உஸாமா பின் ஸைத் (ரலி) அவர்கள் அறிவித்தார்கள்:

நான் நபி (ஸல்) அவர்களிடம் அவர்களின் ஹஜ்ஜின்போது, "அல்லாஹ்வின் தூதரே! தாங்கள் நாளை எங்கே தங்குவீர்கள்?" என்று கேட்டேன்.

அதற்கு அவர்கள், "நமக்காக அகீல் (ரலி) அவர்கள் ஏதாவது வீட்டை விட்டுச் சென்றிருக்கிறார்களா?" என்று கேட்டார்கள்.

பிறகு அவர்கள், "நாளை நாம் பனூ கினானாவின் பள்ளத்தாக்கான (கைஃப்) அல்-முஹஸ்ஸபில் தங்குவோம். அங்குதான் குறைஷிகள் இறைமறுப்பின் (குஃப்ரின்) மீது சத்தியம் செய்திருந்தனர்" என்று கூறினார்கள்.

அதாவது, பனூ கினானாவினர் குறைஷிகளுடன் கூட்டணி அமைத்து, பனூ ஹாஷிம் குலத்தாருக்கு எதிராக, அவர்களுடன் கொடுக்கல் வாங்கல் செய்யக்கூடாது என்றும் அவர்களுக்கு அடைக்கலம் கொடுக்கக்கூடாது என்றும் ஒப்பந்தம் செய்திருந்தனர்.

(அஸ்ஸுஹ்ரீ அவர்கள் கூறினார்கள்: "கைஃப் என்பது பள்ளத்தாக்கைக் குறிக்கும்.")