188. (ஒருமுறை இறைஇல்லத்தில்) அஸ் ர் தொழுதுவிட்டு என் வீட்டிற்கு வந்த இறைத்தூதர்(ஸல்) இரண்டு ரக்அத்துக்கள் தொழுதார்கள். அது குறித்து நான் அவர்களிடம் வினவினேன்.
``பணியின் நிமித்தமாக (அப்துல் கைஸ் தூதுக்குழுவினர் என்னுடம் பேசிக் கொண்டிருந்ததால்) நான் லுஹருக்குப் பின்பு இரண்டு ரக்அத் தொழவில்லை; எனவே, இப்போது (அதைத்) தொழுதேன்'' எனக் கூறினார்கள்.
``இவ்வாறு எங்களுக்குத் தவறினால் நாங்களும் இதனைக் களாச் செய்யலாமா?'' என நான் வினவினேன்.
``கூடாது'' என இறைத்தூதர்(ஸல்) கூறினார்கள் என உம்மு ஸலமா(ரலி) அறிவித்தார்.
நூல்: அஹ்மத்
குறிப்பு: முக்கியச் சுன்னத்தாக சமுதாயத்திற்கு நபி(ஸல்) காண்பித்த தொழுகைகள் நபி(ஸல்) அவர்களுக்குக் கடமையான தொழுகை போன்று இருந்தது. எனவே, அவர்கள் இங்கு விடுபட்ட சுன்னத் தொழுகையை களாச் செய்துள்ளார்கள்.

190. நான் தூங்கிக் கொண்டிருந்தபோது என்னிடம் (கனவில்) ஒரு மனிதர் வந்தார். ``அல்லாஹ் அக்பார், அல்லாஹு அக்பர்'' என பாங்கை (தொழுகை அழைப்பை) சப்தமிட்டுக் கூறுமாறு சொன்னார். அப்போது, பாங்கில் அல்லாஹு அக்பர் என்பதை மெதுவாகக் கூறாமல், சப்தமாகவே நான்கு முறை கூறுமாறுக் கற்றுக் கொடுத்தார். இன்னும் `இகாமத்'தில் கத் காமத்திஸ் ஸலாஹ் என்பதைத் தவிர்த்தை மற்றவற்றை ஒரு முறை மட்டும் கூறுமாறுக் கற்றுக் கொடுத்தார்.
காலையானதும், நபி(ஸல்) அவர்களிடம் நான் (விரைந்து) வந்தேன். (அவர்களிடம் நான் கண்ட கனவை எடுத்துரைத்தேன்)
``இது மெய்யான கனனே'' என்று நபி(ஸல்) கூறினார்கள் என அப்துல்லாஹ் இப்னு ஜைது(ரலி) அறிவித்தார்.
நூல்கள்: அஹ்மத், அபூ தாவூத்
இமாம் திர்மிதீ மற்றும் இப்னு குஸைமா(ரஹ்) இதனை ஆதாரப்பூர்வமான தரத்தில் பதிவிட்டுள்ளனர்.

192. ``முஅத்தின் (தொழுகைக்கு அழைப்பவர்) ஃபஜ்ர் தொழுகைக்கான பாங்கில் `ஹய்ய அலஸ் ஃபலாஹ்' எனக் கூறியப் பின்பு, `அஸ்ஸலாத்து ஃகைரும் மினன்னவ்ம்' என்று கூறுவது நபிவழிக்கு உட்பட்டதே என அனஸ்(ரலி) கூறினார்கள் என இப்னு குஸைமாவில் உள்ளது.

194. அதான் - பாங்கின் வாக்கியங்களை இரண்டிரண்டு முறையும், `இகாமத்'தில் `கத் காமதிஸ் ஸலாஹ்' என்பதைத் தவிர்த்து மற்றவற்றை ஒவ்வொரு முறையும் கூற வேண்டும் என்று பிலால்(ரலி) அவர்களுக்கு கட்டளையிடப்பட்டது என அனஸ்(ரலி) அறிவித்தார்.
நூல்கள்: புகாரீ, முஸ்லிம்
கத்காமத்திஸ் ஸலாஹ் என்பதைத் தவிர எனும் வாசகத்தை இமாம்(ரஹ்) குறிப்பிடவில்லை.

196. பிலால்(ரலி), தம் இரண்டு கட்டை விரல்களையும் தம் இரண்டு காதுகளில் வைத்தபடி பாங்கு சொன்னதை நான் பார்த்தேன். அப்போது நான் அவர்களின் வாய் இங்குமங்குமாக (வலப்பக்கமும் இடப் பக்கமுமாக) சென்றதை கூர்ந்து கவனித்துக் கொண்டிருந்தேன்.
இது அஹ்மத் மற்றும் திர்மிதீயில் ஆதாரப்பூர்வமானதாகப் பதிவிடப்பட்டுள்ளது.

198. ``ஹய்ய அலஸ் ஸலாஹ்' எனும் வாசகத்தை அடைந்தபோது, அவர் வலப்பக்கமும், இடப்பக்கமும் தம் கழுத்தைத் திருப்பினார். ஆனால் (கழுத்தை) முழுமையாகத் திருப்பவில்லை'' என்று அபூ தாவூதில் உள்ளது.
இந்த ஹதீஸின் மூலம் புகாரீ மற்றும் முஸ்லிமில் இடம் பெற்றுள்ளது.

200. நபி(ஸல்) அவர்களுடன் ஓரிரு முறை (மட்டும்) அல்ல; பலமுறை இரண்டு பெரு நாள்கள் தொழுகையையும் பாங்கு மற்றும் `இகாமத்' இல்லாமல் நான் தொழுதுள்ளேன் என ஜாபிர் இப்னு ஸமுரா(ரலி) அறிவித்தார்.
நூல்: முஸ்லிம்

202. ஒருமுறை அனைவரும் ஃபஜ்ர் தொழுகை தொழாமல் தூங்கியதைப் பற்றிக் குறிப்பிடுகையில், (நேரம் தவறித் தொழுதபோது) பிலால்(ரலி) பாங்கு கூறினார்கள். பின்னர், இறைத்தூதர்(ஸல்) வழக்கமாக ஒவ்வொரு நாளும் தொழ வைப்பது போன்றே தொழ வைத்தார்கள்'' என அபூ கதாதா(ரலி) அறிவித்தார்.
நூல்: முஸ்லிம்

204. ``இறைத்தூதர்(ஸல்) மக்ரிப் மற்றும் இஷாவை ஒரே `இகாமத்'துடன் சேர்த்துத் தொழுதார்கள்'' என்று இப்னு உமர்(ரலி) அறிவித்தார்.
நூல்: முஸ்லிம்
``ஒவ்வொரு தொழுகைக்கும் ஓர் `இகாமத்'துடன்'' என அபூ தாவூதில் அதிகப்படியாக உள்ளது.
அபூ தாவூதின் மற்றோர் அறிவிப்பில், எந்த தொழுகைக்கும் பாங்கு சொல்லப்படவில்லை என உள்ளது.
குறிப்பு: ஜாபிர்(ரலி) அறிவிக்கும் 203 வது ஹதீஸின்படி நபி(ஸல்) ஒரு பாங்கு இரண்டு `இகாமத்'துடன் மக்ரிப் மற்றும் இஷாவையும் சேர்த்து முஸ் தலிஃபாவில் தொழுததாக உள்ளது. இப்னு உமர்(ரலி) அறிவிக்கும் 204 வது ஹதீஸின்படி பாங்கு இல்லாமல் ஒவ்வொரு தொழுகைக்கும் ஓர் `இகாமத்' வீதம் இரண்டு `இகாமத்'துடன் தொழுததாக இடம்பெற்றுள்ளது. புகாரீயில் இப்னு மஸ் வூத்(ரலி) வாயிலாக நபி(ஸல்) முஸ் தலிஃபாவில் மக்ரிபை ஒரு பாங்கு ஓர் `இகாமத்'துடனும், இஷாவை ஒரு பாங்கு ஓர் `இகாமத்'துடனும் தொழுதார்கள் என உள்ளது.
தொழுகைக்குப் பாங்கு மிக அவசியமானது. எனவே, ஒரு பாங்குடன் இரண்டு `இகாமத்'கள் மக்ரிபிற்கும் இஷாவிற்கும் கூறிக் கொள்வது. அல்லது, இரண்டு பாங்குகள் மற்றும் இரண்டு `இகாமத்'கள் கூறிக்கொள்வது என்பதே சரியானது.

206. ஒரு முறை பிலால்(ரலி) ஃபஜ்ருக்கு (அதன் நேரம் வரும்) முன்பாக பாங்கு சொல்லிவிட்டார். அப்போது, இறைத்தூதர்(ஸல்) திரும்பிச் சென்று, ``அறிந்து கொள்ளுங்கள்! நிச்சயமாக நான் தூங்கிவிட்டேன் என அறிவியுங்கள்'' என்று அவருக்குக் கட்டளையிட்டார்கள் என இப்னு உமர்(ரலி) அறிவித்தார்.
நூல்: அபூ தாவூத்
இது `ளயீஃப்' எனும் பலவீனமானது என இமாம் அபூ தாவூத்(ரஹ்) கூறியுள்ளார்.