الثاني: عن ابن عباس، رضي الله عنهما، قال: كان عمر رضي الله عنه يدخلني مع أشياخ بدر، فكأن بعضهم وجد في نفسه فقال: لم يدخل هذا معنا ولنا أبناء مثله!؟ فقال عمر: إنه من حيث علمتم! فدعاني ذات يوم فأدخلني معهم، فما رأيت أنه دعانى يومئذ إلا ليريهم قال: ما تقولون في قول الله تعالى: {إذا جاء نصر الله والفتح؟) ((النصر:1)) فقال بعضهم: أمرنا نحمد الله ونستغفره إذا نصرنا وفتح علينا. وسكت بعضهم فلم يقل شيئاً. فقال لي: أكذلك تقول يا ابن عباس؟ فقلت: لا. قال فما تقول؟ قلت: هو أجل رسول الله صلى الله عليه وسلم، أعلمه له قال: {إذاجاء نصر الله والفتح} وذلك علامة أجلك {فسبح بحمد ربك واستغفره إنه كان تواباً} ((الفتح: 3)) فقال عمر رضي الله عنه: ما أعلم منها إلا ما تقول. ((رواه البخاري)).
இப்னு அப்பாஸ் (ரழி) அவர்கள் கூறினார்கள்:
பத்ரு போரில் பங்கேற்ற கண்ணியமிக்க முதியவர்களுடன் உமர் (ரழி) அவர்கள் என்னை அமர வைப்பார்கள். அவர்களில் சிலர் அதை விரும்பாமல், உமர் (ரழி) அவர்களிடம், "இவரைப் போன்ற மகன்கள் எங்களுக்கும் இருக்கும்போது, இந்தச் சிறுவனை ஏன் எங்களுடன் அமர வைக்கிறீர்கள்?" என்று கேட்டார்கள். அதற்கு உமர் (ரழி) அவர்கள், "நீங்கள் ஏற்கனவே அறிந்திருக்கும் அவருடைய தகுதியின் காரணமாகவே (அதாவது, அவர் அறிவின் ஊற்றாகவும், நபிகள் நாயகத்தின் (ஸல்) வீட்டாரைச் சேர்ந்தவராகவும் இருக்கிறார்)" என்று பதிலளித்தார்கள். ஒரு நாள், உமர் (ரழி) அவர்கள் என்னை அழைத்து, அந்த மக்களின் சபையில் என்னை அமர வைத்தார்கள்; என்னுடைய மார்க்க அறிவை அவர்களுக்குக் காட்டுவதற்காகவே என்னை அழைத்தார்கள் என்று நான் நினைக்கிறேன். பின்னர் உமர் (ரழி) அவர்கள் (என் முன்னிலையில்) அவர்களிடம், "அல்லாஹ்வின் வசனத்திற்கு நீங்கள் எவ்வாறு விளக்கம் அளிக்கிறீர்கள்: 'அல்லாஹ்வின் உதவியும், (மக்காவின்) வெற்றியும் வரும்போது'" என்று கேட்டார்கள். அவர்களில் ஒருவர், "அல்லாஹ்வின் உதவியும் (மக்காவின்) வெற்றியும் நமக்குக் கிடைத்தபோது, அல்லாஹ்வின் புகழைப் போற்றித்துதிக்குமாறும், அவனிடம் பாவமன்னிப்புக் கோருமாறும் நாம் பணிக்கப்பட்டோம்" என்று கூறினார். வேறு சிலர் ஒரு வார்த்தைகூட பேசாமல் மௌனமாக இருந்தனர். அப்போது உமர் (ரழி) அவர்கள் என்னிடம், "இப்னு அப்பாஸ் (ரழி)! நீங்களும் இதையேதான் கூறுகிறீர்களா?" என்று கேட்டார்கள். நான், "இல்லை" என்று பதிலளித்தேன். அதற்கு அவர்கள், "அப்படியானால் நீங்கள் என்ன கூறுகிறீர்கள்?" என்று கேட்டார்கள். நான் பதிலளித்தேன்: "அது, நபிகள் நாயகத்தின் (ஸல்) மரணத்தின் அறிகுறியாகும். அதுபற்றி அவர்களுக்கு முன்பே அறிவிக்கப்பட்டுவிட்டது. உயர்ந்தோனாகிய அல்லாஹ் கூறுகிறான்:
'அல்லாஹ்வின் உதவியும், (மக்காவின்) வெற்றியும் வரும்போது'.
ஆகவே, உமது ரப்பின் குறைகளிலிருந்து தூய்மையை அறிவியுங்கள், மேலும் அவனிடம் பாவமன்னிப்புக் கோருங்கள். நிச்சயமாக, அவன் தவ்பாவை ஏற்றுக்கொள்பவனாகவும், மன்னிப்பவனாகவும் இருக்கிறான்".
அதைக் கேட்ட உமர் (ரழி) அவர்கள், "நீங்கள் கூறியதைத் தவிர வேறு எதுவும் இதுபற்றி எனக்குத் தெரியாது" என்று கூறினார்கள்.
அல்-புகாரி