209. `இரண்டு ஹய்யா அலா' வைத் தவிர பாங்கின் மற்ற சொற்கள் ஒவ்வொன்றையும் முஅத்தின் கூறுவதைப் போன்றே கூறுவதற்கான சிறப்புக் குறித்து உமர்(ரலி) கூறிய (நபிவழிச்) செய்தி ஒன்று முஸ்லிமில் பதிவிடப்பட்டுள்ளது. எனவே, (ஹய்ய அலஸ் ஸலாஹ் மற்றும் ஹய்ய அலல் ஃபலாஹ் என முஅத்தின் கூறும்போது) லா ஹவ்ல வலா குவ்வத்த இல்லா பில்லாஹ் என அவர்கள் கூறுவார்கள்.
குறிப்பு: பாங்கு சொல்வதைச் செவியுற்றவர், அதன் வாசகங்களை அவ்வாறே திரும்பச் சொன்னால், அதை அவர் மனமாறக் கூறியிருந்தால் அவர் சுவர்க்கம் செல்வார் என அந்த ஹதீஸின் இறுதியில் உள்ளது. இதுவே இந்நற்செயலின் சிறப்பாகும். ஹய்ய அலஸ் ஸலாஹ், ஹய்ய அலல் ஃபலாஹ் என்றும் கூறும்போது, லா ஹவ்லா வலா குவ்வத்த இல்லா பில்லாஹ் எனக் கூறவேண்டும். அதே வரிகளைத் திரும்பக் கூறுதல் கூடாது. (பார்க்க: சுபுலுஸ் ஸலாம்)

211. ``தொழுகை(யின் நேரம்) வந்துவிட்டால், உங்களில் ஒருவர் (பாங்கின் மூலம் தொழுகைக்கு) உங்களை அழைக்கட்டும்'' என்று இறைத்தூதர்(ஸல்) கூறினார்கள் என மாலிக் இப்னு ஹுவைரிஸ்(ரலி) அறிவித்தார்.
நூல்கள்: புகாரீ, முஸ்லிம், அஹ்மத், நஸயீ, திர்மிதீ, அபூ தாவூத் மற்றும் இப்னு மாஜா

213. ```உளூ'ச் செய்தவரை தவிர (வேறு யாரும்) பாங்கு சொல்ல வேண்டாம்!'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: திர்மிதீ
இது `ளயீஃப்' எனும் பலவீனமான ஹதீஸ் என இமாம் திர்மிதீ(ரஹ்) கூறியுள்ளார்.

215. நான் (பாங்கு சொல்ல வேண்டும் என) விரும்பிக் கொண்டிருந்த நிலையில் பாங்கு சொல்லும் முறையைக் கனவில் கண்டேன். (நான் அதை நபியவர்களிடம் தெரிவித்தவுடன் அதனை பிலால்(ரலி) அவர்களுக்குக் கற்றுத் தர உத்தரவிட்டு என்னிடம்) ``நீ `இகாமத்' சொல்'' என்று நபி(ஸல்) கூறினார்கள் என அப்துல்லாஹ் இப்னு ஜைத் வாயிலாக அபூ தாவூதில் உள்ளது.
இது `ளயீஃப்' எனும் பலவீனமான தரத்தில் பதிவிடப்பட்டுள்ளது.

217. அலீ(ரலி) வாயிலாக மேற்கண்ட ஹதீஸ் பைஹகீயிலும் பதிவிடப்பட்டுள்ளது.

219. ``பாங்கை செவியுற்றுப் பின்பு, ``முழுமையான இந்த அழைப்பிற்குச் சொந்தக்காரனே! நிலையான தொழுகைக்கும் உரியவனே! முஹம்மத்(ஸல்) அவர்களுக்கு வஸீலா எனும் பதவியையும் சிறப்பையும் வழங்குவாயாக! நீ அவர்களுக்கு வாக்களித்த புகழுக்குரிய இடத்தில் எழுப்புவாயாக!'' என (பாங்கு துஆ கூறி) பிரர்த்திப்பவருக்கு என் பரிந்துரை (மறுமையில் உறுதியாக) ஆகுமானதாகிறது'' என்று இறைத்தூதர்(ஸல்) கூறினார். என ஜாபிர்(ரலி) அறிவித்தார்.
நூல்கள்: அபூ தாவூத், திர்மிதீ, நஸயீ மற்றும் இப்னுமாஜா.
தொழுகையின் நிபந்தனைகள்

221. ``பருவமடைந்த பெண்களின் தொழுகை (கழுத்து, தலை, மார்பு ஆகியவற்றை) மறைக்கும் முக்காட்டுத் துணி இன்றி ஏற்கப்படாது'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்கள்: திர்மிதீ, அபூ தாவூத், இப்னு மாஜா மற்றும் அஹ்மத்.
இமாம் இப்னு குஸைமா(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

223. ``உங்களில் ஒருவர், ஒரே துணியை மட்டும் அணிந்து தொழுதால், அவர் தன் தோளில் துணி இல்லாமல் தொழ வேண்டாம்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

225. (மிகவும்) இருட்டான ஓர் இரவில், நாங்கள் நபி(ஸல்) அவர்களுடன் இருந்தபோது எங்களுக்கு கிப்லா (திசையைக் கண்டறிவது) கடினமாகிவிட்டது. (ஒரு திசையை நோக்கி) நாங்கள் தொழுதுவிட்டோம். பின்னர் சூரியன் உதித்ததும், நாங்கள் கிப்லா அல்லாத திசை நோக்கி தொழுதுவிட்டோம் என்பது தெரிய வந்தது. அப்போது தான், ``நீங்கள் உங்கள் முகங்களை எங்கு திருப்பினும் அங்கு இறைவனின் முகத்தை அடைவீர்கள்'' (2:115) எனும் வசனம் அருளப்பட்டது என ஆமிர் இப்னு ரபீஆ(ரலி) அறிவித்தார்.
நூல்: திர்மிதீ
இமாம் திர்மிதீ இதனை பலவீனமான ஹதீஸ் எனக் குறிப்பிட்டுள்ளார்.

227. ``எத்திசையை நோக்கி (வாகனம்) சென்றதோ அத்திசையை நோக்கி, அதன் மீது அமர்ந்த வண்ணம் இறைத்தூதர்(ஸல்) தொழுவதை நான் பார்த்துள்ளேன்'' என ஆமிர் இப்னு ரபீஆ(ரலி) அறிவித்தார்.
நூல்கள்: புகாரீ, முஸ்லிம்
``இறைத்தூதர்(ஸல்) தம் தலையின் சமிக்ஞை மூலம் இவ்வாறு தொழுதார்கள். ஆனால், கடமையான தொழுகையை இவ்வாறு வாகனத்தில் அமர்ந்தவாறு தொழமாட்டார்கள்'' எனும் வாசகம் புகாரீயில் அதிகப்படியாக உள்ளது.