178. இதே போன்று அபூ கதாதா(ரலி) வாயிலாக அபூ தாவூதிலும் பதிவாகியுள்ளது.

180. ``ஷஃபக் என்பது செவ்வானமாகும்'' என இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்: தாரகுத்னீ
இமாம் இப்னு குஸைமா இதனைஆதாரப்பூர்வமான ஹதீஸ் எனக் குறிப்பிட்டுள்ளார். மற்றவர்கள் இதனை இப்னு உமர்(ரலி) அவர்களின் கருத்து எனக் கூறியுள்ளார்கள்..

182. ஜாபிர்(ரலி) வாயிலாக, இதே போன்ற ஹதீஸ் உள்ளது. அதில், `ஸஹர்' உணவு உண்பதற்குத் தடைசெய்யப்பட்ட அந்நேரம் பற்றிக் குறிப்பிடுகையில், கீழ்வானத்தில் நீளநீளமாக கோடுகள் தோன்றும் நேரம் என்றும், ஹாகிமின் மற்றோர் அறிவிப்பில், ஓநாயின் வாலைப் போல கீழ்வானம் வெள்ளையாய் இருக்கும் நேரம் என்றும் அதிகப்படியாக உள்ளது.
குறிப்பு: அந்த நேரம் என்பது கிழக்கு வெளுப்பதைக் குறிக்கிறது.

184. ``(தொழுகையின்) ஆரம்ப நேரம் அல்லாஹ்வின் திருப்தி கிடைக்கும் நேரமாகும். நடுநேரம் அல்லாஹ்வின் அருள் கிடைக்கும் நேரமாகும், இறுதி நேரம் அல்லாஹ்வின் மன்னிப்புக் கிடைக்கும் நேரமாகும்'' என்று இறைத்தூதர்(ஸல்) கூறினார்கள் என அபூ மஃக்தூரா(ரலி) அறிவித்தார்.
மிகவும் `ளயீஃப்' எனும் பலவீனமான தரத்தில் தாரகுத்னீயில் பதிவிடப்பட்டுள்ளது.

186. ``ஃபஜ்ர் உதித்தப் பின்பு, இரண்டு ஸஜ்தாக்கள் (முன் சுன்னத் மற்றும் கடமையான ஃபர்ள்) தவிர்த்து வேறு எந்தத் தொழுகையும் இல்லை'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: அஹ்மத், அபூ தாவூத், திர்மிதீ மற்றும் இப்னு மாஜா.
``ஃபஜ்ர் உதித்தப் பின்பு ஃபஜ்ரின் இரண்டு ரக்அத்துகள் (முன் சுன்னத் மற்றும் கடமையான ஃபர்ள்) தவிர்த்து வேறு தொழுகையே இல்லை'' என அப்துர் ரஸ்ஸாக்கில் பதிவிடப்பட்டுள்ளது.
குறிப்பு: கடமையான ஃபஜ்ர் இரண்டு ரக்அத்துக்களும், அதற்கு முன்பாக முன் சுன்னத்தான இரண்டு ரக்அத்துகளும் உள்ளன. எனவே, இவை தவிர்த்து வேறு எந்தத் தொழுகையும் இல்லை'' என்றே இதற்குப் பொருள். இந்நூலின் விளக்கவுரையான சுபுலுஸ்ஸலாம் எனும் நூலிலும் இவ்வாறே கருத்து உள்ளது.

188. (ஒருமுறை இறைஇல்லத்தில்) அஸ் ர் தொழுதுவிட்டு என் வீட்டிற்கு வந்த இறைத்தூதர்(ஸல்) இரண்டு ரக்அத்துக்கள் தொழுதார்கள். அது குறித்து நான் அவர்களிடம் வினவினேன்.
``பணியின் நிமித்தமாக (அப்துல் கைஸ் தூதுக்குழுவினர் என்னுடம் பேசிக் கொண்டிருந்ததால்) நான் லுஹருக்குப் பின்பு இரண்டு ரக்அத் தொழவில்லை; எனவே, இப்போது (அதைத்) தொழுதேன்'' எனக் கூறினார்கள்.
``இவ்வாறு எங்களுக்குத் தவறினால் நாங்களும் இதனைக் களாச் செய்யலாமா?'' என நான் வினவினேன்.
``கூடாது'' என இறைத்தூதர்(ஸல்) கூறினார்கள் என உம்மு ஸலமா(ரலி) அறிவித்தார்.
நூல்: அஹ்மத்
குறிப்பு: முக்கியச் சுன்னத்தாக சமுதாயத்திற்கு நபி(ஸல்) காண்பித்த தொழுகைகள் நபி(ஸல்) அவர்களுக்குக் கடமையான தொழுகை போன்று இருந்தது. எனவே, அவர்கள் இங்கு விடுபட்ட சுன்னத் தொழுகையை களாச் செய்துள்ளார்கள்.

190. நான் தூங்கிக் கொண்டிருந்தபோது என்னிடம் (கனவில்) ஒரு மனிதர் வந்தார். ``அல்லாஹ் அக்பார், அல்லாஹு அக்பர்'' என பாங்கை (தொழுகை அழைப்பை) சப்தமிட்டுக் கூறுமாறு சொன்னார். அப்போது, பாங்கில் அல்லாஹு அக்பர் என்பதை மெதுவாகக் கூறாமல், சப்தமாகவே நான்கு முறை கூறுமாறுக் கற்றுக் கொடுத்தார். இன்னும் `இகாமத்'தில் கத் காமத்திஸ் ஸலாஹ் என்பதைத் தவிர்த்தை மற்றவற்றை ஒரு முறை மட்டும் கூறுமாறுக் கற்றுக் கொடுத்தார்.
காலையானதும், நபி(ஸல்) அவர்களிடம் நான் (விரைந்து) வந்தேன். (அவர்களிடம் நான் கண்ட கனவை எடுத்துரைத்தேன்)
``இது மெய்யான கனனே'' என்று நபி(ஸல்) கூறினார்கள் என அப்துல்லாஹ் இப்னு ஜைது(ரலி) அறிவித்தார்.
நூல்கள்: அஹ்மத், அபூ தாவூத்
இமாம் திர்மிதீ மற்றும் இப்னு குஸைமா(ரஹ்) இதனை ஆதாரப்பூர்வமான தரத்தில் பதிவிட்டுள்ளனர்.

192. ``முஅத்தின் (தொழுகைக்கு அழைப்பவர்) ஃபஜ்ர் தொழுகைக்கான பாங்கில் `ஹய்ய அலஸ் ஃபலாஹ்' எனக் கூறியப் பின்பு, `அஸ்ஸலாத்து ஃகைரும் மினன்னவ்ம்' என்று கூறுவது நபிவழிக்கு உட்பட்டதே என அனஸ்(ரலி) கூறினார்கள் என இப்னு குஸைமாவில் உள்ளது.

194. அதான் - பாங்கின் வாக்கியங்களை இரண்டிரண்டு முறையும், `இகாமத்'தில் `கத் காமதிஸ் ஸலாஹ்' என்பதைத் தவிர்த்து மற்றவற்றை ஒவ்வொரு முறையும் கூற வேண்டும் என்று பிலால்(ரலி) அவர்களுக்கு கட்டளையிடப்பட்டது என அனஸ்(ரலி) அறிவித்தார்.
நூல்கள்: புகாரீ, முஸ்லிம்
கத்காமத்திஸ் ஸலாஹ் என்பதைத் தவிர எனும் வாசகத்தை இமாம்(ரஹ்) குறிப்பிடவில்லை.

196. பிலால்(ரலி), தம் இரண்டு கட்டை விரல்களையும் தம் இரண்டு காதுகளில் வைத்தபடி பாங்கு சொன்னதை நான் பார்த்தேன். அப்போது நான் அவர்களின் வாய் இங்குமங்குமாக (வலப்பக்கமும் இடப் பக்கமுமாக) சென்றதை கூர்ந்து கவனித்துக் கொண்டிருந்தேன்.
இது அஹ்மத் மற்றும் திர்மிதீயில் ஆதாரப்பூர்வமானதாகப் பதிவிடப்பட்டுள்ளது.