62. உங்களில் நிறைவாக `உளூ'ச் செய்தப் பின்னர், ``நிச்சயமாக அல்லாஹ்வைத் தவிர வேறு கடவுள் இல்லை. அவன் தனித்தவன். அவனுக்கு இணைதுணை இல்லை என நான் சாட்சி அளிக்கிறேன். இன்னும் முஹம்மத்(ஸல்) அவனுடைய அடியார் மற்றும் தூதர் என்றும் நான் சாட்சி அளிக்கிறேன்'' எனக் கூறுபவருக்கு சுவர்க்கத்தின் எட்டு வாயில்கள் திறக்கப்படுகின்றன. அவற்றில் விரும்பிய வாயிலில் அவர் நுழைந்து கொள்ளலாம் என்று இறைத்தூதர்(ஸல்) கூறினார்கள் என உமர்(ரலி) அறிவித்தார்.
நூல்: முஸ்லிம், திர்மிதீ
``யா அல்லாஹ்! பாவமன்னிப்பு (தவ்பா) கோருபவர்களின் , குழுவிலும், தூயவர்களின் குழுவிலும் என்னைச் சேர்ப்பாயாக!'' எனும் வாசகம் திர்மிதீயில் அதிகப்படுத்தப்பட்டுள்ளது.
காலுறைகளில் மஸஹ் செய்வது விளக்கம்

64. ``இறைத்தூதர்(ஸல்) காலுறையின் மேலும், கீழும் மஸஹ் செய்தார்கள்'' எனும் வாசகம் முகீரா இப்னு ஷுஅபா(ரலி) அவர்களின் வாயிலாகவே அபூ தாவூத் திர்மிதீ மற்றும் இப்னு மாஜா ஆகிய மூன்றிலும் பதிவிடப்பட்டுள்ளது.
இதன் அறிப்பாளர் தொடர் பலவீனமானது

66. பயணத்தில், குளிப்பு கடமையானவர்களைத் தவிர்த்து, மூன்று பகல் மற்றும் மூன்று இரவுகளுக்கு மலஜலம் கழித்தல் மற்றும் தூங்குதல் போன்றவற்றிற்காக எங்கள் காலுறைகளை கழற்ற வேண்டாம் என இறைத்தூதர்(ஸல்) எங்களுக்குக் கட்டளையிட்டார்கள் என ஸஃப்வான் இப்னு அஸ்ஸால் (ரலி) அறிவித்தார்.
நூல்கள்: நஸயீ, திர்மிதீ மற்றும் இப்னு குஸைமா.
இங்கு திர்மிதீயின் வாசகம் இடம் பெற்றுள்ளது. இமாம் திர்மிதீ மற்றும் இப்னு குஸைமா(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

68. ஒரு சிறு படையை இறைத்தூதர்(ஸல்) அனுப்பியபோது, தலைப்பாகைகளிலும், காலுறைகளிலும் மஸஹ் செய்து கொள்ளுமாறு அவர்களுக்கு (நபி(ஸல்) கட்டளையிட்டார்கள் என ஸல்பான்(ரலி) அறிவித்தார்.
நூல்: அபூ தாவூத்
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

70. ``மூன்று பகல் மற்றும் மூன்று இரவுகள் பயணிகளுக்கும், ஒரு பகல் ஓர் இரவு பயணி அல்லாதோருக்கும் காலுறைகளில் மஸஹ் செய்வதற்கு இறைத்தூதர்(ஸல்) அனுமதி அளித்தார்கள். அவர்கள் அவற்றைத் தூய்மையான நிலையில் (`உளூ'வுடன்) அணிந்திருந்தால்தான் இச்சலுகை என அபூ பக்ரா(ரலி) அறிவித்தார்.
நூல்: தாரகுத்னீ
இமாம் இப்னு குஸைமா(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

72. இறைத்தூதர்(ஸல்) அவர்களின் காலத்தில் அவர்களின் தோழர்கள் இஷாத் தொழுகைக்காகக் காத்திருப்பார்கள். அப்போது (தூக்க மிகுதியால்) அவர்களின் தலைகள் (மேலும் கீழுமாக) ஆடிக் கொண்டிருக்கும். அவர்கள் (மீண்டும்) `உளூ'ச் செய்யாமல் அப்படியே தொழுவார்கள் என அனஸ்(ரலி) அறிவித்தார்.
நூல்கள்: அபூ தாவூத்
இமாம் தார குத்னீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார். இதன் மூலம் முஸ்லிமில் உள்ளது.
குறிப்பு: படுத்தோ அல்லது எதன் மீதேனும் சாய்ந்தோ அல்லது கையைத் தரையில் ஊன்றியோ தூங்கினால் மட்டுமே `உளூ' முறிந்துவிடும். தலை நன்கு சாய்ந்த நிலையில் உணர்வுடன் தூங்கினால் `உளூ' முறியாது.

74. பிறகு, நீ ஒவ்வொரு தொழுகைக்கும் `உளூ'ச் செய்து கொள்!'' என்று கூறினார்கள் எனவும் புகாரீயில் உள்ளது.
இதனை ஹம்மாத் என்ற அறிவிப்பாளர் வேண்டு என்றே அறிவிக்காமல் விட்டுவிட்டார் என இமாம் முஸ்லிம்(ரஹ்) சுட்டிக் காட்டுகிறார்.

76. இறைத்தூதர்(ஸல்) தம் மனைவியரில் ஒருவரை முத்தமிட்டு, பிறகு தொழுகைக்குப் புறப்பட்டார்கள். அவர்கள் (அதற்காக மறுபடியும்) `உளூ'ச் செய்யவில்லை'' என ஆயிஷா(ரலி) அறிவித்தார்.
நூல்: அஹ்மத்
இதனை இமாம் புகாரீ(ரஹ்) `ளயீஃப்' - பலவீனமானது எனக் குறிப்பிட்டுள்ளார்கள்.
குறிப்பு: பெண்ணைத் தொடுவதாலோ முத்தமிடுவதாலோ `உளூ' முறிந்துவிடாது. ஆனால், தொடும்போது இச்சை ஏற்படுமானால் `உளூ' முறிந்துவிடும்.

78. ``நான் என் மர்ம உறுப்பைத் தொட்டு விட்டேன்'' என்றோ அல்லது, ``தொழுகையில் ஒருவர் தன் மர்ம உறுப்பைத் தொட்டுவிட்டால் அவர் `உளூ'ச் செய்ய வேண்டுமா?'' என்றோ ஒருவர் நபி(ஸல்) அவர்களிடம் கேட்டார்.
``தேவை இல்லை; நிச்சயமாக அது உன் (உடலின்) ஒரு சதைத் துண்டுதான்'' என்று இறைத்தூதர்(ஸல்) கூறினார்கள் என தல்க் இப்னு அலீ(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மீதி மற்றும் இப்னு மாஜா.
இமாம் இப்னு ஹிப்பான்(ரஹ்) இதனை ஆதாரப்பூர்வமான `ஸஹீஹ்' எனக் குறிபிட்டுள்ளார். பின்வவரும புஸ் ரா(ரலி) அவர்களின் ஹதீஸைவிட இது மேலானது என இப்னு அல் மதீனீ குறிப்பிட்டுள்ளார்.

80. ``நெய்யில் எலி விழுந்துவிட்டால், அது உறைந்ததாக இருந்தால் அதையும் அதைச் சுற்றி உள்ளதையும் (எடுத்து) எறிந்துவிடுங்கள். (மீதத்தைப் பயன்படுத்திக் கொள்ளுங்கள்) அது உறையாததாக இருப்பின் அதனை நெருங்காதீர்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அஹ்மத், அபூ தாவூத்
இது மைமூனா(ரலி) அவர்களின் அறிவிப்பு என்பதில் இமாம் புகாரீ(ரஹ்) உறுதியாக உள்ளார். இது மைமூனா(ரலி) அவர்களி கூற்றா அல்லது அபூ ஹுரைரா(ரலி) அவர்களின் கூற்றா என இமாம் அபூ ஹாதிம்(ரஹ்) இதனைச் சந்தேகிக்கிறார்.