ஸஃப்வான் இப்னு யஃலா (ரழி) அவர்கள், அவர்களுடைய தந்தை (யஃலா ரழி) பின்வருமாறு கூறியதாக அறிவித்தார்கள்:

நபி (ஸல்) அவர்கள் ஜிஃரானாவில் இருந்தபோது அவர்களிடம் ஒருவர் வந்தார். அப்போது நான் நபி (ஸல்) அவர்களுடன் இருந்தேன். அந்த நபர் (தைக்கப்பட்ட) ஒரு மேலங்கியை (ஜிப்பா) அணிந்திருந்தார்; மேலும் அவர் கலூக் (குங்குமப்பூ கலந்த மஞ்சள் நிற நறுமணம்) பூசியிருந்தார். அவர், "நான் உம்ராவிற்காக இஹ்ராம் நிலையில் இருக்கிறேன். இந்நிலையில் என் மீது இது (தைக்கப்பட்ட மேலங்கி) உள்ளது; நான் கலூக் (நறுமணமும்) பூசியிருக்கிறேன்" என்று கூறினார்.

நபி (ஸல்) அவர்கள் அவரிடம், "உமது ஹஜ்ஜில் நீர் என்ன செய்வீர்?" என்று கேட்டார்கள்.

அதற்கு அவர், "நான் இந்த ஆடைகளைக் களைந்துவிட்டு, இந்த கலூக் (நறுமணத்தை) என்னிடமிருந்து கழுவி விடுவேன்" என்று கூறினார்.

நபி (ஸல்) அவர்கள் அவரிடம், "உமது ஹஜ்ஜில் நீர் எதைச் செய்வீரோ, அதையே உமது உம்ராவிலும் செய்வீராக!" என்று கூறினார்கள்.