ஹுதைஃபா (ரழி) அவர்கள் அறிவித்தார்கள்:

நபி (ஸல்) அவர்கள் உறங்கச் செல்லும்போது, "பிஸ்மிக்க அமூத்து வ அஹ்யா" என்று கூறுவார்கள். மேலும் அவர்கள் எழும்போது, "அல்ஹம்து லில்லாஹி ல்லதீ அஹ்யானா பஃத மா அமாத்தனா வ இலைஹின் னுஷூர்" என்று கூறுவார்கள்.

ஹுதைஃபா (ரழி) அறிவித்தார்கள்:

நபி (ஸல்) அவர்கள் இரவில் படுக்கைக்குச் செல்லும் போது, தங்களின் கையை தங்களின் கன்னத்தின் கீழ் வைத்துவிட்டு, "அல்லாஹும்ம பிஸ்மிக்க அமூத்து வ அஹ்யா," என்று கூறுவார்கள். மேலும், அவர்கள் (தூக்கத்திலிருந்து) எழும்போது, "அல்ஹம்து லில்லாஹி அல்லதீ அஹ்யானா பஃத மா அமாதனா வ இலைஹி அந்நுஷூர்." என்று கூறுவார்கள்.

ஹுதைஃபா (ரழி) அவர்கள் அறிவித்தார்கள்:

நபி (ஸல்) அவர்கள் உறங்கச் செல்ல நாடும்போதெல்லாம், "பிஸ்மிக்க அல்லாஹும்ம அமூத்து வ அஹ்யா (அல்லாஹ்வே! உனது திருப்பெயரால் நான் மரணிக்கிறேன்; மேலும் உயிர் பெறுகிறேன்)" என்று ஓதுவார்கள்.

மேலும் அவர்கள் தூக்கத்திலிருந்து விழித்தெழும் போது, "அல்ஹம்து லில்லாஹி ல்லதீ அஹ்யானா பஃத மா அமாத்தனா வ இலைஹி ன் நுஷூர் (எல்லாப் புகழும் அல்லாஹ்வுக்கே உரியது. அவன் எங்களை மரணிக்கச் செய்த (உறங்கச் செய்த) பின் எங்களுக்கு உயிர் கொடுத்தான்; மேலும் அவனிடமே (நாங்கள்) எழுப்பப்படுவோம்)" என்று கூறுவார்கள்.

அபூ தர் (ரழி) அவர்கள் அறிவித்தார்கள்:

நபி (ஸல்) அவர்கள் தமது படுக்கைக்குச் செல்லும் போதெல்லாம், "அல்லாஹும்ம பிஸ்மிக்க அமூத்து வ அஹ்யா," என்றும், அவர்கள் தூக்கத்திலிருந்து எழும்போதும், "அல்ஹம்து லில்லாஹில்லதீ அஹ்யானா பஃத மா அமா(த்)தனா வ இலைஹிந் நுஷூர்." என்றும் கூறுவார்கள்.

ஹுதைஃபா (ரழி) அவர்கள் அறிவித்தார்கள்:

நபி (ஸல்) அவர்கள் உறங்கச் செல்லும் போது, "அல்லாஹும்ம பிஸ்மிக்க அஹ்யா வ அமூத்" என்று கூறினார்கள். மேலும் அவர்கள் காலையில் எழுந்ததும், "அல்ஹம்து லில்லாஹில்லதீ அஹ்யானா பஃத மா அமாதனா வ இலைஹின்னுஷூர்" என்று கூறினார்கள்.