அல்லாஹ்வின் தூதர் (ஸல்) அவர்கள் கூறினார்கள்:
"ஆதமின் சந்ததிகளில் பிறக்கும் எந்தக் குழந்தையும் 'ஃபித்ரா' (எனும் இயற்கை மார்க்கத்தின்) மீதே பிறக்கின்றது. (அதன் பின்னர்) அக்குழந்தையின் பெற்றோர்களே அதனை யூதனாகவோ, அல்லது கிறிஸ்தவனாகவோ, அல்லது மஜூசியாகவோ (நெருப்பு வணங்கியாகவோ) ஆக்குகின்றனர். இது, ஒரு கால்நடை (எந்தக் குறையுமற்ற) முழுமையான ஒரு குட்டியை ஈனுவதைப் போன்றதாகும். (பிறக்கும்போது) அவற்றுள் காது அறுக்கப்பட்ட (அல்லது உறுப்பு சிதைக்கப்பட்ட) ஏதேனும் குட்டியை நீங்கள் காண்கிறீர்களா?"
பின்னர் அபூஹுரைரா (ரழி) அவர்கள் கூறினார்கள்: "நீங்கள் விரும்பினால் (இதனை உறுதிப்படுத்த பின்வரும் இறைவசனத்தை) ஓதிக்கொள்ளுங்கள்:
'அல்லாஹ் மனிதர்களை எதன் மீது படைத்தானோ அந்த (ஏகத்துவ) இயற்கை நெறியைப் (பின்பற்றுங்கள்). அல்லாஹ்வின் படைப்பில் எவ்வித மாற்றமும் இல்லை. இதுவே நிலையான மார்க்கமாகும். எனினும் மனிதர்களில் பெரும்பாலோர் (இதனை) அறியமாட்டார்கள்.' [அல்குர்ஆன் 30:30]"