இம்ரான் பின் ஹுசைன் (ரழி) அவர்கள் அறிவித்தார்கள்:
நபிகள் நாயகம் (ஸல்) அவர்கள் கூறினார்கள்: 'உங்களில் சிறந்தவர்கள் என் தலைமுறையினர்; பிறகு அவர்களை அடுத்து வருபவர்கள்; பிறகு அவர்களை அடுத்து வருபவர்கள் ஆவார்கள்.' (இம்ரான் (ரழி) அவர்கள் கூறுகிறார்கள்: நபிகள் நாயகம் (ஸல்) அவர்கள் தங்களின் தலைமுறைக்குப் பிறகு இரண்டு தலைமுறைகளைக் குறிப்பிட்டார்களா அல்லது மூன்று தலைமுறைகளைக் குறிப்பிட்டார்களா என்பது எனக்கு நினைவில்லை.) 'பின்னர் ஒரு கூட்டத்தினர் வருவார்கள்; அவர்கள் நேர்ச்சை செய்வார்கள்; ஆனால், அதை நிறைவேற்ற மாட்டார்கள். அவர்கள் நம்பிக்கைத் துரோகம் செய்வார்கள்; (அதனால்) அவர்கள் நம்பப்பட மாட்டார்கள். அவர்களிடம் சாட்சியம் கூறும்படி கேட்கப்படாதபோதே அவர்கள் சாட்சியம் கூறுவார்கள். அவர்களிடையே பருமன்தன்மை (அதிகமாக) தோன்றும்.'