538. அப்துல்லாஹ் இப்னு ஸைத்(ரலி) வாயிலாக புகாரீயின் ஓர் அறிவிப்பில், மேலாடையை மாற்றிப் போட்ட சம்பவம் உள்ளது, ``இறைத்தூதர்(ஸல்) கிப்லாவை முன்னோக்கி துஆச் செய்தார்கள். பின்னர், இரண்டு ரக்அத்துக்கள் சத்தமிட்டு ஓதித் தொழ வைத்தார்கள்'' என உள்ளது.

540. வெள்ளிக்கிழமையன்று (மிம்பரில்) இறைத்தூதர்(ஸல்) நின்று உரையாறிக் கொண்டிருந்தபோது, இறைஇல்லத்திலினுள் ஒருவர் நுழைந்து, ``இறைத்தூதர் அவர்களே! சொத்துக்கள் நாசமடைந்துவிட்டன; வழிகள் அடைக்கப்பட்டுவிட்டன. தாங்கள் துஆச் செய்யுங்கள்! அல்லாஹ் எங்கள் மீது மழையை இறக்கட்டும்!'' எனக் கூறினார்.
அப்போது, இறைத்தூதர்(ஸல்) தம் இரண்டு கைகளையும் உயர்த்தினார்கள். பின்னர், ``அல்லாஹ்வே! எங்கள் மீது மழையைப் பொழிவாயாக! இரட்சகனே! எங்கள் மீது மழை பொழிவாயாக!' என்று கூறினார்கள்'' என அனஸ்(ரலி) அறிவித்தார். (ஹதீஸின் சுருக்கம்)
இதில் மழையை நிறுத்தும்படிப் பிரார்த்தித்ததும் உள்ளது என அறிவிப்பாளர் கூறியுள்ளார்.
நூல்கள்: புகாரீ, முஸ்லிம்
குறிப்பு: நபிமொழியை முழுமையாக அறிந்திட காண்க: புகாரீ ஹதீஸ் எண் 1014

542. மழைபொழிந்தபோது நாங்கள் நபி(ஸல்) அவர்களுடன் இருந்தோம். அப்போது அவர்கள் தம்முடைய (மேல்) ஆடையைக் களைந்தார்கள். அவர்களின் உடலில் நீர் பட்டது. மேலும், ``இது அல்லாஹ்வின் புதிய அன்பாளிப்பாகும்'' என்று கூறினார்கள் என அனஸ்(ரலி) அறிவித்தார்கள்.
நூல்: முஸ்லிம்

544. இறைத்தூதர்(ஸல்) மழைக்காகப் பிரார்த்தனை செய்யும்போது, ``இரட்சகனே! எங்களுக்காக அடர்த்தியான, இடி இடிக்கக் கூடிய, விரைந்து வரக் கூடிய, சிரித்தவாறு (ரஹ்மத்தாக) வரக் கூடியதைக் கொண்டு வருவாயாக! (கல் மழை பொழியாமல்) சின்னஞ்சிறு துளிகளாக, நீர் அதிகம் வரக் கூடிய, பலன் தரக்கூடிய மழையைப் பொழியச் செய்வாயாக! நீயே கண்ணியமிக்கவன், கொடையாளன்'' என்று கூறினார்கள் என ஸஅத்(ரலி) அறிவித்தார்.
இதனை இமாம் அபூ அவானா தம்முடைய ஸஹீஹில் பதிவிடப்பட்டுள்ளார்.

546. இறைத்தூதர்(ஸல்) மழைக்காக துஆச் செய்தபோது வானத்தை நோக்கித் தம் புறங்கைகளை உயர்த்தினார்கள் என அனஸ்(ரலி) அறிவித்தார்.
நூல்: முஸ்லிம்

548. நாங்கள் தங்கம் மற்றும் வெள்ளிப் பாத்திரங்களில் உண்ணக் கூடாது என்றும், பருகக் கூடாது என்றும், பட்டாடைகள் அணியக் கூடாது என்றும், அதன் மீது நாங்கள் உட்கார வேண்டாம் என்றும் இறைத்தூதர்(ஸல்) எங்களுக்குத் தடை விதித்தார்கள் என ஹுதைபா(ரலி) அறிவித்தார்.
நூல்: புகாரீ

550. ஒரு பயணத்தில் அப்துர் ரஹ்மான் இப்னு அவ்ஃப் மற்றும் ஸுபைர்(ரலி) ஆகிய இருவருக்கும் ஒரு வகை அரிப்புநோய் இருந்த காரணத்தால் பட்டுச்சட்டை அணிவதற்கு இறைத்தூதர்(ஸல்) சலுகையளித்தார்கள் என அனஸ்(ரலி) அறிவித்தார்.
நூல்கள்: புகாரீ, முஸ்லிம்

552. ``தங்கமும், பட்டும் என் சமுதாயத்தின் பெண்களுக்கு அனுமதிக்கப்பட்டுள்ளன. ஆண்களுக்கு விலக்கப்பட்டுள்ளன'' என்று இறைத்தூதர்(ஸல்) கூறினார்கள் என அபூ மூஸா(ரலி) அறிவித்தார்.
நூல்கள்: அஹ்மத், நஸயீ மற்றும் திர்மிதீ
இமாம் திர்மிதீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

554. (எகிப்து மற்றும் சிரியா ஆகிய நாடுகளில் தயாரிக்கப்பட்ட ஒருவகை) பட்டு மற்றும் காவி நிற ஆடையை (அணிவதை) இறைத்தூதர்(ஸல்) தடை செய்தார்கள் என அலீ(ரலி) அறிவித்தார்.
நூல்: முஸ்லிம்

556. (சட்டையிலுள்ள) பை மற்றும் காலரில் பட்டுத் துணியால் இரண்டு ஒட்டுப் போடப்பட்டிருந்த, நபி(ஸல்) அவர்களின் ஜிப்பா ஒன்றை அஸ்மா பின்த்து அபீ பக்ர்(ரலி) எடுத்தார்.
நூல்: அபூ தாவூத்
இதன் மூலம் முஸ்லிமில் உள்ளது.
அது ஆயிஷா(ரலி) அவர்களிடமிருந்தது. அவர் இறந்தபின் நாங்கள் அதைப் பெற்றுக் கொண்டோம். அதனை இறைத்தூதர்(ஸல்) அணிவார்கள். அதனை நாங்கள் நோய் நிவாரணம் தேடுவதற்காகத் தண்ணீரில் அலசுவோம் என்றும் அஸ்மா பின்த்து அபீ பக்ர்(ரலி) வாயிலாகவே முஸ்லிமில் உள்ளது.
``அவர்கள் அதனை வெள்ளிக் கிழமையன்றும், தூதுக் குழுவினர் யாரேனும் வரும் போதும் அணிந்து கொள்வார்கள்'' என இமாம் புகாரீ(ரஹ்) தம்முடைய அல் அதபுல் முஃப்ரத் நூலில் பதிவிட்டுள்ளார்.