158. ``பெண்ணுக்கு மாதவிடாய் வந்துவிட்டால் அவள் தொழுவதுமில்லை மற்றும் அவள் நோன்பு நோற்பதுமில்லை அல்லவா?'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார். (நீண்ட ஹதீஸின் சுருக்கம்)
நூல்கள்: புகாரீ, முஸ்லிம்
குறிப்பு: விரிவாக அறிவதற்கு பார்க்க புகாரீ ஹதீஸ் எண் 304, 1462, 1951 மற்றும் 2658.

160. ``தன் மனைவிக்கு மாதவிடாய் ஏற்பட்டிருக்கும்போது ஓர் ஆணுக்கு (இல்லற சுகத்தில்) எதை இஸ்லாம் அனுமதித்துள்ளது?'' என்று நான் கேட்டதற்கு, ``கீழாடைக்கு மேல் அனைத்தும்'' என்று இறைத்தூதர்(ஸல்) கூறினார்கள் என முஆத் இப்னு ஜபல்(ரலி) அறிவித்தார்.
நூல்: அபூ தாவூத்
இமாம் அபூ தாவூத்(ரஹ்) இதனை பலவீனமானது எனக் குறிப்பிட்டுள்ளார்.

162. அபூ தாவூதின் மற்றோர் அறிவிப்பில், இறைத்தூதர்(ஸல்) பிரசவ உதிரப்போக்கில் இருக்கும் காலத்தின் தொழுகையை களாச் செய்யுமாறு பெண்களுக்குக் கட்டளையிடவில்லை என்றும் இடம் பெறுகிறது.
இமாம் ஹாகிம்(ரஹ்) இதனை ஆதாரப்பூர்வமானது எனக் கூறியுள்ளார்.

164. ``அஸரின் (தொழுகை) நேரம் சூரியன் சுத்த வெள்iயாய் இருக்கும் வரை'' என்று புரைதா(ரலி) வாயிலாக முஸ்லிமில் பதிவிடப்பட்டுள்ளது.

166. இறைத்தூதர்(ஸல்) அஸ் ர் தொழுவார்கள். பின்னர் சூரியன் வெளிச்சமாக உள்ள நிலையில் நாங்கள் எங்களுடைய நகரின் மறு ஓரத்தில் (உள்ள) தம் வீட்டிற்குத் திரும்பச் சென்று விடுவோம். இன்னும் இஷா தொழுகையைப் பிற்படுத்துவதை விரும்புபவர்களாகவும், இஷாவிற்கு முன் தூங்குவதையும் இஷாவிற்குப் பின் (வீண் பேச்சுக்கள்) பேசுவதையும் வெறுப்பவர்களாகவும் இருந்தார்கள். நாங்கள் எங்கள் அருகில் அமர்ந்திருப்பவரை அறிய முடிகிற வேளையில் தொழுகையை முடித்துக் கொள்வார்கள். இன்னும் இறைத்தூதர்(ஸல்) (ஃபஜ்ர் தொழுகையில்) அறுபது முதல் நூறு வசனங்கள் வரை ஓதுவார்கள் என பர்ஸா அஸ்லமி(ரலி) அறிவித்தார்.
நூல்கள்: புகாரீ, முஸ்லிம்

168. இறைத்தூதர்(ஸல்) கிழக்கு வெளுத்ததும் ஃபஜர் தொழுகையை தொழுவார்கள் (அப்போது) மக்கள் ஒருவரையொருவர் (இருளின் காரணமாக) அறிய முடியாத நிலையில் இருப்பார்கள் என அபூ மூஸா(ரலி) அறிவித்தார்.
நூல்: முஸ்லிம்

170. இரவின் பெரும் பகுதி, கழியும் அளவிற்கு இஷா தொழுகையை இறைத்தூதர்(ஸல்) பிற்படுத்தி, பின்னர் சென்று ஒரு இரவுத் தொழுகை நடத்திவிட்டு ``என் சமுதாயத்திற்குச் சிரமம் ஏற்படும என நான் அஞ்சவில்லை எனில், இதுவே இஷாவின் நேரமாகும்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்: முஸ்லிம்

172. ``ஃபஜ்ரின் நேரம் வந்துவிட்டது எனத் தெளிவாகத் தெரிந்தபின்பு தொழுங்கள். ஏனெனில், நிச்சயமாக அது உங்களுக்கு மகத்தான கூலியைப் பெற்றுத்தரும்'' என்று இறைத்தூதர்(ஸல்) கூறினார்கள் என ராஃபி இப்னு கதீஜ்(ரலி) அறிவித்தார்.
நூல்கள்: அபூ தாவூத், திர்மிதீ, இப்னு மாஜா, நஸயீ மற்றும் அஹ்மத்.
இமாம் திர்மிதீ மற்றும் இப்னு ஹிப்பான்(ரஹ்) இதனை ஆதாரப்பூர்வமான ஹதீஸ் எனக் குறிப்பிட்டுள்ளார்கள்.

174. முஸ்லிமில் ஆயிஷா(ரலி) வாயிலாக இதே போன்று ஹதீஸ் இடம் பெற்றுள்ளது. ஆனால், அங்கு ரக்அத்திற்குப் பதிலாக ஸஜ்தா எனப் பதிவாகியுள்ளது. பின்னர் ஸஜ்தா என்பது ரக்அத்(தில் உள்ளது) என ஆயிஷா(ரலி) விளக்கியதாகவும் உள்ளது.

176. சூரியன் ஒளிர்ந்து கொண்டு, உதயமாகி வரும் வேளையில், அது உயரும் வரையிலும், இன்னும் சூரியன் உச்சியிலிருந்து சாயும் வரையிலும், இன்னும் சூரியன் மறைவதற்காகத் தாழும் (மறையும்) வேளையிலும் ஆகிய மூன்று நேரங்களில் நாங்கள் தொழுவதையும், எங்களில் இறந்தவர்களை அடக்கம் செய்வதையும் இறைத்தூதர்(ஸல்) தடை செய்துவந்தார்கள் என உக்பா இப்னு ஆமிர்(ரலி) அறிவித்தார்.
நூல்கள்: புகாரீ, முஸ்லிம்