722. ``நோயாளியை நலம் விசாரிக்கச் செல்லாமலும், ஜனாஸாவில் கலந்துகொள்ளாமலும், பெண்ணைத் தொடாமலும், அவளைக் கட்டியணைக்காமலும், தன் முக்கியத் தேவைக்க்காகவே தவிர, வேறு எதற்காகவும் இறைஇல்லத்தை விட்டு வெளியில் வராமலும் இருப்பது இஃதிகாஃப் இருப்பவர் மீது சுன்னத்தாகும் (நபிவழியாகும்). இன்னும், நோன்பில்லாமல் இஃதிகாப் இல்லை. மேலும், தொழுகைக்காக மக்கள் கூடுகிற இறைஇல்லத்தில் தவிர வேறு எங்கும் இல்லை'' என்று ஆயிஷா(ரலி) அறிவித்தார்.
நூல்: அபூ தாவூத்
இதன் இறுதிப் பகுதி அன்னை ஆயிஷா(ரலி) அவர்களின் கூற்று என்பதே சரியாகும்.

724. நபித்தோழர்களில் சிலருக்கு லைலத்துல் கத்ரு பிந்தைய ஏழு நாள்களில் (இருப்பதாக) கனவில் காண்பிக்கப்பட்டது. இது குறித்து, ``உங்கள் கனவுகள் எல்லாம் (ரமளானில்) கடைசி ஏழு நாள்களிலேயே சேர்ந்து அமைந்திருப்பதை நான் காண்கிறேன். யாரேனும் அதைத் தேடுபவராய் இருப்பின் கடைசி ஏழு நாள்களில் தேடிக் கொள்ளட்டும்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்

726. ``இறைத்தூதர் அவர்களே! லைலத்துல் கத்ர் எதுவென அறிந்து கொண்டால் நான் என்ன கூறுவது?'' என நான் கேட்டேன்.
``யா அல்லாஹ்! நிச்சயமாக நீ மன்னிக்க கூடியவன்; மன்னிப்பை விரும்புபவன்; என்னை மன்னிப்பாயாக! எனக் கூறவும்'' என்று இறைத்தூதர்(ஸல்) பதிலளித்தார்கள் என ஆயிஷா(ரலி) அறிவித்தார்.
நூல்கள்: அஹ்மத், திர்மிதீ மற்றும் இப்னு மாஜா.
இமாம் திர்மிதீ மற்றும் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்..

728. ``ஓர் உம்ராவிலிருந்து மறு உம்ரா வரையிலான காலங்களின் பாவங்களுக்கு, உம்ரா பரிகாரமாகும். பாவங்கள் கலக்காத ஹஜ்ஜின் கூலி, சுவர்க்கத்தைத் தவிர வேறில்லை!'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

730. நபி(ஸல்) அவர்களிடம் ஒரு நாட்டுப் புறத்தார் வந்து, ``இறைத்தூதர் அவர்களே! எனக்கு உம்ராவைப் பற்றிக் கூறுங்கள். அது கடமையா?'' எனக் கேட்டார்.
``இல்லை! நீ உம்ரா செய்தால் உனக்குச் சிறப்பு என்று இறைத்தூதர்(ஸல்) கூறினார்கள் என ஜாபிர் இப்னு அப்தில்லாஹ் (ரலி) அறிவித்தார்.
நூல்கள்: அஹ்மத், திர்மிதீ
இது `மவ்கூஃப்' எனும் தரம் என்பதே சரியாகும். இப்னு அதீயின் மற்றோர் அறிவிப்பின் படி `ளயீஃப்' எனும் பலவீனமான அறிவிப்பாளர் தொடருடன் பதிவிடப்பட்டுள்ளது.
மற்றோர் அறிவிப்பின்படி ஜாபிர்(ரலி) வாயிலாக, `ஹஜ் மற்றும் உம்ரா கடமை என ``மர்ஃபூஃ'' எனும் தரத்தில் பதிவிடப்பட்டுள்ளது.

732. இப்னு உமர்(ரலி) வாயிலாக திர்மிதீயில் இடம் பெற்றுள்ள ஹதீஸ் `ளயீஃப்' எனும் பலவீனமான அறிவிப்பாளர் தொடருடன் பதிவிடப்பட்டுள்ளது.

734. இறைத்தூதர்(ஸல்) அவர்களுக்குப் பின்னால் வாகனத்தில் ஃபழ்ல் இப்னு அப்பாஸ் அமர்ந்திருந்தார். அப்போது, கஸ்அம் கோத்திரத்திலிருந்து ஒரு பெண்மணி வந்தார். உடனே ஃபழ்ல் அந்தப் பெண்ணைப் பார்த்தார். அந்தப் பெண்ணும் அவரைப் பார்க்கலானாள். ஃபழ்லின் முகத்தை வேறு திசையில் இறைத்தூதர்(ஸல்) திருப்பிவிட்டார்கள்.
அப்போது, ``இறைத்தூதர் அவர்களே! அடியார்கள் மீது ஹஜ் அல்லாஹ்வின் கடமையாக உள்ளது. என் தந்தை மிகவும் வயோதிகராகிவிட்டார். அவரால் வாகனத்தில் அமர இயலாது. எனவே, அவர் சார்பாக நான் ஹஜ் செய்யலாமா?'' என (அப்பெண்) கேட்டார்.
``ஆம்! (செய்யலாம்) என்று கூறினார்கள். இது ஹஜ்ஜத்துல்வதாவில் நிகழ்ந்தது'' என இப்னு அப்பாஸ்(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம் பெற்றுள்ளது.

736. ``சிறுவராக இருக்கும்போது ஹஜ் செய்தவர், இளமையை அடைந்தால் மற்றொரு ஹஜ் செய்ய வேண்டும். அடிமையாய் இருக்கும்போது ஹஜ் செய்தவர் விடுதலையடைந்தால் மற்றொரு ஹஜ் செய்ய வேண்டும்'' என்று இறைத்தூதர்(ஸல்) கூறினார்கள் என இப்னு அப்பாஸ் (ரலி) அறிவித்தார்.
நூல்கள்: இப்னு அபீ ஷைபா, பைஹக்கீ
இதன் அறிவிப்பாளர்கள் பலமானவர்கள் இது ``மர்ஃபூஃ'' எனும் தரத்தில் உள்ளதா என்பதில் கருத்து வேறுபாடு உள்ளது. இது `மவ்கூஃப்' என்பதே சரியாகும்..

738. ஒருவர் (ஹஜ்ஜின்போதும்), ``ஷுப்ருமாவின் சார்பாக நான் ஆஜராகியுள்ளேன் எனக் கூறியதைச் செவியுற்ற இறைத்தூதர்(ஸல்), ``ஷுப்ருமா யார்?'' எனக் கேட்டார்கள்.
``என் சகோதரன்'' என்றோ, ``எனக்கு நெருக்கமானவர்'' என்றோ அவர் கூறினார்.
``முதலில் உனக்காக ஹஜ் செய்துகொள்! பின்னர் ஷுப்ராமாவிற்காக ஹஜ் செய்'' என்று இறைத்தூதர்(ஸல்) கூறினார்கள் என இப்னு அப்பா!(ரலி) அறிவித்தார்.
நூல்கள்: அபூ தாவூத், இப்னு மாஜா
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.
இது `மவ்கூஃப்' என்பதே சரியாகும் என இமாம் அஹ்மத்(ரஹ்) குறிப்பிட்டுள்ளார்.

740. இதன் (739வது ஹதீஸின்) மூலம் அபூ ஹுரைரா(ரலி) வாயிலாக முஸ்லிமில் உள்ளது.