முகீரா பின் ஷுஅபா (ரலி) அவர்கள் கூறியதாவது:
ஓர் இரவில் நான் நபி (ஸல்) அவர்களுடன் ஒரு பயணத்தில் இருந்தேன். அவர்கள், "உன்னிடம் தண்ணீர் இருக்கிறதா?" என்று கேட்டார்கள். நான் "ஆம்" என்றேன். அவர்கள் தமது வாகனத்திலிருந்து இறங்கி, இரவின் இருளில் என்னிடமிருந்து மறையும் வரை (இயற்கைத் தேவையை நிறைவேற்ற) சென்றார்கள். பிறகு வந்தார்கள். நான் அவர்கள் மீது பாத்திரத்திலிருந்து (தண்ணீரை) ஊற்றினேன். அவர்கள் தங்கள் முகத்தையும் கைகளையும் கழுவினார்கள். அவர்கள் மீது கம்பளியினாலான நீண்ட அங்கி (ஜுப்பா) ஒன்று இருந்தது. அதிலிருந்து அவர்களால் தமது முன்னங்கைகளை வெளியே எடுக்க முடியவில்லை. எனவே, அந்த அங்கியின் கீழ்ப்புறமாகத் தம் கைகளை வெளியே எடுத்து, தமது முன்னங்கைகளைக் கழுவினார்கள். பிறகு, தமது தலையை (ஈரக் கையால்) வருடினார்கள். பிறகு நான் அவர்களின் காலுறைகளைக் (குஃப்ஃபுகளைக்) கழற்றக் குனிந்தேன். அதற்கு அவர்கள், "அவ்விரண்டையும் விட்டுவிடு! ஏனெனில், (கால்கள் இரண்டும்) தூய்மையாக இருந்த நிலையில்தான் நான் அவற்றை அணிந்தேன்" என்று கூறி, அவற்றின் மீது மஸஹ் செய்தார்கள்.

முஸ்லிம் அறிவிப்பில் கூடுதலாக:
உம்மு ஸுலைம் (ரழி) அவர்கள், "பெண்ணுக்கும் இவ்வாறு (நீர் வெளியேற்றம்) நிகழுமா?" என்று கேட்டார்கள். அதற்கு நபி (ஸல்) அவர்கள், "ஆம். (பெண்ணின் நீர் வெளியேற்றம்) அவ்வாறு இல்லையெனில், குழந்தைக்குத் தாயின் சாயல் எங்கிருந்து வருகிறது?" என்று கூறினார்கள்.