379. ஃபஜ்ரின் (சுன்னத்) இரண்டு ரக்அத்துகள், உலகம் மற்றும் அதிலுள்ள அனைத்தையும் விடச் சிறந்தவையாகும்' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்துள்ளனர்.
நூல்: முஸ்லிம்

381. திர்மிதீயில் 380 வது ஹதீஸ் போன்றே உள்ளது. மேலும், (அந்த பனிரெண்டு ரக்அத்துகள் எவையெவை என்பதன் விள்ளமாக) லுஹருக்கு முன்பு (இரண்டிரண்டாக) நான்கு ரக்அத்துகள். அதற்குப் பின்பு இரண்டு ரக்அத்துகள். இன்னும், மக்ரிபிற்குப் பின்பு இரண்டு ரக்அத்துகள், இன்னும் இஷாவிற்குப் பின்பு இரண்டு ரக்அத்துகள், இன்னும், ஃபஜ்ர் தொழுகைக்கு முன்பு இரண்டு ரக்அத்துக்கள் என்ற செய்தி அதிகமாக உள்ளது.

383. அஸரு (தொழுகை)க்கு முன்பு நான்கு ரக்அத்துக்கள் தொழுபவருக்கு அல்லாஹ் அருள் செய்யட்டும் என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: அஹ்மத், அபூ தாவூத் மற்றும் திர்மிதீ
இது திர்மிதீயில் `ஹஸன்' எனும் தரத்திலும் இப்னு குஸைமாவில் `ஸஹீஹ்' எனும் தரத்திலும் பதிவிடப்பட்டுள்ளது.

385. இப்னு ஹிப்பானின் மற்றோர் அறிவிப்பில் மக்ரிபிற்கு முன்பு இறைத்தூதர்(ஸல்) இரண்டு ரக்அத்துக்கள் தொழுதார்கள் என உள்ளது.

387. ``சூரத்துல் ஃபாத்திஹா ஓதினார்களா (ஓதவில்லையா)?'' என நான் எண்ணும் அளவிற்கு, இறைத்தூதர்(ஸல்) சுப்ஹு தொழுகையின் முன் (சுன்னத்) இரண்டு ரக்அத்துக்களையும் மிகச் சுருக்கமாகத் தொழுவார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

389. இறைத்தூதர்(ஸல்) ஃபஜ்ரின் (சுன்னத்) இரண்டு ரக்அத்துக்கள் தொழுதுவிட்டால், வலப்பக்கமாகச் சாய்ந்து படுப்பார்கள் என ஆயிஷா(ரலி) அறிவித்தார்.
நூல்: புகாரீ

391. ``இரவுத் தொழுகை, இரண்டிரண்டு ரக்அத்களாகும். காலையாகிவிடும் என அஞ்சுவர் ஒரு ரக்அத் (வித்ரு) தொழுது கொள்ளட்டும். அது அவர் (முன்பு) தொழுத தொழுகையை ஒற்றையாக்கிவிடும்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்

393. ``கடமையான தொழுகைகளுக்குப் பிறகு சிறந்த தொழுகை இரவுத் தொழுகையாகும்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்

395. வித்ருத் தொழுகை கடமையாக்கப்பட்ட (ஃபர்ளு) தொழுகை போன்றதல்ல. ஆனால், நபி(ஸல்) அவர்களால் நிறுவப்பட்ட சுன்னத் ஆகும் என்று அலீ அப்னு அபீதாலிப்(ரலி) அறிவித்தார்.
நூல்: திர்மிதீ, நஸயீ மற்றும் ஹாகிம்
இமாம் திர்மிதீ(ரஹ்) இதனை `ஹஸன்' எனக் குறிப்பிட்டுள்ளார். இமாம் நஸயீ மற்றும் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளனர்

397. ``அல்லாஹ் உங்களுக்கு ஒரு தொழுகையை (உங்களின் மற்ற தொழுகைகளுக்கு) வலு சேர்க்கும் விதத்தில் கொடுத்துள்ளான். அது உங்களுக்குச் சிவப்பு ஒட்டகங்களைவிட ச் சிறந்ததாகும்'' என இறைத்தூதர்(ஸல்) கூறினார்கள்.
``இறைத்தூதர் அவர்களே! அது எந்தத் தொழுகை?'' என நாங்கள் வினவினோம்.
``இஷாவிற்கு, ஃபஜ்ரு நேரம் வருவதற்கும் இடையிலுள்ள வித்ருத் தொழுகை'' என்று இறைத்தூதர்(ஸல்) கூறினார்கள் என காரிஜா இப்னு ஹுதாஃபா(ரலி) அறிவித்தார்.
நூல்கள்: அஹ்மத், அபூ தாவூத், திர்மிதீ மற்றும் இப்னு மாஜா.
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.