84. ``இறைத்தூதர்(ஸல்) எந்நேரமும் அல்லாஹ்வை நினைவு கூர்பவர்களாகவே இருந்தார்கள்'' என ஆயிஷா(ரலி) அறிவித்தார்.
நூல்: முஸ்லிம்
இது புகாரீயில் `முஅல்லக்' எனும் தரத்தில் உள்ளது.
குறிப்பு: இறைவனை நினைவு கூரக்கூடிய நேரங்களில் எல்லாம் `உளூ' உடன் இருப்பது சிறப்பு. ஆனால், `உளூ' உடன் இருந்தால் மட்டுமே இறைவனை நினைவுகூர வேண்டும் என்ற மனநிலை தவறானது.

86. ``மலவாய்க்கு முடிச்சு கண் (விழித்திருத்தல்) ஆகும். கண்கள் இரண்டும் தூங்கினால், முடிச்சு அவிழ்ந்துவிடும்'' என்று இறைத்தூதர்(ஸல்) கூறினார்கள் என முஆவியா(ரலி) அறிவித்தார்.
நூல்கள்: அஹ்மத், தப்ரானீ

88. ``படுத்துத் தூங்கியவர் மீதே `உளூ' கடமையாகும்'' என்று இறைத்தூதர்(ஸல்) கூறினார்கள் என இப்னு அப்பாஸ்(ரலி) அறிவித்தார்.
நூல்: அபூ தாவூத்
இந்த ஹதீஸும் பலவீனமான அறிவிப்புத் தொடரைக் கொண்டுள்ளது.

90. இது (89ம் எண் ஹதீஸ்) அப்துல்லாஹ் இப்னு ஜைத்(ரலி) வாயிலாக புகாரீ மற்றும் முஸ்லிமில் உள்ளது.

92. ``உங்களில் யாரிடமேனும் ஷைத்தான் வந்து (ஐயத்தைக் கிளப்பி), ``உனக்கு `உளூ' முறிந்து விட்டது'' எனக் கூறினால், ``நீ பொய்யுரைத்தாய்'' என அவர் (தன் மனதில்) கூறட்டும் என்று இறைத்தூதர்(ஸல்) கூறினார்கள் என அபூ ஸயீத் (ரலி) அறிவித்தார்.
நூல்: ஹாகிம்
மேலும் இப்னு ஹிப்பானில் ``அவர் தன் மனதினுள் (இவ்வாறு) கூறட்டும்'' எனும் வாசகம் சேர்க்கப்பட்டுள்ளது.
குறிப்பு: `உளூ' முறியாமலேயே `உளூ' முறிந்துவிட்டதோ என்ற ஐயம் ஏற்பட்டால் எனப் பொருள்.
மலம், சிறுநீர் கழிக்கும் ஒழுங்குகள்

94. நபி(ஸல்), மலஜலம் கழிக்கச் செல்லும் போது, ``யா அல்லாஹ்! தீய ஆண் தீய பெண் வர்க்கத்தை விட்டு உன்னிடம் பாதுகாவல் தேடுகிறேன்!'' என்று கூறுவார்கள் என அனஸ்(ரலி) அறிவித்தார்.
நூல்கள்: புகாரீ, முஸ்லிம், அபூ தாவூத், திர்மிதீ, இப்னு மாஜா, நஸயீ மற்றும் அஹ்மத்.

96. தண்ணீர்ப் பாத்திரத்தை எடுக்குமாறு நபி(ஸல்) என்னைப் பணித்துவிட்டு, என் பார்வைபடாத தூரம் வரை சென்றார்கள். பின்னர் தம் சுயதேவையை நிறைவேற்றினார்கள் என முகீரா இப்னு ஷுஅபா(ரலி) அறிவித்தார்.
நூல்கள்: புகாரீ, முஸ்லிம்

98. ``நீரூற்று, பொதுவழி மற்றும் நிழலில், மலஜலம் கழிப்பதால் ஏற்படும் மூன்று சாபங்களையும் அஞ்சுங்கள்'' என இறைத்தூதர்(ஸல்) கூறினார்கள் என முஆத்(ரலி) அறிவித்தார் என்பது அபூ தாவூதில் அதிகப்படியாக உள்ளது.

100. ``கனி தரும் மரங்களுக்குக் கீழும், ஓடிக் கொண்டிருக்கும் ஆற்றங்கரையிலும் மலஜலம் கழிப்பதை இறைத்தூதர்(ஸல்) தடுத்தார்கள்'' என இப்னு உமர்(ரலி) அறிவித்தார்.
நூல்: தப்ரானீ
இதனை இமாம் தப்ரானீ(ரஹ்) பலவீனமான அறிவிப்பாளர் தொடரில் பதிவிட்டுள்ளார்.

102. ``உங்களில் ஒருவர் சிறுநீர் கழிக்கும்போது, தன் மர்ம உறுப்பைத் தன் வலக் கையால் பிடிக்க வேண்டாம். மேலும் மலஜலம் கழித்தப் பின் தன் வலக்கையால் சுத்தம் செய்ய வேண்டாம். இன்னும், (தண்ணீர் பருகும்போது) பாத்திரத்தினுள் மூச்சுவிட வேண்டாம்'' என்று இறைத்தூதர்(ஸல்) கூறினார்கள் என அபூ கதாதா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.