591. ``நீங்கள் ஜனாஸாத் தொழுகை தொழுதால் அதற்காகத் தூய எண்ணத்தோடு (இறைவனிடம்) பிராத்தியுங்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: அபூ தாவூத்
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

593. ``ஒரு ஜனாஸாவில் கலந்து கொண்டு, அதற்கு தொழுகை நடத்தும் வரை இருப்பவருக்கு ஒரு கீராத் நன்மை உண்டு; இன்னும் அது அடக்கம் செய்யப்படும் வரை இருப்பவருக்கு இரண்டு கீராத் நன்மை உண்டு என இறைத்தூதர்(ஸல்) கூறினார்கள்.
``இரண்டு கீராத்துக்கள்' என்றால் என்ன?'' என வினவப்பட்டது.
``இரண்டு பெரும் மலையை போன்ற அளவு (நன்மைகள்)'' என்று இறைத்தூதர்(ஸல்) பதிலுரைத்தார்கள் என அபூ ஹுரைரா(ரலி) அறிவித்தார்கள்.
நூல்கள்: புகாரீ, முஸ்லிம்
அது அடக்கம் செய்யப்படும் வரை என்பதற்கு பதிலாக ``அது கப்ரில் வைக்கப்படும் வரை'' எனும் வாசகம் முஸ்லிமில் உள்ளது.

595. ஜனாஸாவைப் பின்தொடர்ந்து செல்வது எங்களுக்குத் தடை செய்யப்பட்டது. ஆயினும், எங்களுக்கு அது கடுமையாக தடைசெய்யப்படவில்லை என உம்மு அதிய்யா(ரலி) அறிவித்தார்.
நூல்கள்: புகாரீ, முஸ்லிம்

597. ``நீங்கள் ஜனாஸாவை (கொண்டு வருவதை) பார்த்தால் எழுந்து நில்லுங்கள். அதைப் பின்தொடர்பவர் அது கீழே வைக்கப்படும் வரை அமர வேண்டாம்`` என்று இறைத்தூதர்(ஸல்) கூறினார்கள் என அபூ ஸயீத்(ரலி) அறிவித்தார்.
நூல்கள்: புகாரீ, முஸ்லிம்

599. ``நீங்கள் உங்களில் இறந்தவர்க மய்யித்துக்களை மண்ணறைகளில் வைக்கும்போது பிஸ்மில்லாஹி வஅலா மில்லத்தி ரஸுலில்லாஹி (அல்லாஹ்வின் பெயராலும், இறைத்தூதரின் வழிமுறைப்படியும் இந்த மய்யித்தை அடக்கம் செய்கிறேன்) எனக் கூறுங்கள்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: அஹ்மத், அபூ தாவூத் மற்றும் நஸயீ
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.
இமாம் தாரகுத்னீ(ரஹ்) இதனை `மவ்கூஃப்' மற்றும் மஃலூல் எனக் குறிப்பிட்டுள்ளார்.

601. உம்மு ஸலமா(ரலி) வாயிலாக, ``(மய்யித்தின் உலும்புகளை உடைத்தல்) பாவங்களில் உள்ளதாகும்'' எனும் வாக்கியம் இப்னு மாஜாவில் அதிகப்படியாக உள்ளது.

603. ஜாபிர்(ரலி) வாயிலாக மேற்கண்ட ஹதீஸ் போன்றே பைஹகீயில் உள்ளது. இன்னும் அதில் அவரின் மண்ணறை தரையிலிருந்து ஒரு சான் அதாவது ஒன்பது அங்குலம் உயர்த்தப்பட்டிருந்தது'' என உள்ளது.
இமாம் இப்னுஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

605. இறைத்தூதர்(ஸல்) உஸ்மான் இப்னு மழ்வூனுக்குத் தொழுகை நடத்தினார்கள். இன்னும், (அவரின்) மண்ணறைக்கும் வந்தார்கள். பின்னர், நின்றநிலையில் மூன்று கைப்பிடி மண் எடுத்து அதில் போட்டார்கள் என ஆமிர் இப்னு ரபீஆ(ரலி) அறிவித்தார்.
நூல்: தாரகுத்னீ
குறிப்பு: இது பலவீனமான ஹதீஸாகும். இதன் அறிவிப்பாளர்களில் காசிம் அல் உமரிய்யீ, ஆஸிம் இப்னு உபைதில்லாஹ் இருவரும் பலவீனமானவர்கள்.

607. கப்ரில் மய்யித்தை வைத்துவிட்டு அதைச் சமப்படுத்தி செல்வதற்கு முன்பு ``இன்னாரே! `லாயிலாஹ இல்லல்லாஹ்' என்று மும்முறை கூறுவீராக! மேலும், என் மார்க்கம் இஸ் லாம்; என் தூதர் முஹம்மத்(ஸல்) என்று கூறுவீராக எனக் கூறுவதை முஸ்தஹப் (விரும்பத் தக்கது) என நாங்கள் கருதிக் கொண்டிருந்ததோம் என ளம்ரா இப்னு ஹபீப்(ரலி) கூறினார் என தாபியீன்களில் ஒருவர் அறிவித்தார்.
இதனை இமாம் சயீத் இப்னு மன்ஸூர் `மவ்கூஃப்' எனும் தரத்தில் பதிவிட்டுள்ளார்.
குறிப்பு: இது பலவீனமான ஹதீஸ் ஆகும்.

609. ``கப்ரு ஸியாரத்தை (மண்ணறைச் சந்திப்பை) விட்டு உங்களை நான் தடுத்திருந்தேன். இப்போது நீங்கள் ஸியாரத் செய்யுங்கள் (மண்ணறை சென்று வாருங்கள்)'' என்று இறைத்தூதர்(ஸல்) கூறினார்கள் என புரைதா இப்னு அல் ஹுஸைப் அல் அஸ்லமி(ரலி) அறிவித்தார்.
நூல்: முஸ்லிம்
``(மேற்கண்ட ஹதீஸுடன்) நிச்சயமாக அது மறுமையை நினைவு கூரக்கூடியதாய் உள்ளது'' என்பதை இமாம் திர்மிதீ(ரஹ்) அதிகப்படியாக பதிவிட்டுள்ளார்.