228. இறைத்தூதர்(ஸல்) பயணத்திலிருக்கும்போது நஃபில் தொழ நாடினால் தம்முடைய ஒட்டகத்தை கிப்லா திசையை நோக்கித் திருப்பி, தக்பீர் கூறுவார்கள். பின்னர் ஒட்டகம் எத்திசை நோக்கிச் செல்கிறாதோ, அதே திசையில் தொழுவார்கள் என அனஸ்(ரலி) அறிவித்தார்.
நூல்: அபூ தாவூத்
இது `ஹஸன்' எனும் தரத்தில் பதிவிடப்பட்டுள்ளது.
குறிப்பு: வாகனம் செல்லும் திசையை நோக்கி உபரித் தொழுகைகளைத் தொழலாம் என்பதையும், கடமையான தொழுகைகளை வாகனத்திலிருந்து இறங்கித்தான் தொழவேண்டும் என்பதையும் 227 மற்றும் 228 ஹதீஸ் கள் தெளிவுபடுத்துகின்றன. வாகனம் நம் கட்டுப்பாட்டில் இருக்கும்போது மட்டுமே இச்சட்டம் பொருந்தும். வாகனம் நம் கட்டுப்பாட்டில் இல்லாதபோது, அதாவது பேருந்து, இரயில், வானவூர்தி போன்ற நம் கட்டுப்பாட்டில் இல்லாத வாகனங்களில் பயணிக்கும்போது, தொழுகையின் நேரம் தவறிவிடும் என அஞ்சினால் வாகனம் எத்திசையை நோக்கிச் சென்றாலும் அத்திசையை நோக்கியே கடமையான தொழுகைகளையும் தொழுது கொள்ளலாம் என்பதை அறிக!

230. 1. குப்பைக் கிடங்கு 2. பிராணிகளை அறுக்கும் இடம் 3. அடக்கத்தலம் 4. பொதுவழி 5. குளியலறை 6. ஒட்டகம் கட்டுமிடம் 7. கஅபத்துல்லாஹ்வின் மேற்பகுதி ஆகிய ஏழு இடங்களில் தொழ வேண்டாம் என்று இறைத்தூதர்(ஸல்) தடை செய்துள்ளார்கள் என இப்னு உமர்(ரலி) அறிவித்தார்.
நூல்: திர்மிதீ
இமாம் திர்மிதீ(ரஹ்) இதனை பலவீனமானது எனக் குறிப்பிட்டுள்ளார்.

232. ``உங்களில் ஒருவர் காலணிகளுடன் இறைஇல்லத்திற்கு வந்து, அவற்றில் ஏதேனும் அசுத்தத்தைக் கண்டால், அதனைத் தூய்மைப்படுத்திக் கொண்டு அவற்றுடன் தொழட்டும்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்: அபூ தாவூத்
இமாம் இப்னு குஸைமா(ரஹ்) இதனை பலவீனமான ஹதீஸ் எனக் குறிப்பிட்டுள்ளார்.

234. ``தொழுகையில் தஸ்பீஹ் (சுப்ஹானல்லாஹ்) கூறுதல், அல்லாஹ் அக்பர் என்று கூறுதல், குர்ஆன் ஓதுதல் ஆகியவற்றைத் தவிர்த்து வேறு எதுவும்ம் மக்கள் பேசுவது சரியல்ல'' என்று இறைத்தூதர்(ஸல்) கூறினார்கள் என முஆவியா இப்னு ஹகம்(ரலி) அறிவித்தார்.
நூல்: முஸ்லிம்

236. ``(தொழுகையில் இமாமுக்கு மறதி ஏற்படும் போது) ஆண்கள், ``சுப்ஹானல்லாஹ்'' எனக் கூறவேண்டும், பெண்கள் கையைத் தட்ட வேண்டும்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
முஸ்லிமில் தொழுகையில் என்பது அதிகப்படியாக உள்ளது.

238. நபி(ஸல்) அவர்களிடம் நான் செல்வதற்கு எனக்கு (தினமும்) இரண்டு நேரங்கள் அனுமதிக்கப்பட்டிருந்தன. நான் அவர்களிடம் செல்லும்போது அவர்கள் தொழுது கொண்டிருந்தால் அஹ், அஹ் என்று செருமி சமிக்ஞை செய்வார்கள் என அலீ(ரலி) அறிவித்தார்.
நூல்கள்: நஸயீ, இப்னு மாஜா

240. ``உமாமா பின்த் ஜைனபை இறைத்தூதர்(ஸல்) தூக்கிக் கொண்டு தொழுவார்கள். ஸஜ்தாவிற்குப் போகும்போது இறக்கிவிடுவார்கள். பின்னர் நிற்கும்போது தூக்கிக் கொள்வார்கள்'' என அபூ கதாதா(ரலி) அறிவித்தார்.
நூல்கள்: புகாரீ, முஸ்லிம்
அப்போது, `இறைத்தூதர்(ஸல்) மக்களுக்கு இமாமாக நின்று தொழுகை நடத்திக் கொண்டிருந்தார்கள் எனும் வாசகம் முஸ்லிமில் உள்ளது.

242. ``தொழுது கொண்டிருப்பவரின், குறுக்கே செல்வதால் ஏற்படும் பாவத்தை ஒருவர் அறிந்து கொண்டால், அதைவிட நாற்பது(ஆண்டுகளு)க்கு நிற்பதே மேல் எனக் கருதுவார்'' என்று இறைத்தூதர்(ஸல்) கூறினார்கள் என அபூ ஜுஹைம்(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம் பெற்றுள்ளது.
பஸ்ஸாரின் மற்றோர் அறிவிப்பில் நாற்பது ஆண்டுகள் என உள்ளது.

244. ``உங்களில் ஒவ்வொருவரும் ஓர் அம்பையேனும் நட்டு வைத்து; தொழுகையில் ஒரு தடுப்பை (சுத்ராவை) ஏற்படுத்திக் கொள்ளுங்கள்'' என்று இறைத்தூதர்(ஸல்) கூறினார்கள் என ஸப்ரா இப்னு மஅபத்(ரலி) அறிவித்தார்.
நூல்: ஹாகிம்.

246. `நாய்' என்பதைத் தவிர்த்து இந்த ஹதீஸ் அபூ ஹுரைரா(ரலி) வாயிலாகவும் முஸ்லிமில் இடம் பெற்றுள்ளது.