அபூ ஹுரைரா (ரழி) அவர்கள் அறிவித்தார்கள்:
நான் அல்லாஹ்வின் தூதர் (ஸல்) அவர்கள் கூறக் கேட்டேன்: "என் சமுதாயத்தினரில் (எந்தவித விசாரணையுமின்றி) சொர்க்கத்தில் நுழையும் ஒரு கூட்டத்தினர் எழுபதாயிரம் பேர் ஆவர். அவர்களின் முகங்கள் முழு நிலவைப் போன்று பிரகாசிக்கும்."

அப்போது உக்காஷா இப்னு மிஹ்ஸன் அல்-அஸதீ (ரழி) அவர்கள், தாம் அணிந்திருந்த வரிப்போர்வையை (அல்லது மேலாடையை) உயர்த்தியவாறு எழுந்து நின்று, "அல்லாஹ்வின் தூதரே! என்னை அவர்களில் ஒருவராக ஆக்குமாறு அல்லாஹ்விடம் எனக்காகப் பிரார்த்தியுங்கள்" என்று கூறினார்.

அதற்கு நபி (ஸல்) அவர்கள், "அல்லாஹும்ம இஜ்அல்ஹு மின்ஹும்" (யா அல்லாஹ்! இவரை அவர்களில் ஒருவராக ஆக்குவாயாக!) என்று கூறினார்கள்.

பிறகு அன்சாரிகளில் ஒரு மனிதர் எழுந்து, "அல்லாஹ்வின் தூதரே! என்னை அவர்களில் ஒருவராக ஆக்குமாறு அல்லாஹ்விடம் எனக்காகப் பிரார்த்தியுங்கள்" என்று கூறினார்.

அதற்கு அல்லாஹ்வின் தூதர் (ஸல்) அவர்கள், "உக்காஷா உங்களை முந்திவிட்டார் (இனி இது போன்ற கோரிக்கை ஏற்கப்படாது)" என்று கூறினார்கள்.

அபூ ஹுரைரா (ரழி) அவர்கள் அறிவித்தார்கள்:

அல்லாஹ்வின் தூதர் (ஸல்) அவர்கள் கூற நான் கேட்டேன்: "என் உம்மத்தில் எழுபதாயிரம் பேர் கொண்ட ஒரு கூட்டத்தினர் (எந்த வித விசாரணையுமின்றி சொர்க்கத்தில்) நுழைவார்கள்; அவர்களின் முகங்கள் பௌர்ணமி இரவின் நிலவின் பிரகாசத்தைப் போன்று இருக்கும்."

அபூ ஹுரைரா (ரழி) அவர்கள் கூறினார்கள்: உக்காஷா இப்னு மிஹ்ஸன் அல்-அஸதி (ரழி) அவர்கள் தம் போர்வையைத் தூக்கியவாறு எழுந்து நின்று, "அல்லாஹ்வின் தூதரே! அவர்களில் ஒருவராக என்னை ஆக்குமாறு அல்லாஹ்விடம் பிரார்த்தனை செய்யுங்கள்" என்று கேட்டார்.

அதற்கு அல்லாஹ்வின் தூதர் (ஸல்) அவர்கள், "அல்லாஹும்ம இஜ்அல்ஹு மின்ஹும்" (யா அல்லாஹ், இவரை அவர்களில் ஒருவராக ஆக்குவாயாக) என்று கூறினார்கள்.

பின்னர் அன்சாரிகளில் ஒருவர் எழுந்து நின்று, "அல்லாஹ்வின் தூதரே! அவர்களில் ஒருவராக என்னை ஆக்குமாறு அல்லாஹ்விடம் பிரார்த்தனை செய்யுங்கள்" என்று கேட்டார்.

அதற்கு அல்லாஹ்வின் தூதர் (ஸல்) அவர்கள், "இவ்விஷயத்தில் உக்காஷா உங்களை முந்திவிட்டார்" என்று கூறினார்கள்.