916. ஹுனைன் போரின்போது இறைத்தூதர்(ஸல்) சில கேடயங்களைத் தம்மிடம் இரவல் வாங்கியபோது, ``முஹம்மதே! இது (போரின்) கொள்ளைப் பொருளா? அல்லது இரவலா?'' என நான் கேட்டேன்.
``இல்லை! (திரும்பக் கொடுத்துவிடுவதாகப்) பொறுப்பேற்றுக் கொண்ட இரவல்'' என்று இறைத்தூதர்(ஸல்) தன்னிடம் கூறினார்கள் என ஸஃப்வான் இப்னு உமையா(ரலி) அறிவித்தார்.
நூல்கள்: அபூ தாவூத், அஹ்மத் மற்றும் நஸயீ
இம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

918. ``அநியாயமாக (பிறரின்) பூமியில் ஓர் அங்குலத்தை எடுப்பவனின் கழுத்தில், ஏழு பூமிகளை மாலையாக மறுமையில் அல்லாஹ் போட்டுவிடுவான்'' என்று இறைத்தூதர்(ஸல்) கூறினார்கள் என ஸயீத் இப்னு ஸைத்(ரலி) அறிவித்தார்.
நூல்கள்: புகாரீ, முஸ்லிம்

920. ``பிறரின் பூமியில் (நிலத்தில்) அவரின் அனுமதி இன்றிப் பயிரிடுபவருக்கு அதிலிருந்து எதுவும் கொடுக்கப்படாது. அவர் செலவிட்டுள்ள அளவு மட்டுமே கொடுக்கப்படும்'' என்று இறைத்தூதர்(ஸல்) கூறினார்கள் என ராஃபிவு இப்னு கதீக்(ரலி) அறிவித்தார்.
நூல்கள்: அஹ்மத், அபூ தாவூத், திர்மிதீ மற்றும் இப்னு மாஜா
இமாம் திர்மிதீ(ரஹ்) இதனை ``ஹஸன்'' எனக் குறிப்பிட்டுள்ளார். இமாம் புகாரீ(ரஹ்) இதனை `ளயீஃப்' எனக் குறிப்பிட்டுள்ளார் எனக் கூறப்படுகிறது.

922. மற்றோர் அறிவிப்பில், திர்மிதீ, அபூ தாவூத், நஸயீ மற்றும் இப்னு மாஜா ஆகிய நூல்களில் உர்வா மற்றும் ஸயீத் இப்னு ஸைத் வாயிலாக உள்ள ஹதீஸ் ``மவ்ஸூல்'' மற்றும் ``முர்ஸல்'' என்பதில் கருத்து வேறுபாடு உள்ளது. ஏனெனில், இதனை அறிவித்த நபித்தோழர் யார் எனத் தெரியவில்லை.

924. ``பிரித்தளிக்கப்படாத (தனக்குச் சேர வேண்டிய) ஒவ்வொரு பொருளிலும் ஷுஃப்ஆவிற்கு இறைத்தூதர்(ஸல்) அனுமதி அளித்தார்கள். ஆனால், எல்லைகள் நிர்ணயிக்கப்பட்டு பாதைகள் குறிக்கப்பட்டுவிட்டால்; அதில் ஷுஃஆ இல்லை'' என ஜாபிர் இப்னு அப்தில்லாஹ்(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம் பெற்றுள்ளது.
குறிப்பு: இருவருக்குச் சொந்தமான சொத்தில் ஒரு தன்னுடைய பங்கை விற்க விரும்பினால், பிறரைவிட தம் பங்குதாரருக்கே முன்னுரிமை அளித்தல் ஷுஃப்ஆ எனப்படும்.

926. ``அண்டை வீட்டுக்காரரே (ஒரு வீட்டை வாங்குவதில்) அதிக உரிமை பெற்றுள்ளார்'' என்று இறைத்தூதர்(ஸல்) கூறினார்கள் என அனஸ் இப்னு மாலிக்(ரலி) அறிவித்தார்.
நூல்: நஸயீ
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.
இதில் மஃலூல் எனும் குறைபாடு உள்ளது.
இதில் மஃலூல் எனும் குறைபாடு உள்ளது.

928. ``ஷுஃப்ஆவில் அண்டை வீட்டாரே அதிகம் உரிமை பெற்றுள்ளார். (எனவே) அவர் ஊரில் இல்லாவிட்டாலும், அவர் வரும் வரை காத்திருந்து, பிறகுதான் விற்கவேண்டும். இருவரின் (வீட்டுப்) பாதையும் ஒன்றாக இருக்கும் வரையே இந்த நிபந்தனை'' என்று இறைத்தூதர்(ஸல்) கூறினார்கள் என ஜாபிர்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இதன் அறிவிப்பாளர்கள் பலமானவர்கள்.

930. ``குறிப்பிட்ட கால அவகாசத்துடன் வியாபாரம் செய்தல், கூட்டு வியாபாத்திற்காகக் கொடுக்கப்படும் கடன் மற்றும் வியாபாரத்திற்கு அல்லாது வீட்டில் கோதுமையுடன் வாற் கோதுமையைக் கலந்து வைத்தல் ஆகிய மூன்றில் அருள் வளம் உள்ளது'' என்று இறைத்தூதர்(ஸல்) கூறினார்கள் என ஸுஹைப்(ரலி) அறிவித்தார்.
இதனை இமாம் இப்னு மாஜா பலவீனமான அறிவிப்புத் தொடருடன் பதிவிட்டுள்ளார்.

932. பேரீச்சை அல்லது மற்ற பயிர்களில் ஒரு பகுதியைக் கொடுத்துவிட வேண்டும் என்னும் நிபந்தனையின் பேரில் கைபர்வாசிகளுடன் இறைத்தூதர்(ஸல்) ஒப்பந்தம் செய்தார்கள் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்
புகாரீ, முஸ்லிமின் மற்றோர் அறிவிப்பில், ``அவர்கள் தங்களுக்குத் தங்களின் உழைப்புக்குப் பகரமாக விளைச்சலின் ஒரு பகுதியை வேண்டினார்கள். அதாவது அரைப்பங்கு தங்களுக்கு என வேண்டினார்கள். அதற்கு, ``நாங்கள் விரும்பும் வரை உங்களுக்கு நீங்கள் கேட்டதையே நிர்ணயிக்கிறோம்'' என்று இறைத்தூதர்(ஸல்) கூறினார்கள். பின்னர், அவர்களை உமர்(ரலி) நாடு கடத்தும் வரை அதே அளவு பங்கைப் பெற்று வந்தார்கள் என உள்ளது.
முஸ்லிமின் மற்றோர் அறிவிப்பில், `கைபர் யூதர்களிடம், கைபர் பேரீச்சைத் தோட்டங்களையும், கைபர் நிலத்தையும் தங்களின் செல்வத்தால் விவசாயம் செய்து அதில் அவர்கள் அடைகிற மகசூலில் அரைப்பாங்கு (மட்டும்) அவர்களுக்கு என இறைத்தூதர்(ஸல்) நிர்ணயித்தார்கள் என உள்ளது.

934. ``இறைத்தூதர்(ஸல்) முஸாராஆ (நிலக் குத்தகை) முறையை தடைசெய்து, கிரயக் குத்தகை முறையைப் பின்பற்றும்படி கட்டளையிட்டார்கள் என ஸாபித் இப்னு ளஹ்ஹாக்(ரலி) அறிவித்தார்.
நூல்: முஸ்லிம்
குறிப்பு: நிலம் வைத்திருப்பவருடன் மகசூலில் குறிப்பிட்ட அளவு கொடுப்பதாக பயிரிடுபவர் ஒப்பந்தம் செய்தல் முஸாரஆ எனப்படும்.