அபூ ஹுரைரா (ரழி) அவர்கள் அறிவித்தார்கள்:
மக்கள், "அபூ ஹுரைரா (ரழி) அவர்கள் அதிகமான (ஹதீஸ்களை) அறிவிக்கிறார்கள்" என்று கூறுகிறார்கள். (ஆனால்) நான், என் வயிறு நிரம்பும் பொருட்டு அல்லாஹ்வின் தூதர் (ஸல்) அவர்களைப் பிரியாமல் இருந்து வந்தேன். நான் (மென்மையான) புளித்த மாவு ரொட்டியைச் சாப்பிட்டதில்லை; (விலையுயர்ந்த) அலங்கரிக்கப்பட்ட ஆடையை நான் அணிந்ததில்லை. எனக்குப் பணிவிடை செய்ய எந்த ஆணும் இல்லை; எந்தப் பெண்ணும் இல்லை. பசியின் காரணமாக நான் என் வயிற்றைச் சரளைக் கற்களில் அழுத்தி வைத்துக்கொள்வேன். ஒரு (குர்ஆன்) வசனம் எனக்குத் தெரிந்திருந்தாலும், அவர் என்னைத் தம் இல்லத்திற்கு அழைத்துச் சென்று எனக்கு உணவளிப்பார் என்பதற்காகவே, அதை எனக்கு ஓதிக் காட்டும்படி ஒருவரிடம் நான் கேட்பதுண்டு.

ஏழைகளிடத்தில் மக்களிலேயே மிகச் சிறந்தவராக ஜாஃபர் பின் அபீ தாலிப் (ரழி) அவர்கள் இருந்தார்கள். அவர்கள் எங்களைத் தம்முடைய இல்லத்திற்கு அழைத்துச் செல்வார்கள்; அங்குள்ளதை எங்களுக்கு வழங்குவார்கள். அவர்கள் (சில சமயங்களில்) ஒன்றுமில்லாத காலியான நெய் வைக்கும் தோல் பையைக்கூட எங்களுக்காக எடுத்து வருவார்கள்; நாங்கள் அதைக் கிழித்து, அதனுள்ளே (ஒட்டிப் பிடித்திருந்த) இருப்பதை நக்கிச் சாப்பிடுவோம்.