700. அரஃபா நாள் நோன்பு குறித்து இறைத்தூதர்(ஸல்) அவர்களிடம் கேட்டதற்கு, ``அது கடந்த ஆண்டு மற்றும் வரக்கூடிய ஆண்டின் பாவத்தை மன்னித்துவிடும்'' எனக் கூறினார்கள்.
இன்னும், ஆஷூராதின நோன்பு குறித்து கேட்கப்பட்டதற்கு, ``கடந்த ஆண்டின் பாவங்களை மன்னித்துவிடும்'' என்று கூறினார்கள்.
இன்னும் அவர்களிடம் திங்கள் கிழமை நோன்பு குறித்துக் கேட்கப்பட்டதற்கு, ``அந்நாளில்தான் நான் பிறந்தேன். அதில் நான் (நபியாக) அனுப்பப்பட்டேன். அதில்தான் என் மீது (குர்ஆன்) இறக்கப்பட்டது'' என்று கூறினார்கள் என அபூ கத்தாதா(ரலி) அறிவித்தார்.
நூல்: முஸ்லிம்
குறிப்பு: அரஃபா நாள், ஹாஜிகள் அரஃபா மைதானத்தில் ஒன்றுகூடும் துல் ஹஜ் மாதத்தின் ஒன்பதாம் நாளாகும்.
ஆஷூரா என்பது முஹர்ரம் மாதத்தின் பத்தாம் நாளாகும்.

702. ``அல்லாஹ்வின் பாதையில் ஒருநாள் நோன்பு நோற்றவரின் முகத்தை நரக நெருப்பை விட்டு எழுபது ஆண்டு கால அளவுக்கு தூரமாக்காமல் அல்லாஹ் விடுவதில்லை'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

704. மாதத்தின் 13, 14, 15 ஆகிய மூன்று நாள்கள் நோன்பு நோற்குமாறு இறைத்தூதர்(ஸல்) எங்களுக்குக் கட்டளையிட்டார்கள் என அபூ தர்(ரலி) அறிவித்தார்.
நூல்கள்: நஸயீ, திர்மிதீ
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

706. ``யவ்முல் ஃபித்ர் (நோன்புப் பெருநாள்) இன்னும் யவ்முன் னஹ்ர் (ஹஜ்ஜுப் பெருநாள்) ஆகிய இரண்டு நாள்களில் நோன்பு நோற்பதை இறைத்தூதர்(ஸல்) தடை செய்துள்ளார்கள் என அபூ ஸயீத் அல் குத்ரீ(ரலி) அறிவித்தார்.
நூல்கள்: புகாரீ, முஸ்லிம்

708. பலிப்பிராணி கிடைக்காதவரைத் தவிர்த்து மற்றவர்கள் அய்யாமுத் தஷ்ரீக் நாள்களில் நோன்பு நோற்க அனுமதி இல்லை என இப்னு உமர்(ரலி) மற்றும் ஆயிஷா(ரலி) அறிவித்தார்கள்.
நூல்: புகாரீ

710. ``உங்களில் யாரும் வெள்ளிக்கிழமை (மட்டும்) நோன்பு நோற்காதீர்கள். அதற்கு முன்பு ஒரு நாள் அல்லது அதற்குப் பின்பு ஒரு நாள் நோன்பு நோற்றால் தவிர'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

712. கடமையாக்கப்பட்ட நோன்பைத் தவிர்த்து உங்களில் யாரும் சனிக்கிழமை (மட்டும்) நோன்பு நோற்காதீர்கள்! உங்களில் ஒருவருக்கு (அன்று எதுவும் கிடைக்கப் பெறாமல்) திராட்சைத் தோலையோ அல்லது ஏதேனும் மரக்குச்சியையோ பெற்றுக் கொண்டால், அதை(யாவது) மென்று கொள்ளுங்கள்!'' என்று இறைத்தூதர்(ஸல்) கூறினார்கள் என ஸம்மா பின்த்து புஸ்ர்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இமாம் மாலிக்(ரஹ்) இதனை `முன்கர்' மறுக்கத் தக்கது எனக் குறிப்பிட்டுள்ளார். இமாம் அபூ தாவூத்(ரஹ்) இதனை மன்ஸூஃக் (இச்சட்டம் மாற்றப்பட்டுவிட்டது) எனக் குறிப்பிட்டுள்ளார்.

714. அரஃபா நாளன்று அரஃபா மைதானத்தில் (ஹாஜிகள்) நோன்பு நோற்பதை இறைத்தூதர்(ஸல்) தடுத்துள்ளார்கள் என அபூ ஹுரைரா(ரலி) அறிவித்தார்.
நூல்கள்: அஹ்மத், அபூ தாவூத், நஸயீ மற்றும் இப்னு மாஜா.
இமாம் இப்னு குஸைமா(ரஹ்) மற்றும் இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளனர்.
உகைலீ இதனை முன்கர் எனக் கூறியுள்ளார்.

716. அபூ கதாதா(ரலி) வாயிலாக, ``அவர் நோன்பு நோற்கவுமில்லை. நோன்பு நோற்காமல் இருக்கவுமில்லை'' எனும் வாசகம் முஸ்லிமில் உள்ளது.

718. இறைத்தூதர்(ஸல்) ரமளானுடைய இறுதிப் பத்து நாள்களை) அடைந்தால், வரிந்து கட்டிக்கொண்டு இரவு முழுவதும் விழித்திருந்து வணக்க வழிபாடுகளில் ஈடுபடுவார்கள். தம் குடும்பத்தாரையும் எழுப்பிவிடுவார்கள்'' என ஆயிஷா(ரலி) அறிவித்தார்.
நூல்: புகாரீ, முஸ்லிம்