651. இறைத்தூதர்(ஸல்) பெருநாள் தர்மத்தைக்க கடமையாக்கி, ``நோன்பாளிகளின் வீண் மற்றும் ஆபாசப் பேச்சுகளைத் தூய்மைப்படுத்தும் முகமாகவும், ஏழைகளின் உணவாகவும் (பெருநாள் தர்மம்) உள்ளது. அதைப் பெருநாள் தொழுகைக்கு முன்பே செலுத்தியவரிடமிருந்து, அது ஏற்றுக் கொள்ளப்பட்ட தர்மமாகும். அதைத் தொழுகைக்கு முன்பே செலுத்தியவரிடமிருந்து, அது ஏற்கப்பட்ட தர்மமாகும். அதைத் தொழுகைக்குப் பின்பு செலுத்துபவருககு, அது தர்மங்களில் ஒரு தர்மமாகும்'' என்று கூறினார்கள் என இப்னு அப்பாஸ்(ரலி) அறிவித்தார்.
நூல்கள்: அபூ தாவூத், இப்னு மாஜா
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

653. ``(மறுமையில்) மக்கள் மத்தியில் தீர்ப்பளிக்கப்படும் வரை ஒவ்வொரு மனிதனும், தன் தர்மத்தின் நிழலில் இருப்பான்'' என்று இறைத்தூதர்(ஸல்) கூற நான் செவியுற்றுள்ளேன் என உக்பா இப்னு ஆமிர்(ரலி) அறிவித்தார்.
நூல்கள்: இப்னு ஹிப்பான், ஹாகிம்

655. மேலே இருக்கும் கை (கொடுக்கும்) கீழே இருக்கும் (வாங்கும்) கையைவிடச் சிறந்தது. மேலும், நீ தர்மத்தை உன் சொந்தபந்தங்களிலிருந்து தொடங்கு தேவைக்குப் போக (மீதம்) உள்ளதை தர்மம் செய்வதே சிறந்ததாகும். (பிறரிடம் தர்மம் கேட்காமல்) தன் சுயமரியாதையைப் பாதுகாக்க முயல்பவரின் சுயமரியாமையை அல்லாஹ் பாதுகாக்கிறான். (கிடைத்ததை வைத்துப்) போதும் என்ற எண்ணத்துடன் (தர்மத்தை ஏற்காமலேயே) இருப்பவருக்கு, அல்லாஹ்வும் அவருக்குப் போதும் என்ற எண்ணத்தை அளிக்கிறான்'' என்று இறைத்தூதர்(ஸல்) கூறினார்கள் என ஹக்கிம் இப்னு ஹிஜாம்(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம் பெற்றுள்ளது.

657. ``தர்மம் செய்யுங்கள்!'' என (ஒரு நாள்) இறைத்தூதர்(ஸல்) கூறினார்கள்.
``இறைத்தூதர் அவர்களே! என்னிடம் ஒரு தீனார் உள்ளது?'' என அப்போது ஒருவர் கூறினார்.
``நீ அதனை உன் செலவுக்கு வைத்துக் கொள்! என இறைத்தூதர்(ஸல்) கூறினார்கள்.
பின்னர், ``என்னிடம் மேலும் ஒன்று உள்ளது'' என அவர் கூறினார்.
``நீ உன் பிள்ளைகளுக்கு செலவிடு!'' என இறைத்தூதர்(ஸல்) கூறினார்கள்.
பின்னர், ``என்னிடம் மேலும் ஒன்று உள்ளது'' எனக் கூறினார்.
``நீ உன் மனைவிக்கு செலவிடு!'' என இறைத்தூதர்(ஸல்) கூறினார்கள்.
நீ அதனை என் ஊழியர்களுக்குச் செலவிடு'' என இறைத்தூதர்(ஸல்) கூறினார்கள்.
பின்னர், ``என்னிடம் மேலும் ஒன்று உள்ளது'' எனக் கூறினார்.
``அது குறித்து நீயே தீர்மானித்துக் கொள்!'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அபூ தாவூத், நஸயீ
இமாம் இப்னு ஹிப்பான் மற்றும் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

659. இப்னு மஸ்வூத்(ரலி) அவர்களின் மனைவி ஜைனப்(ரலி) இறைத்தூதர்(ஸல்) அவர்களிடம் வந்து, ``இறைத்தூதர் அவர்களே! தர்மம் செய்யுமாறு இன்று தாங்கள் கட்டளையிட்டீர்கள். என்னிடம் சில நகைகள் உள்ளன. அவற்றை தர்மம் செய்வதைவிட நான் விரும்பினேன். ஆனால், இப்னு மஸ்வூத்(ரலி) அவர்களோ (அவற்றை அளிக்க நான் விரும்புவோரை விட) அவருக்கும் அவரின் பிள்ளைகளுக்கும் அதற்கு உரிமையுண்டு எனக் கூறினார்.'' (நான் என்ன செய்வது) என வினவினார்.
``மஸ்வூத் உண்மையே கூறினார். நீ செலவிட விரும்புவோரைவிட, உன் கணவர் மற்றும் உன் (அவரின்) பிள்ளைகளே அதிகம் உரிமை பெற்றவர்கள்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்: புகாரீ

661. ``தன் செல்வத்தைப் பெருக்கிக் கொள்ளும் நோக்கத்துடன் மக்களின் பொருட்களை யாசித்துக் கொண்டே இருப்பவன் நெருப்புக் கங்கையே கேட்கிறான். இனி விரும்பியவர் கூட்டியோ, குறைத்தோ வாங்கிகொள்ளட்டும்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்

663. ``அதிகாரம் உள்ளவரிடம் (பொறுப்பாளர், ஆட்சியாளர்கள்) அல்லது தவிர்க்க முடியாத விஷயத்திற்காகவும் தவிர யாசிப்பவனின் யாசகம், அவன் தன் முகத்தில் தானே ஏற்படுத்திக் கொள்ளும் வடுவாகும்'' என்று இறைத்தூதர்(ஸல்) கூறினார்கள் என சமுரா இப்னு ஜுன்துப்(ரலி) அறிவித்தார்.
நூல்: திர்மிதீ
இமாம் திர்மிதீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

665. ``நாங்கள் இருவரும் `ஜகாத்'திலிருந்து (உதவி) பெறுவதற்காக இறைத்தூதர்(ஸல்) அவர்களிடம் சென்றோம். அப்போது, இறைத்தூதர்(ஸல்) எங்களின் பக்கம் பார்வையைத் திருப்பினார்கள்; எங்களை வளமானவர்களாகக் கண்ட அவர்கள், ``நீங்கள் விரும்பினால், நான் உங்களுக்குத் தருகிறேன். ஆனால், இது செல்வந்தர் மற்றும் சம்பாதிக்கும் திறன் உள்ளவர்களுக்கு உரியதன்று'' என்று கூறினார்கள் என இரு நபர்களும் தம்மிடம் கூறினார்கள் என உபைதுல்லாஹ் இப்னு அதீ இப்னு அல் கியார்(ரலி) அறிவித்தார்.
நூல்கள்: அஹ்மத்
இமாம் அபூ தாவூத் மற்றும் இமாம் நஸயீ(ரஹ்) இதனை பலமான ஹதீஸ் எனக் குறிப்பிட்டுள்ளனர்.

667. ``முஹம்மதின் குடும்பத்தாருக்கு `ஜகாத்' தேவையற்றது. ஏனெனில், அது மக்களின் அழுக்கே தவிர வேறில்லை'' (மற்றோர் அறிவிப்பின்படி) ``முஹம்மதுக்கும், முஹம்மதின் குடும்பத்தாருக்கு `ஜகாத்' ஹலால் (அனுமதிக்கப்பட்டது) அல்ல'' என்றும் உள்ளது என அப்துல் முத்தலிப் இப்னு ரபீஆ இப்னு அல்ஹாரிஸ்(ரலி) அறிவித்தார்.
நூல்: முஸ்லிம்
குறிப்பு: இங்கு மக்களின் அழுக்கு எனக் கூறப்பட்டதன் நோக்கம், ஜகாத் மற்றும் தர்மப் பொருள் அசுத்தமானது என்பதல்ல; மாறாக இறைத்தூதர்(ஸல்) அவர்களின் குடும்பத்தாரில் யாரும் அதனை வாங்கக் கூடாது என்பற்காக ஆகும். அவ்வாறு வாங்குவதற்கு அன்று நபி(ஸல்) அனுமதித்திருந்தால், இன்று `ஜகாத்' மற்றும் தர்மப் பொருள்கள் ஏழைகளுக்குப் போய்ச் சேராமல் நபியவர்களின் வாரிசுகளுக்கு மட்டும் போய்ச் சேர்வதற்கான வாய்ப்பு உள்ளது. இதை நபி(ஸல்) தமக்கும் தம் வாரிசுகளுக்கும் தடுத்துக் கொண்டது இதன் காரணமாகவும் இருக்கலாம். அல்லாஹ் மிக அறிந்தவன்.

669. தர்மப் பொருட்களை வசூலிப்பதற்காக பனூ மக்ஸூம் கூட்டத்திலிருந்து ஒருவரை இறைத்தூதர்(ஸல்) நியமித்தார்கள் ``நீயும் என்னுடன் சேர்ந்து கொள்! அதனால் நீ (பலன்) பெறுவாய்!'' என அவர் அபூ ராஃபிவுவிடம் கூறினார்.
``இது குறித்து நபி(ஸல்) அவர்களிடம் நான் கேட்டுக் கொள்கிறேன்'' என அவர் கூறினார். இறைத்தூதர்(ஸல்) அவர்களிடம் வந்து (இது குறித்து) அவர் வினவினார்.
``அடிமையாய் இருந்து விடுதலை செய்யப்பட்டவர் விடுதலை செய்த கூட்டத்தைச் சேர்ந்தவராவார். நிச்சயமாக நமக்கு `ஜகாத்' ஹலால் (அனுமதிக்கப்பட்டது) அல்ல என்று இறைத்தூதர்(ஸல்) கூறினார்கள் என அபூ ராஃபிவு(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ இப்னு மாஜா மற்றும் இப்னு ஹிப்பான்