அம்ரா (ரஹ்) அவர்கள் கூறினார்கள்:

“நான் ஆயிஷா (ரழி) அவர்களிடம், ‘அல்லாஹ்வின் தூதர் (ஸல்) அவர்கள் எவ்வாறு தொழுதார்கள்?’ என்று கேட்டேன். அதற்கு அவர்கள் கூறினார்கள்: ‘நபி (ஸல்) அவர்கள் உளூச் செய்யும்போது, தமது இரு கைகளையும் பாத்திரத்தில் வைத்து ‘பிஸ்மில்லாஹ்’ என்று கூறி, பரிபூரணமாக உளூச் செய்வார்கள். பிறகு அவர்கள் எழுந்து நின்று கிப்லாவை முன்னோக்குவார்கள்; தக்பீர் கூறுவார்கள்; தமது இரு கைகளையும் தமது தோள்களுக்கு இணையாக உயர்த்துவார்கள். பிறகு அவர்கள் ருகூஃ செய்வார்கள்; (அப்போது) தமது கைகளை தமது முழங்கால்களில் வைப்பார்கள்; தமது புஜங்களை (விலாப்புறங்களிலிருந்து) விலக்கி வைப்பார்கள். பிறகு அவர்கள் தமது தலையை உயர்த்தி, முதுகை நேராக்கி, நீங்கள் நிற்பதை விட சற்று நீண்ட நேரம் நிற்பார்கள். பிறகு அவர்கள் ஸஜ்தா செய்வார்கள்; (அப்போது) நான் பார்த்த வரையில், தமது கைகளை கிப்லாவை முன்னோக்கி வைத்து, முடிந்தவரை தமது புஜங்களை (விலாப்புறங்களிலிருந்து) விலக்கி வைப்பார்கள். பிறகு அவர்கள் தமது தலையை உயர்த்தி, தமது இடது காலின் மீது அமர்வார்கள்; வலது காலை நட்டு வைப்பார்கள். மேலும், அவர்கள் தமது இடது பக்கம் சாய்ந்து விடுவதை வெறுப்பார்கள்.’”