உபை இப்னு கஅப் (ரழி) அவர்கள் அறிவித்தார்கள்:
நான் அல்லாஹ்வின் தூதர் (ஸல்) அவர்களிடம், “ஒரு மனிதர் தம் மனைவியுடன் தாம்பத்திய உறவு கொண்டு (உறவு முடிந்த பின்), அவருக்கு விந்து வெளிப்படாத நிலை (ஏற்பட்டால் என்ன செய்ய வேண்டும்)?” என்று கேட்டேன். அதற்கு அவர்கள், “அவர், பெண்ணின் மறைவிடத்தைத் தொட்ட தனது உறுப்பைக் கழுவிக்கொண்டு, உளூச் செய்துவிட்டுப் பின்னர் தொழ வேண்டும்” என்று பதிலளித்தார்கள்.

(இமாம் அபூ அப்துல்லாஹ் (புகாரி) அவர்கள் கூறினார்கள்: “குளிப்பது மிகவும் பேணுதலானது; அதுவே (பிற்காலத்தில் வந்த) இறுதியான சட்டமுமாகும். (அறிஞர்களிடையே ஏற்பட்ட) கருத்து வேறுபாட்டின் காரணமாகவே நாம் இதைத் தெளிவுபடுத்தினோம்.”)