708. பலிப்பிராணி கிடைக்காதவரைத் தவிர்த்து மற்றவர்கள் அய்யாமுத் தஷ்ரீக் நாள்களில் நோன்பு நோற்க அனுமதி இல்லை என இப்னு உமர்(ரலி) மற்றும் ஆயிஷா(ரலி) அறிவித்தார்கள்.
நூல்: புகாரீ

710. ``உங்களில் யாரும் வெள்ளிக்கிழமை (மட்டும்) நோன்பு நோற்காதீர்கள். அதற்கு முன்பு ஒரு நாள் அல்லது அதற்குப் பின்பு ஒரு நாள் நோன்பு நோற்றால் தவிர'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

712. கடமையாக்கப்பட்ட நோன்பைத் தவிர்த்து உங்களில் யாரும் சனிக்கிழமை (மட்டும்) நோன்பு நோற்காதீர்கள்! உங்களில் ஒருவருக்கு (அன்று எதுவும் கிடைக்கப் பெறாமல்) திராட்சைத் தோலையோ அல்லது ஏதேனும் மரக்குச்சியையோ பெற்றுக் கொண்டால், அதை(யாவது) மென்று கொள்ளுங்கள்!'' என்று இறைத்தூதர்(ஸல்) கூறினார்கள் என ஸம்மா பின்த்து புஸ்ர்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இமாம் மாலிக்(ரஹ்) இதனை `முன்கர்' மறுக்கத் தக்கது எனக் குறிப்பிட்டுள்ளார். இமாம் அபூ தாவூத்(ரஹ்) இதனை மன்ஸூஃக் (இச்சட்டம் மாற்றப்பட்டுவிட்டது) எனக் குறிப்பிட்டுள்ளார்.

714. அரஃபா நாளன்று அரஃபா மைதானத்தில் (ஹாஜிகள்) நோன்பு நோற்பதை இறைத்தூதர்(ஸல்) தடுத்துள்ளார்கள் என அபூ ஹுரைரா(ரலி) அறிவித்தார்.
நூல்கள்: அஹ்மத், அபூ தாவூத், நஸயீ மற்றும் இப்னு மாஜா.
இமாம் இப்னு குஸைமா(ரஹ்) மற்றும் இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளனர்.
உகைலீ இதனை முன்கர் எனக் கூறியுள்ளார்.

716. அபூ கதாதா(ரலி) வாயிலாக, ``அவர் நோன்பு நோற்கவுமில்லை. நோன்பு நோற்காமல் இருக்கவுமில்லை'' எனும் வாசகம் முஸ்லிமில் உள்ளது.

718. இறைத்தூதர்(ஸல்) ரமளானுடைய இறுதிப் பத்து நாள்களை) அடைந்தால், வரிந்து கட்டிக்கொண்டு இரவு முழுவதும் விழித்திருந்து வணக்க வழிபாடுகளில் ஈடுபடுவார்கள். தம் குடும்பத்தாரையும் எழுப்பிவிடுவார்கள்'' என ஆயிஷா(ரலி) அறிவித்தார்.
நூல்: புகாரீ, முஸ்லிம்

720. இறைத்தூதர்(ஸல்) இஃதிகாஃப் இருக்க விரும்பினால், ஃபஜ்ர் தொழுவார்கள். பின்னர், இஃதிகாஃபில் நுழைந்துவிடுவார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

722. ``நோயாளியை நலம் விசாரிக்கச் செல்லாமலும், ஜனாஸாவில் கலந்துகொள்ளாமலும், பெண்ணைத் தொடாமலும், அவளைக் கட்டியணைக்காமலும், தன் முக்கியத் தேவைக்க்காகவே தவிர, வேறு எதற்காகவும் இறைஇல்லத்தை விட்டு வெளியில் வராமலும் இருப்பது இஃதிகாஃப் இருப்பவர் மீது சுன்னத்தாகும் (நபிவழியாகும்). இன்னும், நோன்பில்லாமல் இஃதிகாப் இல்லை. மேலும், தொழுகைக்காக மக்கள் கூடுகிற இறைஇல்லத்தில் தவிர வேறு எங்கும் இல்லை'' என்று ஆயிஷா(ரலி) அறிவித்தார்.
நூல்: அபூ தாவூத்
இதன் இறுதிப் பகுதி அன்னை ஆயிஷா(ரலி) அவர்களின் கூற்று என்பதே சரியாகும்.

724. நபித்தோழர்களில் சிலருக்கு லைலத்துல் கத்ரு பிந்தைய ஏழு நாள்களில் (இருப்பதாக) கனவில் காண்பிக்கப்பட்டது. இது குறித்து, ``உங்கள் கனவுகள் எல்லாம் (ரமளானில்) கடைசி ஏழு நாள்களிலேயே சேர்ந்து அமைந்திருப்பதை நான் காண்கிறேன். யாரேனும் அதைத் தேடுபவராய் இருப்பின் கடைசி ஏழு நாள்களில் தேடிக் கொள்ளட்டும்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்

726. ``இறைத்தூதர் அவர்களே! லைலத்துல் கத்ர் எதுவென அறிந்து கொண்டால் நான் என்ன கூறுவது?'' என நான் கேட்டேன்.
``யா அல்லாஹ்! நிச்சயமாக நீ மன்னிக்க கூடியவன்; மன்னிப்பை விரும்புபவன்; என்னை மன்னிப்பாயாக! எனக் கூறவும்'' என்று இறைத்தூதர்(ஸல்) பதிலளித்தார்கள் என ஆயிஷா(ரலி) அறிவித்தார்.
நூல்கள்: அஹ்மத், திர்மிதீ மற்றும் இப்னு மாஜா.
இமாம் திர்மிதீ மற்றும் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்..