577. புரைதா(ரலி), காமிதீ குலத்தைச் சேர்ந்த ஒரு பெண்ணின் சம்பவம் பற்றிக் குறிப்பிடுகையில், இறைத்தூதர்(ஸல்) அவளின் விபச்சாரக் குற்றத்திற்காக அவளைக் கல்லேறிந்து கொள்ளுமாறு கட்டளையிட்டார்கள். பின்னர், கட்டளையிட்டார்கள். அவளுக்குத் தொழுகை நடத்தப்பட்டது. அவள் அடக்கம் செய்யப்பட்டாள் என்று குறிப்பிட்டார்.
நூல்: முஸ்லிம்

579. இறைஇல்லத்தைக் கூட்டி (பெருக்கி)க் கொண்டிருந்த ஒரு பெண்ணின் சம்பவம் பற்றிக் குறிப்பிடுகையில், இறைத்தூதர்(ஸல்) (நபித்தோழர்களிடம்) அப்பெண்ணைக் குறித்து விசாரித்தார்கள்.
``அவர் இறந்து விட்டார்'' என அவர்கள் கூறினார்கள்.
``நீங்கள் ஏன் எனக்கு செய்தி சொல்லவில்லை?'' என இறைத்தூதர்(ஸல்) வினவினார்கள்.
அந்த விஷயத்தைப் பற்றி அவர்கள் பெரிதாகக் கருதவில்லை. பின்னர் ``அவளின் மண்ணறையை எனக்குக் காண்பியுங்கள்'' எனக் இறைத்தூதர்(ஸல்) கூறினார்கள். அதனை அவர்கள் இறைத்தூதர்(ஸல்) அவர்களுக்குக் காட்டினார்கள். அவளுக்காக இறைத்தூதர்(ஸல்) தொழுதார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
பிறகு, ``இந்த மண்ணறைகள் அதில் இருப்பவர்களுக்கு இருள் நிரம்பியதாக உள்ளன. நிச்சயமாக (ஜனாஸா பாவமன்னிப்புத்) தொழுகையின் காரணமாக இவற்றில் வெளிச்சத்தை அவர்களுக்கு அல்லாஹ் உண்டாக்குகிறான்'' என்று இறைத்தூதர்(ஸல்) கூறினார்கள் என்பதும் முஸ்லிமில் அதிகப்படியாக உள்ளது.

581. நஜாஷி மன்னரின் மரணச் செய்தி அவரின் மரண தினத்தன்றே இறைத்தூதர்(ஸல்) அவர்களுக்குச் சொல்லப்பட்டது. (அப்போது) இறைத்தூதர்(ஸல்) தங்கள் தோழர்களுடன் ஜனாஸா தொழுதும் இடம் சென்று அணிவகுப்பைச் சரி செய்தார்கள். இன்னும், அவருக்காக நான்கு தக்பீர்கள் கூறினார்கள் (தொழுகை நடத்தினார்கள்) என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

583. நிஃபாஸ் (குழந்தை பிறந்த உதிரப்போக்குள்ள) நாள்களில் இறந்த ஒரு பெண்ணுக்காக இறைத்தூதர்(ஸல்) தொழுகை நடத்தியபோது, நான் அவர்களுக்குப் பின்னால் நின்று தொழுதேன். அவர்கள் அதன் (மையத்தின்) நடுவில் நின்றிருந்தார்கள் என்று ஸமுரா பின் ஜுன்துப்(ரலி) அறிவித்தார்.
நூல்கள்: புகாரீ, முஸ்லிம்

585. ஸைத் இப்னு அர்கம்(ரலி) ஜனாஸாத் தொழுகை நடத்தியபோது நான்கு தக்பீர்கள் கூறினர்கள். ஒரு ஜனாஸாவில் ஐந்து தக்பீர் கூறிவிட்டார்கள். (இது பற்றி) நான் அவர்களிடம் வினவியபோது இறைத்தூதர்(ஸல்) இவ்வாறு தக்பீர் கூறியுள்ளார்கள் என பதிலளித்தார்கள் என அப்துர் ரஹ்மான் இப்னு அபீ லைலா(ரலி) அறிவித்தார்.
நூல்கள்: முஸ்லிம், அபூ தாவூத், நஸயீ, திர்மிதீ மற்றும் இப்னு மாஜா.

587. இறைத்தூதர்(ஸல்) ஜனாஸாக்களுக்கு தொழுகை நடத்தும்போது நான்கு தக்பீர் கூறுவார்கள். மேலும், முதல் தக்பீரில் சூரத்துல் ஃபாத்திஹா ஓதுவார்கள் என ஜாபிர்(ரலி) அறிவித்தார்.
இதனை `ளயீஃப்' எனும் பலவீனமான அறிவிப்புத் தொடருடன் இமாம் ஷாஃபியீ(ரஹி) பதிவிட்டுள்ளார்.

589. ``இரட்சகனே! இவரை மன்னித்தருள்வாயாக! மேலும், இவர் மீது கருணை புரிவாயாக! மேலும், இவரின் பிழையைப் பொறுத்து, சுகம் அளிப்பாயாக! இவர் செல்லும் இடத்தை சங்கைக்குரியதாய் ஆக்குவாயாக! மேலும், இவர் புகும் இடத்தை (கப்ரை) விசாலமாக்குவாயாக! தண்ணீராலும், பனிக்கட்டியாலும், ஆலங்கட்டியாலும் (இவரின் பாவங்களைக்) கழுவித் தூய்மைப்படுத்துவாயாக! அழுக்கிலிருந்து வெள்ளை ஆடையை சுத்தப்படுத்துவது போன்று பிழைகளிலிருந்து இவரை சுத்தப்படுத்துவாயாக! மேலும்! இங்குள்ள வீட்டைவிட சிறந்த வீட்டை இவருக்கு ஏற்படுத்துவாயாக! மேலும், இங்குள்ள குடும்பத்தைவிட (மனைவியைவிட) சிறந்த குடும்பத்தை ஏற்படுத்துவாயாக! மேலும், இவரை சுவர்க்கத்தில் புகுத்துவாயாக! மேலும், இவரை மண்ணறையின் சோதனையிலிருந்தும் மற்றும் நரக நெருப்பின் வேதனையிலிருந்தம் காத்தருள்வாயாக!'' என்று இறைத்தூதர்(ஸல்) ஜனாஸாத் தொழுகையின்போது ஓதுவார்கள். நான் அதனை மனனம் செய்து கொண்டேன்'' என அவ்ஃப் இப்ன மாலிக்(ரலி) அறிவித்தார்.
நூல்: முஸ்லிம்

591. ``நீங்கள் ஜனாஸாத் தொழுகை தொழுதால் அதற்காகத் தூய எண்ணத்தோடு (இறைவனிடம்) பிராத்தியுங்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: அபூ தாவூத்
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

593. ``ஒரு ஜனாஸாவில் கலந்து கொண்டு, அதற்கு தொழுகை நடத்தும் வரை இருப்பவருக்கு ஒரு கீராத் நன்மை உண்டு; இன்னும் அது அடக்கம் செய்யப்படும் வரை இருப்பவருக்கு இரண்டு கீராத் நன்மை உண்டு என இறைத்தூதர்(ஸல்) கூறினார்கள்.
``இரண்டு கீராத்துக்கள்' என்றால் என்ன?'' என வினவப்பட்டது.
``இரண்டு பெரும் மலையை போன்ற அளவு (நன்மைகள்)'' என்று இறைத்தூதர்(ஸல்) பதிலுரைத்தார்கள் என அபூ ஹுரைரா(ரலி) அறிவித்தார்கள்.
நூல்கள்: புகாரீ, முஸ்லிம்
அது அடக்கம் செய்யப்படும் வரை என்பதற்கு பதிலாக ``அது கப்ரில் வைக்கப்படும் வரை'' எனும் வாசகம் முஸ்லிமில் உள்ளது.

595. ஜனாஸாவைப் பின்தொடர்ந்து செல்வது எங்களுக்குத் தடை செய்யப்பட்டது. ஆயினும், எங்களுக்கு அது கடுமையாக தடைசெய்யப்படவில்லை என உம்மு அதிய்யா(ரலி) அறிவித்தார்.
நூல்கள்: புகாரீ, முஸ்லிம்