302. நான் அபூ ஹுரைரா(ரலி) அவர்களுக்குப் பின்னால் தொழுதேன். அப்போது, அவர்கள் பிஸ்மில்லாஹிர் ரஹ்மானிர் ரஹீம் ஓதினார்கள். பின்னர், சூரத்துல் ஃபாத்திஹா ஓதினார்கள். `வலள்ளால்லீன்' எனும் வசனத்தை அடைந்ததும் `ஆமீன்' எனக் கூறினார்கள். அவர்கள் ஸஜ்தாச் செய்யும் போது, அமர்விலிருந்து எழும்போது `அல்லாஹு அக்பர்' எனக் கூறினார்கள். பின்னர், ஸலாம் கூறிவிட்டு, ``என் உயிரைத் தன் கையில் கொண்டவன் மீது ஆணையாக! உங்களில் நபி(ஸல்) அவர்களின் தொழுகைக்கு மிகவும் ஒப்பான முறையில் தொழுபவன் நானேயாவேன் என்று கூறினார்கள் என நுஅய்ம் அல் முஜ்மிர் அறிவித்தார்.
நூல்கள்: நஸயீ, இப்னு குஸைமா

304. இறைத்தூதர்(ஸல்) சூரத்துல் ஃபாத்திஹா ஓதி முடித்தவுடன் தம் சப்தத்தை உயர்த்தி `ஆமீன்' என்று கூறுவார்கள் என அபூ ஹுரைரா(ரலி) அறிவித்தார்.
இமாம் தாரகுத்னீ(ரஹ்) இதனை `ஹஸன்' எனக் குறிப்பிட்டுள்ளார். இமாம் ஹாகிம் ஆதாரப்பூர்வமானது எனக் குறிப்பிட்டுள்ளார்.

306. நபி(ஸல்) அவர்களிடம் ஒருவர் வந்து, ``நான் குர்ஆனிலிருந்து எதையும் எடுக்க (ஓத) முடியாத நிலையில் உள்ளேன். (எனவே) அதனை சரிக்கட்டும் வகையில் எனக்கு ஏதாவது கற்றுத் தருவீராக!'' எனக் கேட்டார்.
``சுப்ஹானல்லாஹ் - அல்லாஹ் தூயவன்'' என்றும், ``அல்ஹம்து லில்லாஹ் அல்லாஹ்வுக்கே எல்லாப் புகழும்'' என்றும், ``லா இலாஹ இல்லல்லாஹ் - அல்லாஹ்வைத் தவிர வேறு கடவுள் இல்லை'' என்றும் ``அல்லாஹு அக்பர் - அல்லாஹ் மிகப் பெரியவன்'' என்றும், லா ஹவ்ல வலா குவ்வத்த இல்லா பில்லாஹில் அலிய்யுல் அழீம் ``உயர்ந்தவனும் மகத்துவ மிக்கவன் அல்லாஹ்வைக் கொண்டே தவிர தீமையிலிருந்து தப்பும் சக்தியும், நன்மையடைவதற்கான ஆற்றலும் இல்லை'' என்றும் கூறிக்கொள்'' என்று நபி(ஸல்) கூறினார்கள் என அப்துல்லாஹ் இப்னு அபீ அவ்ஃபா(ரலி) அறிவித்தார்.
நூல்கள்: அஹ்மத், அபூ தாவூத் மற்றும் நஸயீ
இதனை இமாம் இப்னு ஹிப்பான், தாரகுத்னீ மற்றும் ஹாகிம்(ரஹ்) ஆதாரப்பூர்வமானது எனக் குறிப்பிடுகின்றனர்.

308. நாங்கள் லுஹா மற்றும் அஸ் ர் தொழுகைகளில் நபி(ஸல்) அவர்களின் தொழுகையை (நேரத்தை) கணித்திருக்கிறோம். அவர்கள் லுஹர் தொழுகையின் முந்திய இரண்டு ரக்அத்களில் `அலிஃப் லாம் மீம் தன்ஸீல்' ஸஜ்தா சூரா ஓதுமளவு நேரம் இருக்கும். பிந்திய இரண்டு ரக்அத்களில் அதில் பாதி (நேரம்) இருக்கும் என்பது எங்களின் கணிப்பாகும். பின்னர், அஸ் ர் தொழுகையின் முந்திய இரண்டு ரக்அத்கள், லஹர் தொழுகையின் பிந்திய ரக்அத்களின் (நேர) அளவும் அஸரின் பிந்திய இரண்டு ரக்அத்கள் அஸரின் முந்திய இரண்டு ரக்அத்களின் பாதி (நேர) அளவும் இருக்கும் என அபூ ஸயீத் அல் குத்ரீ(ரலி) அறிவித்தார்.
நூல்: முஸ்லிம்

310. இறைத்தூதர்(ஸல்) மக்ரிப் தொழுகையில் `சூரத்துத் தூர்' ஓத நான் செவியுற்றுள்ளேன் என ஜுபைர் இப்னு முத்யிம்(ரலி) அறிவித்தார்.
நூல்கள்: புகாரீ, முஸ்லிம்

312. இப்னு மஸ்வூத் வாயிலாக தப்ரானீயில் இடம் பெறுள்ள ஹதீஸில், ``இறைத்தூதர்(ஸல்) தொடர்ந்து அவ்வாறே செய்து வந்தார்கள்'' என உள்ளது.

314. ``அறிந்து கொள்ளுங்கள்! நான் ருகூஃ மற்றும் ஸுஜூதுகளில் குர்ஆன் ஓத வேண்டாம் எனத் தடுக்கப்பட்டுள்ளேன். நீங்கள் ருகூஃவில் இறைவனைப் பெருமைப்படுத்துங்கள்! இன்னும் ஸஜ்தாவில், மன்றாடி துஆ கேளுங்கள். அது (இறைவனால்) ஏற்றுக் கொள்ளத் தக்கதாய் இருக்கும்'' என்று இறைத்தூதர்(ஸல்) கூறினார்கள் என இப்னு அப்பாஸ்(ரலி) அறிவித்தார்.
நூல்: முஸ்லிம்

316. தொழுகைக்காக இறைத்தூதர்(ஸல்) நிற்கும்போது, `அல்லாஹு அக்பர்' எனக் கூறுபவர்களாய் இருந்தார்கள். பின்னர் ருகூஃ செய்யும்போது `அல்லாஹு அக்பர்' எனக் கூறுவார்கள். பின்னர், தம் முதுகை ருகூஃவிலிருந்து உயர்த்தும்போது, `ஸமிஅல்லாஹு லிமன் ஹமிதா' எனக் கூறுவார்கள். பின்னர், அவர்கள் நின்ற நிலையில், `ரப்பனாவ லகல் ஹம்து' எனக் கூறுவார்கள். பின்னர், ஸஜ்தாச் செய்யும்போது `அல்லாஹு அக்பர்' எனக் கூறுவார்கள், பின்னர், (ஸஜ்தாவிலிருந்து) தன் தலையை உயர்த்தும்போது `அல்லாஹு அக்பர்' எனக் கூறுவார்கள், பின்னர், தொழுகை முழுவதும் இவ்வாறே செய்வார்கள். மேலும், இரண்டு ரக்அத்களுக்குப் பின்னர் (தஷஹ்ஹுதில்) அமர்ந்து எழும் போதும், `அல்லாஹு அக்பர்' என்று கூறுவார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

318. ``ஏழு எலும்புகளின் மீது ஸஜ்தா செய்யுமாறு நான் கட்டளையிடப்பட்டுள்ளேன்'' என்று இறைத்தூதர்(ஸல்) கூறிவிட்டு, நெற்றியின் மீது தம் மூக்கு, தம் கைகள், தம் முட்டிக் கால்கள், தம் கால்கள் (கால் விரல்கள்) ஆகியவற்றை தம் கையால் சுட்டிக் காண்பித்தார்கள் என இப்னு அப்பாஸ்(ரலி) அறிவித்தார்.
நூல்கள்: புகாரீ, முஸ்லிம்

320. ``நீ ஸஜ்தாச் செய்தால் உன் உள்ளங்கைகளைத் தரையில் வைத்து முழங்கைகளை (தரையில்படாமல்) உயர்த்திக் கொள்!'' என்று இறைத்தூதர்(ஸல்) கூறினார்கள் என பரா இப்னு ஆஸிப்(ரலி) அறிவித்தார்.
நூல்: முஸ்லிம்