498. 497வது ஹதீஸிற்கு சான்றாக பராவு(ரலி) வாயிலாக இப்னு குஸைமாவில் ஒர் அறிவிப்பு உள்ளது.

500. நாங்கள் நபி(ஸல்) அவர்களுடன் தாத்துர் ரிகாஃ போரின்போது ஸலாத்துல் கவ்ஃப் (அச்சத் தொழுகை) தொழுதோம். அப்போது, நபித்தோழர்களின் ஒரு கூட்டம் ஸஃப்ஃபை சரி செய்தது. மற்றொரு கூட்டம் எதிரிகளுடன் போரிட்டுக் கொண்டிருந்தது. இறைத்தூதர்(ஸல்) அந்தக் கூட்டத்திற்கு ஒரு ரக்அத் தொழுகை நடத்தினார்கள். பின்னர், அவர்கள் நின்றே இருந்தார்கள். பின்னர், அந்தக் கூட்டம் எழுந்து நின்று அவர்களாக மீதித் தொழுகையை நிறைவேற்றினார்கள். பின்னர், அவர்கள் எதிரிகள் முன்பு அணியாக நின்றார்கள். பின்னர், (எதிரிகளை முன்னோக்கி நின்றிருந்த) இரண்டாவது அணி தொழுகைக்கு வந்தது. அவர்களுக்கு இறைத்தூதர்(ஸல்) முன்புள்ளவர்களுக்குத் தொழுகை நடத்தியது போன்றே) ஒரு ரக்அத் தொழ வைத்தார்கள். பின்னர், அமர்ந்து கொண்டார்கள். அவர்களும் தங்களின் தொழுகையைப் முழுமையாக்கினார்கள். பின்னர், இறைத்தூதர்(ஸல்) ஸலாம் கொடுத்தார்கள் என ஸாலிஹ் இப்னு ஃகவ்வாத்(ரலி) நபி(ஸல்) அவர்களுடன் தொழுத தோழர் ஒருவரிடமிருந்து அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது. ஸாலிஹ் இப்னு ஃகவ்வாத்(ரலி) தம் தந்தையின் வாயிலாக இதனை அறிவித்தார் என இப்னு மன்தஹ் தம்முடைய `கிதாபுல் மஅரிஃபா' எனும் நூலில் பதிவிட்டுள்ளார்.

502. இறைத்தூதர்(ஸல்) அவர்களுடன் அச்சத் தொழுகையில் நான் பங்கேற்றேன். அப்போது நாங்கள் இரண்டு அணிகளை அமைத்தோம். ஒன்று இறைத்தூதர்(ஸல்) அவர்களுக்குப் பின்னால் நின்றது. அப்போது எதிரிகள் கிப்லாவிற்கும் எங்களுக்கும் இடையில் இருந்தனர். இறைத்தூதர்(ஸல்), `அல்லாஹு அக்பர்' எனத் தக்பீர் கூறினார்கள்; நாங்களும் தக்பீர் கூறினோம். பின்னர், இறைத்தூதர்(ஸல்) ருகூஃ செய்தார்கள். நாங்களும் ருகூஃ செய்தோம். பின்னர், அவர்கள் தம் தலையை உயர்த்தினார்கள். நாங்களும் தலையை உயர்த்தினோம். பின்னர், அவர்களும் அவர்களை அடுத்திருந்த அணியினரும் ஸஜ்தா செய்தார்கள். மற்றோர் அணியினர் எதிரிகளின் நெஞ்சிற்கு முன் நின்றிருந்தனர். ஸஜ்தா முடிந்தவுடன் இறைத்தூதர்(ஸல்) அவர்களுடனிருந்த அணியினர் எழுந்தனர் என ஜாபிர்(ரலி) அறிவித்தார். (ஹதீஸ் சுருக்கம்)
மற்றோர் அறிவிப்பின் படி, பின்னர் இறைத்தூதர்(ஸல்) ஸஜ்தாச் செய்தார்கள். முதல் அணியினரும் ஸஜ்தாச் செய்தனர். அந்த முதல் எழுந்த உடன் இரண்டாவது அணியினர் ஸஜ்hச் செய்தனர். பின்ன, முதல் அணியினர் (தொழுகைக்காக) பின் தங்கினர். இரண்டாவது அணி போருக்காக முன்னால் சென்றனர்.
அறிவிப்பாளர் இவ்வாறே அறிவித்தார். இறுதியில் இறைத்தூதர்(ஸல்) ஸலாம் சொடுத்தார்கள் நாங்களும் ஸலாம் கொடுத்தோம்.
நூல்: முஸ்லிம்

504. இறைத்தூதர்(ஸல்) தம் தோழர்களில் ஒரு அணியினருக்கு இரண்டு ரக்அத்துக்கள் தொழவைத்து ஸலாம் கொடுத்தார்கள். பின்னர், இரண்டாவது அணியினருக்கும் இரண்டு ரக்அத்துகள் தொழவைத்து ஸலாம் கொடுத்தார்கள் என ஜாபிர்(ரலி) வாயிலாக நஸயீயில் பதிவிடப்பட்டுள்ளது.

506. இறைத்தூதர்(ஸல்) அச்ச நேரத் தொழுகையை ஓர் அணியினருக்கு ஒரு ரக் அத் தொழ வைத்தார்கள். மற்றோர் அணியினருக்கும் ஒரு ரக்அத் தொழ வைத்தார்கள். அவர்கள் தங்களின் தொழுகையை (அதற்கு) மேல் முழுமைப்படுத்தவில்லை என ஹுதைஃபா(ரலி) அறிவித்தார்.
நூல்கள்: அஹ்மத், அபூ தாவூத் மற்றும் நஸயீ
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

508. ``அச்சநிலைத் தொழுகை எத்திசை நோக்கியாவது ஒரு ரக்அத் தொழுவதாகும்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்: பஸ் ஸார்
இதன் அறிவிப்பாளர் தொடர் பலவீனமானது என இமாம் பஸ் ஸார்(ரஹ்) குறிப்பிட்டுளளார்.

510. ``மக்கள் நோன்பை துறந்து அதை நிறைவுசெய்யும் நாளே ஈதுல் ஃபித்ரின் நாளாகும். மக்கள் குர்பானி கொடுக்கும் நாளே குர்பானிப் பெருநாளாகும்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்: திர்மிதீ

512. இறைத்தூதர்(ஸல்) நோன்புப் பெருநாளில் பேரீச்சம் பழங்கள் சிலவற்றை சாப்பிடாமல் (பெருநாள் தொழுகைக்குக்) காலையில் செல்ல மாட்டார்கள் என அனஸ்(ரலி) அறிவித்தார்.
நூல்: புகாரீ
மற்றோர் அறிவிப்பின்படி இது முஅல்லக் எனும் தரத்தில் பதிவிடப்பட்டுள்ளது. இன்னும் அவர்கள் உண்ணும் (பேரீச்சம்பழம்) ஒற்றைப்படையாய் இருக்கும் என அஹ்மதில் உள்ளது.

514. பருவமடைந்த மற்றும் மாதவிலக்கான (அனைத்துப்) பெண்களையும் பெருநாள் தொழுகைக்கு வெளியே அனுப்புமாறு இறைத்தூதர்(ஸல்) எங்களுக்குக் கட்டளையிட்டார்கள். நற்பணிகளில் மற்றும் முஸ்லிம்களின் அழைப்புப் பணியில் அவர்கள் பங்கு பெறுவதற்காக. ஆனால், மாத விலக்கான பெண்கள், தொழும் இடத்திலிருந்து ஒதுங்கி இருக்க வேண்டும். என உம்மு அதிய்யா(ரலி) அறிவித்தார்.
நூல்கள்: புகாரீ, முஸ்லிம்
குறிப்பு: பெருநாள் தொழுகை இறைஇல்லங்களில் நடத்தப்பட்டால் மாதவிடாய்ப் பெண்களையும், பிரசவத் தீட்டுள்ள பெண்களையும் அழைத்து வரவேண்டியதில்லை. அப்படி வந்துவிட்டாலும் அவர்கள் இறைஇல்லத்திற்கு வெளியில் அமரவேண்டும்.

516. இறைத்தூதர்(ஸல்) பெருநாளன்று இரண்டு ரக்அத்துகள் தொழுதார்கள். அதற்கு முன்போ அல்லது அதற்குப் பின்போ (எதுவும்) தொழவில்லை என இப்னு அப்பாஸ்(ரலி) அறிவித்தார்.
நூல்கள்: புகாரீ, முஸ்லிம், அபூ தாவூத், இப்னுமாஜா, நஸயீ, திர்மிதீ மற்றும் முஸ்னத் அஹ்மத்