மாலிக் பின் மிஃக்வல் அவர்கள் கூறியதாவது: 'அஷ்-ஷஅபீ அவர்கள் கூற நான் கேட்டேன்: 'அல்கமா பின் கைஸ் அவர்கள் தங்களது தொழுகையில் (ரக்அத்களின் எண்ணிக்கையில்) மறந்துவிட்டார்கள். அவர்கள் (தொழுகையை முடித்து) பேசிய பிறகு (அருகிலிருந்தவர்கள்) அதுபற்றி அவர்களிடம் கூறினார்கள். அதற்கு அவர்கள், 'ஒற்றைக் கண்ணரே! அப்படியா (நான் மறந்தேன்)?' என்று கேட்டார்கள். அதற்கு அவர், 'ஆம்' என்றார். ஆகவே, அவர்கள் (சாய்ந்து அமர்வதற்காகத் தமது கால்களையும், முதுகையும் சேர்த்து கட்டியிருந்த) ஆடையை அவிழ்த்துவிட்டு, மறதிக்கான இரண்டு ஸஜ்தாக்களைச் செய்துவிட்டு, 'இவ்வாறே அல்லாஹ்வின் தூதர் (ஸல்) அவர்கள் செய்தார்கள்' என்று கூறினார்கள்.' மேலும், '(உண்மையில்) அல்கமா அவர்கள் ஐந்து (ரக்அத்கள்) தொழுதிருந்தார்கள்' என்று அல்-ஹகம் அவர்கள் கூறவும் நான் கேட்டேன்.