தீர்ப்பளித்து நடைமுறைப்படுத்தினார்கள்.