கைஸ் (ரழி) அவர்கள் அறிவித்தார்கள்:

(தங்கள் உடலில்) ஏழு இடங்களில் சூடு போடப்பட்டிருந்த கப்பாப் (ரழி) அவர்களிடம் நான் சென்றேன். அப்போது அவர்கள் கூறினார்கள்: “அல்லாஹ்வின் தூதர் (ஸல்) அவர்கள் மரணத்திற்காக (அல்லாஹ்விடம்) பிரார்த்தனை செய்ய எங்களைத் தடை செய்யாமலிருந்திருந்தால், நான் அதற்காக (மரணத்திற்காக அல்லாஹ்விடம்) பிரார்த்தனை செய்திருப்பேன்.”

கைஸ் அவர்கள் அறிவித்தார்கள்: வயிற்றில் ஏழு முறை சூடு போடும் சிகிச்சை செய்யப்பட்டிருந்த கப்பாப் (ரழி) அவர்களிடம் நான் சென்றேன். மேலும், அவர்கள் கூறுவதை நான் கேட்டேன்: "நபி (ஸல்) அவர்கள் மரணத்திற்காக (அல்லாஹ்விடம்) பிரார்த்திக்க எங்களைத் தடுத்திராவிட்டால், நான் அதற்காக (மரணத்திற்காக) பிரார்த்தித்திருப்பேன்."

கைஸ் (ரஹ்) அவர்கள் அறிவிக்கிறார்கள்:
கப்பாப் (ரலி) அவர்கள் தம் வயிற்றில் ஏழு (இடங்களில்) சூடு போட்டிருந்த நிலையில் (பின்வருமாறு) கூற நான் கேட்டேன்: "அல்லாஹ்வின் தூதர் (ஸல்) அவர்கள் மரணத்தை வேண்டிப் பிரார்த்திக்கக் கூடாது என எங்களைத் தடுத்திருக்காவிட்டால், நான் மரணத்தை வேண்டிப் பிரார்த்தித்திருப்பேன். நிச்சயமாக முஹம்மது (ஸல்) அவர்களின் தோழர்கள் (இவ்வுலகை விட்டும்) சென்றுவிட்டார்கள்; இவ்வுலகம் அவர்களின் (மறுமைப் பலன்களில்) எதையும் குறைத்துவிடவில்லை. ஆனால், நாங்களோ (அதிகமான செல்வத்தை) அடைந்துள்ளோம்; மண்ணைத் தவிர வேறு எதிலும் அதை வைக்க எங்களுக்கு இடம் கிடைக்கவில்லை (அதாவது, கட்டடங்கள் கட்டுவதிலேயே அந்தச் செல்வம் செலவாகிறது)."

கைஸ் (ரஹ்) அவர்கள் அறிவித்தார்கள்:

நாங்கள் கப்பாப் பின் அல்-அர்த் (ரழி) அவர்களை நலம் விசாரிக்கச் சென்றோம். அவர்கள் (தம் உடலில்) ஏழு முறை சூடு போட்டிருந்தார்கள்.

அவர்கள் கூறினார்கள்: "அல்லாஹ்வின் தூதர் (ஸல்) அவர்கள், மரணத்திற்காகப் பிரார்த்தனை செய்வதை எங்களுக்குத் தடை செய்யாமலிருந்திருந்தால், நான் அதற்காகப் பிரார்த்தனை செய்திருப்பேன்."

கைஸ் பின் அபீ ஹாஸிம் அவர்கள் கூறியதாவது:
நாங்கள் கப்பாப் (ரலி) அவர்களிடம் சென்றோம். அவர்கள் தமது வயிற்றில் ஏழு முறை சூடு போட்டு (சிகிச்சை பெற்றிருந்த) நிலையில் இருந்தார்கள். அப்போது அவர்கள், "அல்லாஹ்வின் தூதர் (ஸல்) அவர்கள் மரணத்தை (தமக்கு வர வேண்டும் என்று) பிரார்த்திப்பதை விட்டும் எங்களுக்குத் தடை விதித்திருக்காவிட்டால், நான் அதை (மரணத்தை) வேண்டியிருப்பேன்" என்று கூறினார்கள்.