இப்னு அப்பாஸ் (ரழி) அறிவித்தார்கள்:

நபி (ஸல்) அவர்கள் மதீனாவிற்கு வந்தபோது, யூதர்கள் ஆஷூரா நாளில் நோன்பு நோற்றிருப்பதை கண்டார்கள். அப்போது, "இது என்ன?" என்று கேட்டார்கள். அதற்கு அவர்கள், "இது ஒரு நல்ல நாள். இந்நாளில் தான் அல்லாஹ் பனீ இஸ்ராயீலரை அவர்களின் எதிரிகளிடமிருந்து காப்பாற்றினான். எனவே, மூஸா (அலை) அவர்கள் இந்நாளில் நோன்பு நோற்றார்கள்" என்று கூறினார்கள். நபி (ஸல்) அவர்கள், "உங்களை விட மூஸா (அலை) அவர்கள் மீது எனக்கு அதிக உரிமை உண்டு (அவரைப் பின்பற்றுவதற்கும், இந்நாளைக் கொண்டாடுவதற்கும்)" என்று கூறினார்கள். எனவே, நபி (ஸல்) அவர்கள் அந்நாளில் நோன்பு நோற்றார்கள்; மேலும் நோன்பு நோற்கும்படி கட்டளையிட்டார்கள்.

இப்னு அப்பாஸ் (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் மதீனாவிற்கு வந்தபோது, யூதர்கள் ஆஷூரா நாளில் நோன்பு நோற்பதைக் கண்டார்கள். அவர்களிடம் அல்லாஹ்வின் தூதர் (ஸல்) அவர்கள், "நீங்கள் நோன்பு நோற்கும் இந்நாள் என்ன நாள்?" என்று கேட்டார்கள். அதற்கு அவர்கள், "இது ஒரு மகத்தான நாள். இதில் அல்லாஹ், மூஸா (அலை) அவர்களையும் அவருடைய மக்களையும் காப்பாற்றினான்; ஃபிர்அவ்னையும் அவனது மக்களையும் மூழ்கடித்தான். ஆகவே, மூஸா (அலை) அவர்கள் நன்றி செலுத்தும் விதமாக நோன்பு நோற்றார்கள். எனவே நாங்களும் நோன்பு நோற்கிறோம்" என்று கூறினர். அதற்கு அல்லாஹ்வின் தூதர் (ஸல்) அவர்கள், "உங்களைவிட மூஸா (அலை) அவர்களுக்கு நாங்களே அதிக உரிமையுடையவர்களும், நெருக்கமானவர்களும் ஆவோம்" என்று கூறினார்கள். ஆகவே, அல்லாஹ்வின் தூதர் (ஸல்) அவர்கள் (அந்நாளில்) நோன்பு நோற்றார்கள்; அந்நாளில் நோன்பு நோற்குமாறு கட்டளையிட்டார்கள்.