ஆயிஷா (ரழி) அறிவித்தார்கள்:
அபூபக்ர் (ரழி) (என்னிடம்) நுழைந்தபோது, அன்சாரிச் சிறுமிகள் இருவர் என்னிடத்தில் இருந்தனர். 'புஆஸ்' போரின்போது அன்ஸாரிகள் கூறிக்கொண்டவற்றை (கவிதைகளை) அவ்விருவரும் பாடிக்கொண்டிருந்தனர். அவ்விருவரும் (தொழில்முறைப்) பாடகிகள் அல்லர். (இதைக் கண்ட) அபூபக்ர் (ரழி), "அல்லாஹ்வின் தூதர் (ஸல்) அவர்களின் வீட்டில் ஷைத்தானின் இசைக் கருவிகளா?" என்று கூறினார்கள். அது ஒரு பெருநாள் தினமாக இருந்தது. அப்போது அல்லாஹ்வின் தூதர் (ஸல்) அவர்கள், "அபூபக்ரே! ஒவ்வொரு சமுதாயத்தாருக்கும் ஒரு பெருநாள் உண்டு; இது நமக்குரிய பெருநாளாகும்" என்று கூறினார்கள்.

ஆயிஷா (ரழி) அவர்கள் அறிவித்தார்கள்: ஒரு பெருநாள் அன்று (அது ஈதுல் ஃபித்ர் அல்லது ஈதுல் அள்ஹா ஆக இருக்கலாம்), நபி (ஸல்) அவர்கள் என்னருகில் இருந்தபோது, அபூபக்ர் (ரழி) அவர்கள் என்னிடம் வந்தார்கள். அப்போது என்னருகில் அன்ஸாரிகள் புஆத் (போர் நடந்த) நாளில் (நிகழ்ந்தவற்றை நினைவுபடுத்திப்) பாடிக்கொண்டிருந்த இரு சிறுமிகள் இருந்தனர். அபூபக்ர் (ரழி) அவர்கள் (இதைக் கேட்டு), “ஷைத்தானின் இசைக் கருவியா!” என்று இரண்டு முறை கூறினார்கள். ஆனால் நபி (ஸல்) அவர்கள், “அபூபக்ரே, அவர்களை விட்டுவிடுங்கள். ஏனெனில் ஒவ்வொரு சமூகத்திற்கும் ஒரு `ஈத்` (பண்டிகை) உண்டு. மேலும் இந்த நாள் நம்முடைய `ஈத்` ஆகும்” என்று கூறினார்கள்.

ஆயிஷா (ரழி) அவர்கள் கூறினார்கள்: அபூபக்கர் (ரழி) என்னிடம் வந்தார்கள். அப்போது அன்சாரிகளைச் சேர்ந்த இரண்டு சிறுமிகள் என்னுடன் இருந்தனர். அவர்கள் 'புஆத்' போரின்போது அன்சாரிகள் ஒருவருக்கொருவர் கூறிக்கொண்டவற்றை (கவிதைகளை) பாடிக்கொண்டிருந்தனர். அவ்விருவரும் (தொழில்முறை) பாடகிகள் அல்லர். அப்போது அபூபக்கர் (ரழி), "அல்லாஹ்வின் தூதர் (ஸல்) அவர்களின் இல்லத்தில் ஷைத்தானின் இசையா?" என்று கூறினார்கள். இந்நிகழ்வு ஒரு பெருநாள் தினத்தில் நடந்தது. அப்போது அல்லாஹ்வின் தூதர் (ஸல்) அவர்கள், "அபூபக்கரே! நிச்சயமாக ஒவ்வொரு சமூகத்திற்கும் ஒரு பெருநாள் உண்டு; இது நம்முடைய பெருநாளாகும்" என்று கூறினார்கள்.