அனஸ் (ரலி) அவர்கள் கூறியதாவது:
"உக்ல் அல்லது உரைனா குலத்தைச் சேர்ந்த சிலர் (மதீனாவிற்கு) வந்தனர். மதீனாவின் காலநிலை அவர்களுக்கு ஒத்துக்கொள்ளவில்லை. ஆகவே, (பால் கறக்கும்) ஒட்டகங்களிடம் சென்று, அவற்றின் பாலையும் சிறுநீரையும் அருந்துமாறு நபி (ஸல்) அவர்கள் அவர்களுக்குக் கட்டளையிட்டார்கள். அவ்வாறே அவர்கள் சென்று, (அருந்தி) உடல் நலம் தேறியதும், நபி (ஸல்) அவர்களின் மேய்ப்பரைக் கொன்றுவிட்டு, ஒட்டகங்களை ஓட்டிச் சென்றனர்.

பகல் நேரத்தின் ஆரம்பத்தில் இச்செய்தி வந்தது. உடனே, அவர்களின் அடிச்சுவடுகளைப் பின்பற்றி (அவர்களைப் பிடித்து வர ஆட்களை) அனுப்பினார்கள். பகல் பொழுது உயர்ந்தபோது அவர்கள் பிடித்துக் கொண்டுவரப்பட்டார்கள். (நபி (ஸல்) அவர்கள்) கட்டளையிட, அவர்களது கைகளும் கால்களும் வெட்டப்பட்டன; கண்களில் (சூடேற்றிய இரும்பால்) குத்தப்பட்டது. பிறகு அவர்கள் ‘அல்ஹர்ரா’ பகுதியில் வீசப்பட்டார்கள். அவர்கள் தண்ணீர் கேட்டும் அவர்களுக்குத் தண்ணீர் புகட்டப்படவில்லை."

அபூ கிலாபா (ரஹ்) கூறினார்கள்: "இவர்கள் திருடினார்கள்; கொலையும் செய்தார்கள்; ஈமான் கொண்ட பின் இறைமறுப்பாளர்கள் (காஃபிர்கள்) ஆகிவிட்டார்கள்; அல்லாஹ்வுக்கும் அவனுடைய தூதருக்கும் எதிராகப் போரிட்டார்கள்."