732. இப்னு உமர்(ரலி) வாயிலாக திர்மிதீயில் இடம் பெற்றுள்ள ஹதீஸ் `ளயீஃப்' எனும் பலவீனமான அறிவிப்பாளர் தொடருடன் பதிவிடப்பட்டுள்ளது.

734. இறைத்தூதர்(ஸல்) அவர்களுக்குப் பின்னால் வாகனத்தில் ஃபழ்ல் இப்னு அப்பாஸ் அமர்ந்திருந்தார். அப்போது, கஸ்அம் கோத்திரத்திலிருந்து ஒரு பெண்மணி வந்தார். உடனே ஃபழ்ல் அந்தப் பெண்ணைப் பார்த்தார். அந்தப் பெண்ணும் அவரைப் பார்க்கலானாள். ஃபழ்லின் முகத்தை வேறு திசையில் இறைத்தூதர்(ஸல்) திருப்பிவிட்டார்கள்.
அப்போது, ``இறைத்தூதர் அவர்களே! அடியார்கள் மீது ஹஜ் அல்லாஹ்வின் கடமையாக உள்ளது. என் தந்தை மிகவும் வயோதிகராகிவிட்டார். அவரால் வாகனத்தில் அமர இயலாது. எனவே, அவர் சார்பாக நான் ஹஜ் செய்யலாமா?'' என (அப்பெண்) கேட்டார்.
``ஆம்! (செய்யலாம்) என்று கூறினார்கள். இது ஹஜ்ஜத்துல்வதாவில் நிகழ்ந்தது'' என இப்னு அப்பாஸ்(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம் பெற்றுள்ளது.

736. ``சிறுவராக இருக்கும்போது ஹஜ் செய்தவர், இளமையை அடைந்தால் மற்றொரு ஹஜ் செய்ய வேண்டும். அடிமையாய் இருக்கும்போது ஹஜ் செய்தவர் விடுதலையடைந்தால் மற்றொரு ஹஜ் செய்ய வேண்டும்'' என்று இறைத்தூதர்(ஸல்) கூறினார்கள் என இப்னு அப்பாஸ் (ரலி) அறிவித்தார்.
நூல்கள்: இப்னு அபீ ஷைபா, பைஹக்கீ
இதன் அறிவிப்பாளர்கள் பலமானவர்கள் இது ``மர்ஃபூஃ'' எனும் தரத்தில் உள்ளதா என்பதில் கருத்து வேறுபாடு உள்ளது. இது `மவ்கூஃப்' என்பதே சரியாகும்..

738. ஒருவர் (ஹஜ்ஜின்போதும்), ``ஷுப்ருமாவின் சார்பாக நான் ஆஜராகியுள்ளேன் எனக் கூறியதைச் செவியுற்ற இறைத்தூதர்(ஸல்), ``ஷுப்ருமா யார்?'' எனக் கேட்டார்கள்.
``என் சகோதரன்'' என்றோ, ``எனக்கு நெருக்கமானவர்'' என்றோ அவர் கூறினார்.
``முதலில் உனக்காக ஹஜ் செய்துகொள்! பின்னர் ஷுப்ராமாவிற்காக ஹஜ் செய்'' என்று இறைத்தூதர்(ஸல்) கூறினார்கள் என இப்னு அப்பா!(ரலி) அறிவித்தார்.
நூல்கள்: அபூ தாவூத், இப்னு மாஜா
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.
இது `மவ்கூஃப்' என்பதே சரியாகும் என இமாம் அஹ்மத்(ரஹ்) குறிப்பிட்டுள்ளார்.

740. இதன் (739வது ஹதீஸின்) மூலம் அபூ ஹுரைரா(ரலி) வாயிலாக முஸ்லிமில் உள்ளது.

742. இராக் வாசிகளின் இஹ்ராம் கட்டுமிடம் `தாத்து இர்க்' எனும் மலைக்குன்று அருகே என இறைத்தூதர்(ஸல்) நிர்ணயித்தார்கள் என ஆயிஷா(ரலி) அறிவித்தார்கள்.
நூல்கள்: அபூ தாவூத், நஸயீ

744. `தாத்து இர்க்' என்னும் இடத்தை இஹ்ராம் கட்டும் இடமாக உமர்(ரலி) அவர்களே ஆக்கினார்கள் என புகாரீயில் உள்ளது.

746. ஹஜ்ஜதுல் வதா ஆண்டில், இறைத்தூதர்(ஸல்) அவர்களுடன் நாங்கள் சென்றோம். அப்போது, எங்களில் சிலர் உம்ராவுக்காக இஹ்ராம் கட்டினார்கள். மற்றும் சிலர் ஹஜ்ஜுக்காகவும் உம்ராவுக்காவும் இஹ்ராம் கட்டினார்கள். வேறு சிலர் ஹஜ்ஜுக்காக (மட்டும்) இஹ்ராம் கட்டினர். இறைத்தூதர்(ஸல்) ஹஜ்ஜுக்காக இஹ்ராம் கட்டினார்கள். உம்ராவுக்காக இஹ்ராம் கட்டியவர்கள் மக்காவை அடைந்தவுடன் (உம்ரா செய்து) இஹ்ராமைக் கலைந்தார்கள். ஹஜ்ஜுக்காக இஹ்ராம் கட்டியவர்கள் அல்லது ஹஜ் உம்ரா இரண்டையும் ஒன்று சேர்த்து கிரான் எனும் ஹஜ்ஜுக்கு இஹ்ராம் கட்டியவர்கள், குர்பானீ கொடுக்கும் நாள் வரை இஹ்ராமைக் கலைந்து ஹலால் ஆகவில்லை என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

748. ``என்னிடம் ஜிப்ரீல்(அலை) வந்து, என் தோழர்கள். அவர்களின் லப்பைக் முழக்கத்தை உயர்த்தும்படி நான் கட்டளையிட வேண்டுமாறு எனக்குக் உத்தரவிட்டார்கள்'' என்று இறைத்தூதர்(ஸல்) கூறினார்கள் என கல்லாத் இப்னு அஸ்ஸாயிபு தம் தந்தையிடமிருந்து அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா.
இமாம் திர்மிதீ மற்றும் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

750. ``இஹ்ராம் கட்டுபவர்கள், எத்தகைய ஆடை அணிய வேண்டும்? என இறைத்தூதர்(ஸல்) அவர்களிடம் கேட்கப்பட்டது.
``சட்டை, தலைப்பாகை, காலுறை மற்றும் தலையில் மூடும் அளவிற்கான நீண்ட அங்கி ஆகியவற்றை அணியவேண்டாம். காலணி இல்லாதவர் காலுறை அணிந்து கொள்ளட்டும். ஆனால், அதனை (மேலிருந்து) கரண்டைக் காலுக்குக் கீழ் கத்தரித்துக் கொள்ளட்டும். காவி (அல்லது குங்குமப்பூச்சாயம்) மேலும், `வர்ஸ்' எனும் செடியின் இலையின் சாயம் பூசப்பட்ட ஆடைகளை அணிய வேண்டாம்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.