691. ``ரமளான் மாதத்தில் மறதியாக நோன்பை முறித்தவர் மீது களாவும் (திரும்ப நோன்பு நோற்பது) இல்லை; பரிகாரமும் இல்லை'' என ஹாகிமில் உள்ளது. இது `ஸஹீஹ்' எனும் தரத்திலும் உள்ளது.

693. மக்கா வெற்றி கொண்ட ஆண்டில் ரமளான் மாதத்தில் மக்காவை நோக்கி இறைத்தூதர்(ஸல்) புறப்பட்டார்கள். அப்போது `குரா உல் கமீம்' எனும் இடத்தை அடையும் வரை நோன்பு நோற்றார்கள். மக்களும் நோன்பு நோற்றார்கள். பின்னர், இறைத்தூதர்(ஸல்) ஒரு செம்பில் தண்ணீர் கொண்டு வரச்செய்து அதனை உயர்த்தினார்கள். மக்கள் அனைவரும் அதனைப் பார்த்தனர். இறைத்தூதர்(ஸல்) அதனைக் குடித்தார்கள். அதற்குப் பின்னரும் சிலர் நோன்பு நோற்றவர்களாகவே உள்ளனர் என்ற செய்தி அவர்களிடம் சொல்லப்பட்டது. அதற்கு ``அவர்கள் பாவிகள்! அவர்கள் பாவிகள்!'' என இறைத்தூதர்(ஸல்) கூறினார்கள் என ஜாபிர் இப்னு அப்தில்லாஹ்(ரலி) அறிவித்தார்.
நூல்: முஸ்லிம்

695. ``இறைத்தூதர் அவர்களே! நான் பயணத்திலும் நோன்பு நோற்கும் ஆற்றல் பெற்றவனாய் இருக்கிறேன். அதனால் என் மீது குற்றமாகுமா?'' என நான் வினவினான்.
``இது அல்லாஹ்விடமிருந்து வந்துள்ள சலுகையாகும். அதனை எடுத்துக் கொண்டவர் சிறப்படைந்தார். இன்னும், நோன்பு நோற்க விரும்பியவர் மீது குற்றமில்லை'' என்று இறைத்தூதர்(ஸல்) கூறினார்கள் என ஹம்ஸா இப்னு அம்ர் அல் அஸ்லமீ(ரலி) அறிவித்தார்.
நூல்: முஸ்லிம்
ஹம்ஸா இப்னு அம்ர்(ரலி) இவ்வாறு) வினவினார் என்றும் ஆயிஷா(ரலி) இவ்வாறு பதிலளித்தார் என்றும் புகாரீ மற்றும் முஸ்லிமில் உள்ளது.

697. இறைத்தூதர்(ஸல்) அவர்களிடம் ஒருவர் வந்து, ``இறைத்தூதர் அவர்களே! நான் அழிந்துவிட்டேன்'' எனக் கூறினார்.
``எது உன்னை அழித்தது?'' என இறைத்தூதர்(ஸல்) வினவினார்கள்.
``ரமளானில் (நோன்பு நோற்ற நிலையில்) என் மனைவியுடன் பாலுறவு கொண்டுவிட்டேன்'' என அவர் கூறினார்.
``உன்னால் ஒர் அடிமையை விடுதலை செய்ய இயலுமா?'' என இறைத்தூதர்(ஸல்) வினவினார்கள்.
``இயலாது'' என அவர் கூறினார்.
``அப்படியானால், உன்னால் அறுபது ஏழைகளுக்கு உணவளிக்க இயலுமா?'' என இறைத்தூதர்(ஸல்) வினவினார்கள்.
``இயலாதே'' என அவர் கூறினார்.
பின்னர், (அங்கேயே) அவர் அமர்ந்து கொண்டார். அப்போது, இறைத்தூதர்(ஸல்) அவர்களிடம் ஒரு தட்டு கொடுக்கப்பட்டது. அதில் பேரீச்சம் பழங்கள் இருந்தன. (அதை அவரிடம் வழங்கி) ``இதனை தர்மம் செய்வீராக!'' என இறைத்தூதர்(ஸல்) கூறினார்கள்.
``எங்களைவிட ஏழைகளுக்கா? இந்த மதீனாவிற்குள் எங்களைவிட ஏழைகள் யாரும் இல்லையே?'' எனக் கூறினார்.
அதனைச் செவியுற்ற இறைத்தூதர்(ஸல்) தம் கடைவாய்ப் பற்கள் தெரியுமளவிற்குச் சிரித்தார்கள். பின்னர், ``நீர் சென்று உம் குடும்பத்தாருக்கு இதனை வழங்குவீராக!'' என்று கூறினார்கள் என அபூ ஹுரைரா(ரலி) அறிவித்தார்.
நூல்கள்: அஹ்மத், புகாரீ, முஸ்லிம், அபூ தாவூத், நஸயீ, திர்மிதி மற்றும் இப்னு மாஜா.
இங்கு முஸ்லிமின் வாசம் இடம் பெற்றுள்ளது.

699. ``தன் மீது நோன்பு கடமையான நிலையில் இறந்தவரின் நோன்பை அவரின் பொறுப்பாளர் நோற்கட்டும்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்கள்.
நூல்கள்: புகாரீ, முஸ்லிம்

701. ``ரமளான் மாதத்தின் நோன்பை நோற்றவர், ``பின்னர், அதைத் தொடர்ந்து ஷவ்வால் மாதத்தின் ஆறு நோன்பை நோற்றால், அந்த ஆண்டு முழுவதும் அவர் நோன்பு நோற்றவர் போல் ஆவார்'' என்று இறைத்தூதர்(ஸல்) கூறினார்கள் என அபூ அய்யூப் அல் அன்ஸாரி(ரலி) அறிவித்தார்.
நூல்: முஸ்லிம்

703. இறைத்தூதர்(ஸல்) நோன்பு நோற்காமல் இருக்க மாட்டார்கள் என நாங்கள் கூறும் அளவிற்கு அவர்கள் நோன்பு நோற்றுக் கொண்டே இருப்பார்கள். இன்னும் அவர்கள் நோன்பு நோற்க மாட்டார்கள் என நாங்கள் கூறும் அளவிற்கு நோன்பு நோற்காமலும் இருப்பார்கள். ரமளான் மாதம் தவிர்த்து மற்ற மாதங்களில் முழுமையாக நோன்பு நோற்றவராக இறைத்தூதர்(ஸல்) அவர்களை நான் பார்க்கவில்லை. இன்னும், அவர்கள் ஷஅபான் மாதத்தில் நோன்பு நோற்ற அளவு மற்ற மாதத்தில் நோன்பு நோற்று நான் பார்த்ததில்லை என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

705. ``கணவன் (உள்ளூரில் அவளுடன்) இருக்கும் நிலையில், அவனுடைய அனுமதி இல்லாமல் ஒரு பெண் (உபரி) நோன்பு நோற்பது ஆகுமானதல்ல'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம் பெற்றுள்ளது. ``ரமளானைத் தவிர'' எனும் வாசகம் அபூ தாவூதில் அதிகப்படியாக உள்ளது.

707. ``அய்யாமுத் தஷ்ரீக் (ஹஜ் பெருநாளுக்குப் பின்புள்ள மூன்று நாள்கள்) உண்பதற்கும், பருகுவதற்கும், அல்லாஹ்வை நினைவு கூர்வதற்கும் உள்ள நாள்களாகும்'' என்று இறைத்தூதர்(ஸல்) கூறினார்கள் என நுபைஷா அல் ஹுதலிய்யீ (ரலி) அறிவித்தார்.
நூல்: முஸ்லிம்

709. ``வெள்ளிக்கிழமை இரவன்று நின்று வணங்குவதற்கு ஏனைய இரவுகளைவிட முக்கியத்துவம் அளிக்க வேண்டாம். வழக்கமாக (தொடர்ந்து) நோன்பு நோற்பவரைத் தவிர, வேறு யாரும் மற்ற நாள்களைவிட வெள்ளிக்கிழமை நோன்பு நோற்பதற்கு முக்கியத்துவம் அளிக்க வேண்டாம்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்