204. ``இறைத்தூதர்(ஸல்) மக்ரிப் மற்றும் இஷாவை ஒரே `இகாமத்'துடன் சேர்த்துத் தொழுதார்கள்'' என்று இப்னு உமர்(ரலி) அறிவித்தார்.
நூல்: முஸ்லிம்
``ஒவ்வொரு தொழுகைக்கும் ஓர் `இகாமத்'துடன்'' என அபூ தாவூதில் அதிகப்படியாக உள்ளது.
அபூ தாவூதின் மற்றோர் அறிவிப்பில், எந்த தொழுகைக்கும் பாங்கு சொல்லப்படவில்லை என உள்ளது.
குறிப்பு: ஜாபிர்(ரலி) அறிவிக்கும் 203 வது ஹதீஸின்படி நபி(ஸல்) ஒரு பாங்கு இரண்டு `இகாமத்'துடன் மக்ரிப் மற்றும் இஷாவையும் சேர்த்து முஸ் தலிஃபாவில் தொழுததாக உள்ளது. இப்னு உமர்(ரலி) அறிவிக்கும் 204 வது ஹதீஸின்படி பாங்கு இல்லாமல் ஒவ்வொரு தொழுகைக்கும் ஓர் `இகாமத்' வீதம் இரண்டு `இகாமத்'துடன் தொழுததாக இடம்பெற்றுள்ளது. புகாரீயில் இப்னு மஸ் வூத்(ரலி) வாயிலாக நபி(ஸல்) முஸ் தலிஃபாவில் மக்ரிபை ஒரு பாங்கு ஓர் `இகாமத்'துடனும், இஷாவை ஒரு பாங்கு ஓர் `இகாமத்'துடனும் தொழுதார்கள் என உள்ளது.
தொழுகைக்குப் பாங்கு மிக அவசியமானது. எனவே, ஒரு பாங்குடன் இரண்டு `இகாமத்'கள் மக்ரிபிற்கும் இஷாவிற்கும் கூறிக் கொள்வது. அல்லது, இரண்டு பாங்குகள் மற்றும் இரண்டு `இகாமத்'கள் கூறிக்கொள்வது என்பதே சரியானது.

206. ஒரு முறை பிலால்(ரலி) ஃபஜ்ருக்கு (அதன் நேரம் வரும்) முன்பாக பாங்கு சொல்லிவிட்டார். அப்போது, இறைத்தூதர்(ஸல்) திரும்பிச் சென்று, ``அறிந்து கொள்ளுங்கள்! நிச்சயமாக நான் தூங்கிவிட்டேன் என அறிவியுங்கள்'' என்று அவருக்குக் கட்டளையிட்டார்கள் என இப்னு உமர்(ரலி) அறிவித்தார்.
நூல்: அபூ தாவூத்
இது `ளயீஃப்' எனும் பலவீனமானது என இமாம் அபூ தாவூத்(ரஹ்) கூறியுள்ளார்.

208. முஆவியா(ரலி) வாயிலாக புகாரீயிலும் இதுபோன்ற பதிவிடப்பட்டுள்ளது.

210. ``இறைத்தூதர் அவர்களே! என் கூட்டத்தார்க்கு என்னை இமாமாக ஆக்குங்கள்!'' என நபி(ஸல்) அவர்களிடம் நான் கோரினேன்.
``நீ தான் அவர்களின் இமாம்! நீ அவர்களில் மிகவும் பலவீனமானவரை கவனத்தில் கொள். (அவருக்குத் தகுந்தாற் போல் சுருக்கமாகத் தொழ வை) இன்னும் பாங்கு சொல்வதற்கு (உலகில்) கூலி வாங்காத முஅத்தினை நியமித்துக் கொள்!'' என்று இறைத்தூதர்(ஸல்) கூறினார்கள் என உஸ்மான் இப்னு அபில் ஆஸ்(ரலி) அறிவித்தார்.
நூல்கள்: அஹ்மத், திர்மிதீ, நஸயீ மற்றும் அபூ தாவூத்
இது `ஹஸன்' எனும் தரத்தில் உள்ளது என திர்மிதீ(ரஹ்) அவர்களும், ஆதாரப்பூர்வமானது என இமாம் ஹாகிம்(ரஹ்) அவர்களும் குறிப்பிட்டுள்ளனர்.

212. ``பாங்கை நிறுத்தி நிறுத்தியும்! `இகாமத்'தை வேகவேகமாகவும் சொல்! இன்னும் பாங்கிற்கும், `இகாமத்'திற்கும் இடையில், சாப்பிட்டுக் கொண்டு இருக்கும் ஒருவர், சாப்பிட்டு முடிக்கும் அளவிற்கு இடைவெளி விடு!'' என்று இறைத்தூதர்(ஸல்) பிலால்(ரலி) அவர்களிடம் கூறினார்கள் என ஜாபிர்(ரலி) அறிவித்தார்.
நூல்: திர்மிதீ
இது `ளயீஃப்' எனும் பலவீனமான ஹதீஸ் என இமாம் திர்மிதீ(ரஹ்) கூறியுள்ளார்.

214. ``பாங்கு சொல்பவரே `இகாமத்'தும் சொல்லட்டும்'' என்று இறைத்தூதர்(ஸல்) கூறினார்கள் என ஜியாத் இப்னு ஹாரிஸ்(ரலி) அறிவித்தார்.
நூல்: திர்மிதீ
இது `ளயீஃப்' எனும் பலவீனமான ஹதீஸ் என இமாம் திர்மிதீ(ரஹ்) கூறியுள்ளார்.

216. முஅத்தின் அதான் (பாங்கு) கூறுவதற்கும், இமாம் `இகாமத்' கூறுவதற்கும் உரிமை பெற்றவர்கள் என்று இறைத்தூதர்(ஸல்) கூறினார்கள் என அபூ ஹுரைரா(ரலி) அவிவித்தார்.
நூல்: இப்னு அதீ
இது பலவீமான தரத்தில் பதிவிடப்பட்டுள்ளது.
குறிப்பு: அதாவது தொழுகை நேரம் வந்ததும் முஅத்தின் தான் அதைக் கவனித்து பாங்கு சொல்ல வேண்டும். தொழுகைக்கு நிற்கும்போது, இமாம்தான் `இகாமத்' கூறுவதற்கு உத்தரவிடும் பொறுப்பேற்க வேண்டும்.

218. `பாங்கிற்கும், `இகாமத்'திற்கும் இடைப்பட்ட நேரத்தில் துஆ (கேட்டால்) அது நிராகரிக்கப்படுவதில்லை'' என்று இறைத்தூதர்(ஸல்) கூறினார்கள் என அனஸ் இப்னு மாலிக்(ரலி) அறிவித்தார்.
நூல்: நஸயீ
இமாம் இப்னு குஸைமா(ரஹ்) இதனை ஆதாரப்பூர்வமான ஹதீஸ் எனக் குறிப்பிட்டுள்ளார்.

220. ``உங்களில் ஒருவருக்குத் தொழுகையில் காற்று பிரிந்தால் அவர் தொழுகையை விட்டுவிட்டு, `உளூ'ச் செய்து, பின்னர், தொழுகையை திரும்ப தொழட்டும் என்று இறைத்தூதர்(ஸல்) கூறினார்கள் என அலீ இப்னு தல்க்(ரலி) அறிவித்தார்.
நூல்கள்: அஹ்மத், நஸயீ, இப்னு மாஜா, திர்மிதீ மற்றும் அபூ தாவூத்
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

222. ஆடை விசாலமாய் இருப்பின், தொழும்போது அந்த ஆடையால் (உடல் முழுவதையும்) போர்த்திக் கொள்ளுமாறு தம்மிடம் இறைத்தூதர்(ஸல்) கூறினார்கள் என ஜாபிர்(ரலி) அறிவித்தார்.
நூல்கள்: புகாரீ, முஸ்லிம்
அதன் இரண்டு ஓரங்களையும் ஒன்றுக் கொன்று குறுக்காக (தோளில்) போட்டுக் கொள். அது சிறியதாய் இருந்தால் அதைக் கீழ் அங்கியாக அணிந்து கொள்'' என்று இறைத்தூதர்(ஸல்) கூறினார்கள் என முஸ்லிமில் அதிகப்படியாக உள்ளது.